ब्लड मून ते सूर्यग्रहणापर्यंत…; सप्टेंबर २०२५ खगोलप्रेमींसाठी ठरणार खास, जाणून घ्या काय घडणार?

यावेळी सप्टेंबरमध्ये सूर्यग्रहण आणि चंद्रग्रहण होणार आहे. खगोलशास्त्रज्ञांसाठी ही अत्यंत खास खगोलीय घटना ठरणार आहे. चला तर मग जाणून घेऊयात सूर्यग्रहण आणि चंद्रग्रहणाची तारीख आणि वेळ...

• २०२५ ठरणार खगोलशास्त्रज्ञ आणि अवकाश निरीक्षण करणाऱ्यांसाठी खास
• सप्टेंबरच्या सुरुवातील पाहता येणार चंद्रग्रहण
• सप्टेंबरच्या अखेरीस पाहता येणार सूर्यग्रहण

खगोल शास्त्रज्ञ आणि अवकाश निरिक्षणाची आवड असणाऱ्यांसाठी अत्यंत आनंदाची बातमी आहे. यावेळी तुमच्यासाठी २०२५ चा महिना खास ठरणार आहे. कारण या सप्टेंबरमध्ये दोन मोठ्या खगोलीय घटनांचा अनुभव घेता येणार आहे. चंद्रग्रहण आणि सुर्यग्रहण पाहण्याची संधी जगभरातील खगोप्रेमी आणि अवकाश निरीक्षणाची आवड असणाऱ्या लोकांना मिळणार आहे. भारतातही या घटनेचा अनुभव घेता येणार आहे. जाणून घेऊयात या महत्वाच्या घटना

जपानी पंतप्रधानांना भेटताच पंतप्रधान मोदी म्हणाले Arigato Gozaimas; काय आहे याचा अर्थ?

चंद्रग्रहण (Lunar Eclipse)

• मिळालेल्या माहितीनुसार, यावेळी सप्टेंबरमध्ये ७ तारखेला चंद्रग्रहण पाहता येणार आहे. युरोप, आफ्रिका, आशिया, ऑस्ट्रेलिया आणि न्यूझीलंड या देशांमध्ये चंद्रग्रहण दिसणार आहे. २०२५ मधील हे दूसरे पूर्ण आणि लांब चंद्रग्रहण असेल. खगोलशास्त्रज्ञांनी दिलेल्या माहितीनुसार, सप्टेंबर २०२५ चे चंद्रग्रहण १ तास २२ मिनिटे असले.
• खगोलशास्त्रज्ञांच्या माहितीनुसार, भारत, पाकिस्तान, बांगलादेश, सौदी अरेबिया, संयुक्त अरब अमिराती आणि मध्य पूर्वेच्या देशांमध्ये चंद्रग्रहण दिसणार आहे.
• तसेच युरोपीय देशांमध्येही चंद्रग्रहण पाहायला मिळेल. तर पूर्व दक्षिण अमेरिका आणि पश्चिम उत्तर अमेरिकेत चंद्रोदय किंना चंद्रास्ताच्या वेळी काही काळासाठी याचा अनुभव घेता येईल.
• दुबईच्या खगोलशास्त्रज्ञांच्या मते, ८२ मिनिटांच्या कालावधीपर्यंत चंद्रग्रहण दिसेल. भारतीय वेळेनुसार, ७ सप्टेंबर रात्री १० वाजता चंद्रग्रहण सुरु होईल ते हळूहळू ३.३० पर्यंत संपेल. यावेळी चंद्राचा रंग पूर्णपणे लाल असणार आहे. यामुळेच याला Blood Moon असे म्हटले जाते.
• यापूर्वी मार्च २०२५मध्ये चंद्रग्रहणाचा अनुभव पाहायला मिळाला होता.

काय असते चंद्रग्रहण? 

चंद्रग्रहण ही एक खगोलीय घटना आहे. जेव्हा पृथ्वी सूर्य आणि चंद्राच्या मध्यभागी येते. यावेळी पृथ्वीची सावली चंद्रावर पडते. यामुळे चंद्राचा प्रकाश कमी होतो आणि चंद्र लाल गडद रंगाचा दिसतो. साधारणपणे पौर्णिमेच्या दिवशी चंद्रग्रहण पाहायला मिळते. यावेळी पृथ्वी, सूर्य आणि चंद्र एकाच रेषेत असतात.

सूर्यग्रहण (Solar Eclipse)

खगोलशास्त्रज्ञांनी दिलेल्या माहितीनुसार, सूर्यग्रहणाचा अनुभव  सप्टेंबर महिन्याच्या शेवटी २१ तारखेला दिसेल. यावेळी आंशिक सूर्यग्रहण असले. हे सूर्यग्रहण प्रामुख्याने दक्षिण गोलार्धात दिसेल. हे २०२५ चे शेवटचे सूर्यग्रहण असेल. यापूर्वी २०२५ सालाचे पहिले सूर्यग्रहण २९ मार्चला झाले होते.

काय असते सुर्यग्रहण? 

ही एक अशी खगोलीय घटना आहे, ज्यावेळी चंद्र पृथ्वीच्या आणि सूर्याच्या मधे येतो. यावेळी चंद्राची सावली पृथ्वीवर पडते. यामुळे पृथ्वीच्या काही भागांत कळोख पडतो. यावेळी पृथ्वी चंद्र आणि सूर्य एका रेषेत येतात. यामुळे सूर्याचा प्रकाश पृथ्वीवर पडत नाही. यामुळे दिवसा काळोख पाहायला मिळतो. साधारणपणे अमवस्येच्या दिवशी सूर्यग्रहण होते.

जैशच्या दहशतवाद्यांनतर पाकिस्तान सुदानच्या लष्कराला पुरवणार शस्त्रे? भारताच्या हिंद महासागरातील सुरक्षेला आव्हान?