इस्रायलचे पंतप्रधान नेतन्याहू यांच्या घरावर बॉम्ब हल्ला
जेरूसेलम: इस्रायल-इराण संघर्ष पुन्हा तीव्र झाला आहे. मिळालेल्या माहितीनुसार, इस्त्रायलचे पंतप्रधान नेतन्याहू यांच्या घरावर ड्रोन हल्ले करण्यात आले. या हल्ल्यानंतर इस्रायलने इराणवर गंभीर आरोप केले आहेत. शनिवारी, हिजबुल्लाहने उत्तर इस्रायलवर 100 पेक्षा अधिक रॉकेट्स डागले. यामुळे एका व्यक्तीचा मृत्यू झाला आणि 10 पेक्षा अधिक लोक जखमी झाले. यासोबतच लेबनॉनमधून पाठवलेल्या ड्रोनने इस्रायलचे पंतप्रधान बेंजामिन नेतन्याहू यांच्या निवासस्थानावर हल्ला करण्याचा प्रयत्न करण्यात आला.
इराणच्या प्रॉक्सी हिजबुल्लाहने हत्येचा प्रयत्न करून मोठी चूक केली आहे
या घटनेनंतर, नेतन्याहू यांनी हिजबुल्लाहच्या या हल्ल्याला गंभीर चूक म्हणत त्याचा कठोर प्रतिसाद दिला. नेतन्याहू म्हणाले की, “इराणच्या प्रॉक्सी हिजबुल्लाहने माझ्या आणि माझ्या पत्नीच्या हत्येचा प्रयत्न करून मोठी चूक केली आहे. आम्ही आमचे शत्रूविरुद्धचे युद्ध सुरू ठेवू.” हिजबुल्लाहच्या या हल्ल्यानंतर, इस्रायलने लेबनॉनची राजधानी बेरूतमधील दहशतवादी ठिकाणांवर जोरदार हवाई हल्ले केले. इस्रायलचे हवाई दल इराण समर्थित हिजबुल्लाह आणि गाझामधील हमासच्या दहशतवादी तळांना लक्ष्य करत आहे. या हल्ल्यांच्या पार्श्वभूमीवर, इस्रायलचे परराष्ट्रमंत्री इस्रायल कॅट्स यांनी इराणवर हल्ल्याचा जबाबदार ठरवत खोटेपणाचा आरोप केला आहे.
The attempt by Iran’s proxy Hezbollah to assassinate me and my wife today was a grave mistake.
This will not deter me or the State of Israel from continuing our just war against our enemies in order to secure our future.
I say to Iran and its proxies in its axis of evil:…
— Benjamin Netanyahu – בנימין נתניהו (@netanyahu) October 19, 2024
हे देखील वाचा- हमास प्रमुखाच्या मृत्यूवर इस्राईलचे पंतप्रधान नेतन्याहूंचं मोठं वक्तव्य, म्हणाले…
इराणने जबाबदारी नाकारली
मात्र मिळालेल्या माहितीनुसार इराणने या हल्ल्याची जबाबदारी नाकारली आहे. आणि हिजबुल्लाहच्या सहभागाचा दावा केला आहे. यावर इस्रायलचे परराष्ट्रमंत्री कॅट्स यांनी ट्विट करत इराणवर कठोर टीका केली. त्यांनी म्हटले आहे की, “इराणने हिजबुल्लाहसारख्या गटांना तयार करून, त्यांना सशस्त्र करून आणि आता नियंत्रित करूनही स्वतःला निर्दोष दाखवण्याचा प्रयत्न करत आहे. तुमचे खोटे बोलणे तुम्हाला वाचवणार नाही.”
युद्ध सुरूच राहणार
नेतान्याहू आणि कॅट्स दोघांनीही इराणच्या भूमिकेवर जोर देत दहशतवादाविरुद्ध लढाई चालू ठेवण्याचे स्पष्ट संकेत दिले. इस्रायलने या हल्ल्यांनंतर आपली सुरक्षा मजबूत केली आहे आणि शत्रूंवर कठोर कारवाई करण्याचे वचन दिले आहे. या घटनाक्रमामुळे इस्रायल-इराण तणाव अधिक गडद झाला असून, दोन्ही देशांतील संघर्ष अधिक तीव्र होण्याची शक्यता आहे.
.png "Videos"){kind=small}
