न्यूझीलंडने व्हिसा आणि स्थलांतर नियमांमध्ये केले 'हे' मोठे बदल; भारतीयांसह परदेशींसाठी होणार रोजगाराच्या संधी उपलब्ध
वेलिंग्टन: न्यूझीलंडने आपल्या व्हिसा आणि इमिग्रेशन नियमांमध्ये काही महत्त्वापूर्ण बदल केले आहेत. याचा भारतीयांसह इतर अनेक परदेशी नांगरिकांना थेट फायदा होणार आहे. या बदलांचा मुख्य उद्देश देशातील कामगारांची कमतरता भरुन काढणे आणि परदेशी नागरिकांसाठी रोजगाराच्या संधी अधिक सुलभ करणे असल्याची माहिची मिळाली आहे.तसेच इमिग्रेशन धोरणामध्येही बदल करण्यात आले आहे. यामुळे बारतीय आणि परदेशी विद्यार्थ्यांना न्यूझीलंडमध्ये नोकरी करण्यासाठी आणि शिक्षमासाठी अनेक लाभ होणार आहेत.
कामगारांसाठी केलेले बदल
मिळालेल्या माहितीनुसार, न्यूझीलंडने कामगारांसाठी वर्क एक्सपीरियन्सची आवश्यकता 3 वर्षांवरून 2 वर्षांपर्यंत कमी केली आहे, यामुळे कामगारांना अधिक लवकर आणि सोप्या पद्धतीने रोजगार मिळू शकेल असा याचा उद्देश आहे. सीझनल कामगारांसाठी दोन नवीन प्रकारचे व्हिसा सादर करण्यात आले आहेत. अनुभवी कामगारांसाठी 3 वर्षांचा मल्टी एंट्री व्हिसा आणि कमी अनुभवी लोकांसाठी असलेल्या कामगारांसाठी 7 महिन्यांचा सिंगल एंट्री वीजा उपलब्ध करून देण्यात आला आहे.
इमिग्रेशनचे नियमही केले सुलभ
याशिवाय, न्यूझीलंड सरकारने मान्यताप्राप्त एम्प्लॉयर वर्क व्हिसा आणि विशिष्ट उद्देश वर्क व्हिसासाठी पूर्वी असलेले ठरावीक पगाराचे निकष काढून टाकले आहेत. यामुळे आता कंपन्यांना बाजारातील दरानुसार कामगारांना वेतन देता येणार आहे. याशिवाय, कमी अनुभवाच्या कामांवरील व्हिसा कालावधी 2 वर्षांवरून 3 वर्षांपर्यंत वाढवण्यात आला आहे.
विद्यार्थ्यांना मिळणारा फायदा
या बदलेल्या नियमांमुळे भारतीय आणि आंतरराष्ट्रीय विद्यार्थ्यांसाठी मोठा फायदा होणार आहे. पोस्ट-स्टडी वर्क व्हिसा (PSWV) अंतर्गत विद्यार्थ्यांना आता त्यांच्या शैक्षणिक पात्रतेच्या आधारे 3 वर्षांपर्यंत न्यूझीलंडमध्ये राहण्याची आणि काम करण्याची संधी मिळणार आहे. तसेच, मास्टर डिग्री पूर्ण करणाऱ्या विद्यार्थ्यांनाही PSWV पात्रतेतून वगळण्यात येणार नाही, यामुळे उच्च शिक्षण घेणाऱ्या विद्यार्थ्यांना मोठा दिलासा मिळेल.
उद्योगांना मिळणारा फायदा
या नियामांमध्ये कंपन्यांना अनुभव पातळी 4 आणि 5 च्या नोकऱ्यांसाठी 21 दिवसांच्या अनिवार्य भरती प्रक्रियेपासून सूट देण्यात आली आहे. यामुळे स्थानिक आणि परदेशी कामगारांची भरती प्रक्रिया अधिक जलद आणि सोपी होणार आहे. न्यूझीलंडच्या या धोरणात्मक बदलांमुळे भारतीय आणि इतर परदेशी कामगार, विद्यार्थी आणि व्यावसायिकांना मोठा फायदा होणार आहे. उच्च शिक्षण घेणाऱ्या विद्यार्थ्यांसाठी उत्तम संधी उपलब्ध होतील, तर कंपन्यांना देखील आवश्यक मनुष्यबळ मिळवणे सोपे जाईल.
.png "Videos"){kind=small}
