pakistan floods 800 lives lost khawaja asif blames india
2025 Pakistan floods : पाकिस्तान सध्या शतकातील सर्वात मोठ्या पुराच्या संकटाला सामोरे जात आहे. पंजाब, सियालकोट आणि आसपासच्या भागात मुसळधार पाऊस आणि नद्यांच्या प्रचंड पुरामुळे जनजीवन पूर्णपणे विस्कळीत झाले आहे. आतापर्यंत ८०० हून अधिक लोकांनी प्राण गमावले आहेत, तर १२ लाखांहून अधिक लोक प्रभावित झाले आहेत. २.५ लाख नागरिक विस्थापित झाले असून, १,४३२ गावे पाण्याखाली गेली आहेत. शेतातील पिके वाहून गेली आहेत, व्यापार ठप्प झाला आहे आणि हजारो कुटुंबांना तात्पुरत्या मदत छावण्यांमध्ये आसरा घ्यावा लागत आहे.
सरकारकडून ७०० मदत छावण्या व २६५ वैद्यकीय शिबिरे उभारण्यात आली आहेत, तरीही परिस्थिती हाताबाहेर गेली आहे. आजही अनेक ठिकाणी बचाव पथके बोटींनी लोकांना सुरक्षित ठिकाणी हलवत आहेत. हजारो लोक घरांचे अवशेष, पिके आणि जनावरांचे नुकसान सहन करत असताना रडवेल्या चेहऱ्यांनी मदतीची आस लावून बसलेले दिसत आहेत.
या गंभीर परिस्थितीत, पाकिस्तानचे संरक्षण मंत्री ख्वाजा मोहम्मद आसिफ यांनी सियालकोटच्या भेटीदरम्यान आश्चर्यकारक विधान केले. त्यांच्या म्हणण्यानुसार, “भारताकडून सोडण्यात आलेल्या पाण्यासोबत मृतदेह, गुरेढोरे आणि कचऱ्याचे ढीग पाकिस्तानात वाहून आले आहेत. त्यामुळे स्थानिक प्रशासनाचे बचावकार्य थांबत आहे.” ते पुढे म्हणाले की, सियालकोट हे जम्मूमधून निघणाऱ्या जलमार्गांच्या खालच्या भागात असल्याने भारताकडून पाणी सोडले की इथे पूर येणे साहजिक आहे. मात्र, हे सांगतानाच त्यांनी एक कबुली दिली भारताने पाणी सोडण्यापूर्वी पाकिस्तानला दोनदा अधिकृत माहिती दिली होती.
जागतिक घडामोडी संबंधित बातम्या वाचण्यासाठी येथे क्लिक करा : PM Modi In Japan : भारताला जपान प्रवासाचे मोठे फळ; 40 अब्ज डॉलर्सपेक्षा जास्त गुंतवणूक; AI, सेमीकंडक्टर आणि बुलेट ट्रेन चर्चेत
ख्वाजा आसिफ यांच्या या विधानाने पाकिस्तानी सोशल मीडियावर प्रचंड वादंग माजले आहे. अनेक नागरिकांनी सरकारवर आरोप केला की, “खऱ्या तयारीच्या अभावाकडून लक्ष हटविण्यासाठी भारतावर दोषारोप करण्यात येत आहेत.” काहींनी तर व्यंग्यात्मक स्वरूपात लिहिले – “पूर मृतदेहांमुळे येत नाही, तो पाण्यामुळेच येतो.”
भारत व पाकिस्तानमध्ये दीर्घकाळापासून सिंधू पाणी करार अस्तित्वात होता. या करारांतर्गत पाण्याविषयीचा डेटा एकमेकांना देणे बंधनकारक होते. पण एप्रिल २०२५ मध्ये झालेल्या पहलगाम हल्ल्यानंतर भारताने हा करार स्थगित केला. तरीदेखील, सार्वजनिक सुरक्षेच्या दृष्टीने भारताने मुसळधार पावसाची व पुराची माहिती पाकिस्तानला आगाऊ कळवली होती.
पाकिस्तानी पाटबंधारे विभागाच्या माहितीनुसार, ३८ वर्षांनंतर प्रथमच रावी, सतलज आणि चिनाब नद्या एकाच वेळी पुरग्रस्त झाल्या आहेत. त्यामुळे बचावकार्य अधिक कठीण झाले आहे. अनेक जिल्ह्यांत सैन्य दल, मदत संस्था व स्वयंसेवक दिवस-रात्र लोकांना वाचवण्यासाठी धडपडत आहेत.
जागतिक घडामोडी संबंधित बातम्या वाचण्यासाठी येथे क्लिक करा : US–Japan Trade Deal: जागतिक राजकारण ‘असे’ फिरले, पंतप्रधान मोदींच्या जपान दौऱ्यामुळे अमेरिकेने अब्जावधी रुपये झटक्यात गमावले
पूरामुळे कुटुंबांचे संसार उद्ध्वस्त झाले आहेत. शेकडो लोक आप्तेष्ट गमावून शोकाकुल अवस्थेत आहेत. लहान मुले आई-वडिलांच्या शोधात रडत आहेत, तर वृद्ध लोकांना छावण्यांमध्ये अन्न-पाण्याची टाचणी सहन करावी लागत आहे. हजारो जनावरे वाहून गेल्याने शेतकऱ्यांचा आधार हरपला आहे. पाकिस्तान या संकटातून कसा बाहेर पडतो हे काळच ठरवेल. पण सध्याच्या परिस्थितीत नागरिकांच्या जिवावर बेतलेल्या या आपत्तीला राजकीय आरोप-प्रत्यारोपांनी अधिकच दुर्दैवी वळण दिले आहे.
.png "Videos"){kind=small}
