Iran Attack on Amazon: इराणचा ॲमेझॉनवर हल्ला; गुगल, ॲपलसह १४ दिग्गज टेक कंपन्या रडारवर

इराणच्या लष्करी शाखेने (IRGC) संघर्ष सुरू राहिल्यास अमेरिकेच्या मायक्रोसॉफ्ट, गूगल, ॲपल, इंटेल, आयबीएम, टेस्ला आणि बोईंग यांसारख्या बलाढ्य कंपन्यांना लक्ष्य करण्याची धमकी दिली आहे.

 

Iran Attack on Amezon: मध्य पूर्वेतील अमेरिका-इस्रायल-इराण संघर्ष अधिक तीव्र झाला. इराणने बुधवारी बहरीनमधील ॲमेझॉनच्या मुख्यालयावर क्षेपणास्त्र हल्ला केला. बहरीन सरकारने या हल्ल्याची पुष्टी केली आहे. या हल्ल्यामुळे जागतिक अर्थव्यवस्था आणि तंत्रज्ञान क्षेत्रात मोठी खळबळ उडाली आहे. (US-Israel Iran War)

इराणने बहरीनच्या हमालाह येथील ॲमेझॉनच्या मुख्यालयावर क्षेपणास्त्र हल्ला केला, ज्यामुळे बेटेल्कोच्या मुख्यालयाच्या इमारतीचे मोठे नुकसान झाले. बेटेल्को ही बहरीनची सर्वात मोठी दूरसंचार कंपनी असून, येथे ॲमेझॉन वेब सर्व्हिसेसची पायाभूत सुविधा उपलब्ध आहे.

War Strategy : असे थांबले युद्ध! अमेरिका-इराण युद्धाच्या अर्धवट समाप्तीमागे दडली आहेत ‘ही’ अब्जावधींचे 5 गुपिते,

इराणनेदिली होती हल्ल्याची धमकी

इराणच्या इस्लामिक रिव्होल्यूशनरी गार्ड कॉर्प्सने (IRGC) मंगळवारी इशारा दिला होता की, ते १ एप्रिलपासून पश्चिम आशिया आणि आखाती प्रदेशातील अमेरिकी कंपन्यांना लक्ष्य करतील.

इराणच्या लक्ष्यांमध्ये मायक्रोसॉफ्ट, गूगल, ॲपल, इंटेल, आयबीएम (इंटरनॅशनल बिझनेस मशीन्स), टेस्ला, बोईंग, डेल टेक्नॉलॉजीज, ह्युलेट पॅकार्ड (एचपी), सिस्को, ओरॅकल, मेटा प्लॅटफॉर्म्स (फेसबुक, व्हॉट्सॲप, इन्स्टाग्राम), जेपीमॉर्गन चेस, जनरल इलेक्ट्रिक आणि ह्युलेट पॅकार्ड एंटरप्राइज यांसारख्या कंपन्यांचा समावेश आहे.

अमेरिकन कंपन्यांना लक्ष्य  ?

ओपनएआय, अँथ्रोपिक, गूगल आणि मायक्रोसॉफ्टसारख्या कंपन्या इराणविरुद्धच्या ड्रोन कारवाया आणि लक्ष्य निवडीमध्ये मदत करण्यासाठी अमेरिका आणि इस्रायलच्या लष्करासोबत संगनमत करत असल्याचा इराणने आरोप केला आहे.

इराणमधील युद्धाची परिस्थिती अत्यंत गंभीर झाली असून तेहरानमध्ये झालेल्या स्फोटांनंतर हवाई संरक्षण यंत्रणा कार्यान्वित करण्यात आली आहे. या वाढत्या हिंसाचारावर पोप लिओ चौदावे यांनी चिंता व्यक्त करत शांततेचे आवाहन केले आहे. आंतरराष्ट्रीय संघटनांनीही या संघर्षामुळे उद्भवणाऱ्या भीषण मानवी आणि आर्थिक संकटाचा इशारा दिला आहे.

Japan China Conflict: ड्रॅगनच्या उरात धडकी! जपानने रोखली 1000 किमीची क्षेपणास्त्रे; चीनच्या मुख्य भूमीवर थेट निशाणा

आयआरजीसीची धमकी: इराणच्या लष्करी शाखेने (IRGC) संघर्ष सुरू राहिल्यास अमेरिकेच्या मायक्रोसॉफ्ट, गूगल, ॲपल, इंटेल, आयबीएम, टेस्ला आणि बोईंग यांसारख्या बलाढ्य कंपन्यांना लक्ष्य करण्याची धमकी दिली आहे.

डोनाल्ड ट्रम्प यांचे विधान: अमेरिकन राष्ट्राध्यक्ष डोनाल्ड ट्रम्प यांनी होर्मुझच्या सामुद्रधुनीचा संदर्भ देत, हा मार्ग उघडल्याशिवायही आपण इराण युद्ध संपवू शकतो, असे खळबळजनक विधान केले आहे.

जागतिक तेल संकट: ट्रम्प यांच्या विधानामुळे आणि युद्धाच्या वाढत्या व्याप्तीमुळे जागतिक तेल बाजारातील अनिश्चितता आणि गुंतागुंत अधिक वाढली आहे.