मलेशियातील हिंदू मंदिरांवर संकट; 2300 हून अधिक मंदिरे धोक्यात, पुरोहितांची मोठी सभा

मलेशियामध्ये हिंदू मंदिरांच्या जमिनीच्या वादामुळे आणि सरकारच्या भूमिकेमुळे हिंदू समाजामध्ये असंतोष पसरला आहे. 2300 हून अधिक मंदिरांच्या प्रतिनिधींची मोठी बैठक या आठवड्याच्या शेवटी क्वालालंपूरमध्ये आयोजित करण्यात आली आहे.

क्वालालंपूर : मलेशियामध्ये हिंदू मंदिरांच्या जमिनीच्या वादामुळे आणि सरकारच्या भूमिकेमुळे हिंदू समाजामध्ये असंतोष पसरला आहे. 2300 हून अधिक मंदिरांच्या प्रतिनिधींची मोठी बैठक या आठवड्याच्या शेवटी क्वालालंपूरमध्ये आयोजित करण्यात आली आहे. या बैठकीत मंदिरांच्या जमिनीचे संरक्षण आणि सरकारकडून होणाऱ्या अन्यायाला विरोध करण्यासाठी धोरण ठरवले जाणार आहे.

साउथ चायना मॉर्निंग पोस्टच्या अहवालानुसार, मलेशियातील 130 वर्षे जुने श्री पाथरकालियाम्मन मंदिर हटवण्याचा निर्णय घेण्यात आला आहे, आणि त्याच्या जागी नवीन मशिदीची पायाभरणी करण्यात आली आहे. यामुळे संपूर्ण हिंदू समाजामध्ये रोष पसरला असून, मंदिरांच्या अस्तित्वावरच धोका निर्माण झाला आहे.

ब्रिटीश काळात बांधलेली मंदिरे, पण आजही जमीन वादग्रस्त

ब्रिटीश राजवटीच्या काळात भारतीय कामगार मोठ्या प्रमाणात मलाया (आताचे मलेशिया) येथे आणले गेले होते. त्यावेळी त्यांचे धार्मिक श्रद्धास्थान टिकवण्यासाठी हिंदू मंदिरे उभारली गेली. मात्र, 1957 मध्ये मलेशियाने स्वातंत्र्य मिळवल्यानंतर या मंदिरांच्या जमिनीला कोणतीही कायदेशीर मान्यता दिली गेली नाही. त्यामुळे, गेल्या काही दशकांपासून हिंदू मंदिरे आणि त्यांची भूमी ही सतत वादाच्या भोवऱ्यात अडकत आहे. सरकारने अनेक मंदिरांच्या जमिनी खासगी कंपन्यांना विकल्या, त्यामुळे आज हजारो हिंदू मंदिरे हटवण्याच्या संकटात सापडली आहेत.

जागतिक घडामोडी संबंधित बातम्या वाचण्यासाठी येथे क्लिक करा : चीनचे भारताला ‘प्रेमपत्र’; हा नक्की मैत्रीचा मुखवटा की धोरणात्मक सापळा?

सरकारचा पक्षपाती धोरण आणि हिंदू समाजाचा रोष

मलेशियामध्ये मुस्लिम समाज हा बहुसंख्य आहे, आणि मुस्लिम धार्मिक स्थळांना पूर्ण सरकारी संरक्षण दिले जाते. परंतु, हिंदू मंदिरांवर मात्र अतिक्रमणाच्या आरोपांखाली तोडण्याची कारवाई केली जाते. सरकारच्या या पक्षपाती धोरणाविरोधात हिंदू समाज आता एकवटत आहे. सरकार मंदिरांच्या जागी नवीन जागा उपलब्ध करून द्यायला तयार नाही, आणि कट्टरवादी गट मंदिरांच्या अस्तित्वाला विरोध करत आहेत. सोशल मीडियावरही हिंदुद्वेषी प्रचार मोठ्या प्रमाणात सुरू झाला असून, त्यामुळे तणाव अधिक वाढला आहे.

MHS: हिंदू मंदिरांचे संरक्षण करणाऱ्या संस्थेची भूमिका

मलेशियामध्ये मलेशिया हिंदू संगम (MHS) ही संस्था हिंदू मंदिरे आणि त्यांच्या हक्कांचे संरक्षण करण्यासाठी कार्यरत आहे. 2300 हून अधिक मंदिरांच्या प्रतिनिधींची बैठक बोलावण्याचा निर्णय MHS ने घेतला असून, त्यामध्ये मंदिरांच्या जमिनींचा कायदेशीर तोडगा काढण्यासाठी उपाययोजना ठरवल्या जातील. MHS च्या प्रमुखांच्या मते, सरकारी जमिनीवर असलेल्या हिंदू मंदिरांना कायदेशीर मान्यता मिळणे अत्यंत आवश्यक आहे, अन्यथा मंदिरे हटवण्याची प्रक्रिया अशीच सुरू राहील.

See more

A 130-year-old Hindu temple in Malaysia faces demolition threat, to make way for a mosque

Story of every temple since 624 CE pic.twitter.com/DJ8aJBkLzA

— Squint Neon (@TheSquind) March 25, 2025

credit : social media

130 वर्षे जुने मंदिर हटवल्याने हजारो मंदिरांना धोका

मलेशियामधील श्री पाथरकालियाम्मन मंदिर हे 130 वर्षांपूर्वी बांधले गेले होते. मात्र, सरकारच्या दबावामुळे हे मंदिर हटवण्यात आले, आणि त्याच्या जागी मशिदीचा पाया रचण्यात आला. या घटनेनंतर आता मलेशियातील उर्वरित 2300 हून अधिक हिंदू मंदिरेही धोक्यात आली आहेत. यामुळे संपूर्ण हिंदू समाज अस्वस्थ झाला आहे आणि या अन्यायाविरोधात एकत्र येत आहे.

जागतिक घडामोडी संबंधित बातम्या वाचण्यासाठी येथे क्लिक करा : ISRO च्या सॅटेलाईट इमेजमधून दिसला म्यानमार भूकंपाचा विध्वंस; ऐतिहासिक वारसा स्थळे उद्ध्वस्त

 हिंदू मंदिरांचे भवितव्य अंधारात?

मलेशियामध्ये हिंदू मंदिरांवरील संकट केवळ धार्मिक मुद्दा नाही, तर एक ऐतिहासिक आणि कायदेशीर संघर्ष देखील आहे. सरकारच्या पक्षपाती भूमिकेमुळे हिंदू समाजावर अन्याय होत असल्याचा आरोप केला जात आहे, आणि या अन्यायाविरोधात आता हिंदू समाज संघर्ष करण्यास तयार आहे. येत्या काळात 2300 मंदिरांचे भविष्य ठरवण्यासाठी ही बैठक अत्यंत महत्त्वाची ठरणार आहे. हिंदू समाजाची एकजूट आणि सरकारवर होणारा दबाव या मंदिरांचे अस्तित्व वाचवू शकतो का? हे पाहणे महत्त्वाचे ठरेल.