Saudi Arabia Desert Floods: सौदी अरेबियात रेड अलर्ट! वीज खंडित, पूर, वाहतूक विस्कळीत; 2009-2011 च्या पुराची आठवण

Saudi Arabia News : सौदी अरेबियातील जेद्दाह, मक्का आणि आसपासच्या भागात मुसळधार पावसामुळे रस्ते पाण्याखाली गेले. शाळा बंद ठेवण्यात आल्या, वाहतूक ठप्प झाली आणि सुरक्षेच्या कारणास्तव प्रमुख कार्यक्रम रद्द करण्यात आले.

• सौदी अरेबियातील मक्का आणि जेद्दाह या वाळवंटी प्रदेशांत मंगळवारी अचानक सामान्य ‘रेड अलर्ट’पेक्षाही धोकादायक मुसळधार पाऊस झाला, ज्यामुळे अनेक रस्ते पाण्याखाली गेले.
•  पावसामुळे शाळा बंद ठेवण्यात आल्या, वर्ग ऑनलाइन सुरू करण्याचे आदेश दिले गेले, वाहतूक ठप्प झाली, तसेच सुरक्षेच्या कारणास्तव रेड सी आंतरराष्ट्रीय चित्रपट महोत्सव सारखे मोठे कार्यक्रम रद्द करावे लागले.
•  राष्ट्रीय हवामान विभागाने (NCM) बुधवार आणि गुरुवारसाठीही मदिना, ताबुक आणि इतर प्रांतांमध्ये तीव्र हवामानाचा इशारा दिला आहे, ज्यामुळे सौदी अरेबियाच्या पायाभूत सुविधांवर ताण येत आहे.

Mecca Heavy Rain Flooding : सौदी अरेबियाचा (Saudi Arabia) वाळवंटी प्रदेश (Desert Region) सहसा कोरडा असतो, परंतु मंगळवारी अचानक आलेल्या ‘आकाशीय कहरामुळे’ (Divine Wrath) मक्का, जेद्दाह आणि आसपासच्या भागात जनजीवन विस्कळीत झाले. सकाळपासूनच ढगाळ वातावरण होते, पण दुपारपर्यंत सुरू झालेल्या मुसळधार पावसाने काही मिनिटांतच परिस्थिती गंभीर बनवली. सौदीच्या राष्ट्रीय हवामान विभागाने (NCM) हा पाऊस सामान्य ‘रेड अलर्ट’पेक्षाही धोकादायक असल्याचे वर्णन केले आहे.

वाळवंटी प्रदेशांसाठी पाऊस दुर्मिळ असला तरी, मंगळवारी पाऊस इतका तीव्र होता की रस्ते अक्षरशः तलावांमध्ये रूपांतरित झाले. पूरसदृश परिस्थिती निर्माण झाल्यामुळे तात्काळ सुरक्षेचे उपाय योजण्यात आले. शाळा एक दिवस आधीच बंद करून वर्ग ऑनलाइन सुरू करण्याचे आदेश देण्यात आले. अनेक ठिकाणी रस्ते पाण्याखाली गेल्याने वाहतूक पूर्णपणे ठप्प झाली.

 हॉलीवूड कलाकारांचे सत्रही रद्द; मोठा कार्यक्रमाला फटका

या मुसळधार पावसाचा फटका केवळ सामान्य जीवनावरच नाही, तर मोठ्या आंतरराष्ट्रीय कार्यक्रमांवरही बसला. जेद्दाहमधील महत्त्वाचा रेड सी आंतरराष्ट्रीय चित्रपट महोत्सव (Red Sea International Film Festival) अचानक रद्द करावा लागला. पाऊस सुरू झाला तेव्हा दिग्दर्शक डॅरेन अ‍ॅरोनोफ्स्की स्टेजवर बोलत होते. पुढच्या एका तासात, मुसळधार गडगडाट आणि पावसामुळे संध्याकाळचे सर्व कार्यक्रम रद्द करण्यात आले. हॉलिवूड अभिनेता रिझ अहमद यांचे सत्र देखील रद्द करावे लागले. वाढत्या तणावामुळे आणि सुरक्षेच्या कारणास्तव, अमेरिकन दूतावासानेही आपला उत्सव कार्यक्रम रद्द केला. अनेक भागांमध्ये वीजपुरवठा खंडित झाला आणि पूर आला.

जागतिक घडामोडी संबंधित बातम्या वाचण्यासाठी येथे क्लिक करा : Power Export : Modi सरकारचा निर्णय महत्त्वाचा! Nepalचा Bangladeshसोबत ‘वीज डिप्लोमसी’चा मोठा डाव; भारताचे सहकार्य अनिवार्य

 सोशल मीडियावर व्हिडिओ व्हायरल; पायाभूत सुविधांवर प्रश्नचिन्ह

पावसाच्या तीव्रतेमुळे नागरिकांनी सोशल मीडियावर व्हिडिओ पोस्ट केले आहेत. या व्हिडिओमध्ये अवघ्या काही मिनिटांत वाहनांच्या डब्यांपर्यंत पाणी पोहोचल्याचे आणि अनेक ठिकाणी गाड्या अडकल्याचे दिसत आहे. जेद्दाहमध्ये वर्षातून काही वेळाच पाऊस पडतो, परंतु जेव्हा पाऊस पडतो तेव्हा शहराच्या पायाभूत सुविधांवर (Infrastructure) गंभीर परिणाम होतो. यापूर्वी २००९ आणि २०११ मध्ये अशाच प्रकारच्या पावसाने शहरात भीषण पूर आणला होता. या घटनेमुळे सौदी अरेबियाच्या पायाभूत सुविधांमध्ये सुधारणा करण्याची गरज पुन्हा एकदा अधोरेखित झाली आहे.

See more

Extremely heavy rainfall caused massive flooding in Jeddah, Mecca Province, Saudi Arabia 🇸🇦 (09.12.2025)#SaudiArabia #Jeddah #JeddahRain #FloodingInJeddah #HeavyRainfall #Flooding #ViralVideo #RainInSaudiArabia #MiddleEast #MiddleEastNews pic.twitter.com/5t9Ph8dX2f — Sharma ji Chambal wale (@sharmajichambal) December 10, 2025

credit : social media and Twitter

जागतिक घडामोडी संबंधित बातम्या वाचण्यासाठी येथे क्लिक करा : Invest In India: गुंतवणुकीची घोषणा लवकरच? जागतिक CEOsची PM Modi सोबत ग्रेट भेट; भारतात रोजगार आणि नवोपक्रमाला चालना

राष्ट्रीय हवामान विभागाने इशारा दिला आहे की हे तीव्र हवामान अजूनही संपलेले नाही. बुधवार आणि गुरुवारसाठीही मदिना, ताबुक, अल जावफ, उत्तरेकडील सीमावर्ती भाग आणि पूर्व प्रांतात जोरदार वारे, गारपीट आणि पुरासह मुसळधार पाऊस पडण्याची शक्यता आहे. नागरिकांना सखल भाग आणि दऱ्यांजवळ जाण्यास मनाई करण्यात आली आहे.