Person Of The Year: AI जगताचे तीन शिल्पकार! 2025 मधील सर्वात प्रभावशाली व्यक्ती म्हणून ‘या’ व्यक्तींना मिळाला पुरस्कार

या वर्षी, मासिकाने "द आर्किटेक्ट्स ऑफ AI" च्या एका गटाला पर्सन ऑफ द इयर म्हणून घोषित केले आहे. या गटात एनव्हीडियाचे सीईओ जेन्सेन हुआंग, ओपनएआयचे CEO सॅम सॅम ऑल्टमन आणि XAIचे CEO Elon Musk यांचा समावेश आहे.

• ‘टाईम मॅगझिन’ आणि ‘फायनान्शियल टाईम्स’ने २०२५ चा ‘पर्सन ऑफ द इयर’ (Person of the Year) म्हणून ‘द आर्किटेक्ट्स ऑफ एआय’ (The Architects of AI) या गटाची निवड केली आहे.
• या गटात एनव्हीडियाचे सीईओ जेन्सेन हुआंग (Jensen Huang), ओपनएआयचे सीईओ सॅम ऑल्टमन (Sam Altman) आणि एक्सएआयचे सीईओ एलोन मस्क (Elon Musk) यांचा समावेश आहे.
• जेन्सेन हुआंग यांच्या नेतृत्वाखालील एनव्हीडिया (NVIDIA) ही कंपनी सध्या एआय चिप्स (AI Chips) डेव्हलपमेंटमध्ये जगात आघाडीवर असून, २०२५ मध्ये तिचे बाजार मूल्य ५ ट्रिलियन डॉलर्सपेक्षा जास्त होण्याचा अंदाज आहे.

Jensen Huang Person of the Year 2025 : २०२५ हे वर्ष कृत्रिम बुद्धिमत्तेच्या (Artificial Intelligence – AI) पूर्ण क्षमतेचे प्रदर्शन करणारे ठरले आहे. टाईम मॅगझिन (TIME Magazine) आणि फायनान्शियल टाईम्स (Financial Times) यांसारख्या प्रतिष्ठित प्रकाशनांनी एआयच्या या अभूतपूर्व प्रगतीला नेतृत्व देणाऱ्या व्यक्तींच्या गटाला ‘पर्सन ऑफ द इयर’ (Person of the Year) म्हणून घोषित केले आहे. टाईमने एका निवेदनात म्हटले आहे की, “विचार करणाऱ्या यंत्रांच्या युगाची सुरुवात केल्याबद्दल, आश्चर्यकारक आणि भयावह मानवतेसाठी, वर्तमानात बदल घडवून आणल्याबद्दल आणि अशक्य गोष्टी शक्य केल्याबद्दल आर्किटेक्ट्स ऑफ एआय यांना TIME ने २०२५ चा वर्षातील व्यक्ती म्हणून निवडले आहे.”

या ‘आर्किटेक्ट्स ऑफ एआय’ गटात तीन प्रमुख व्यक्तींचा समावेश आहे:

• जेन्सेन हुआंग (सीईओ, एनव्हीडिया)
• सॅम ऑल्टमन (सीईओ, ओपनएआय)
• एलोन मस्क (सीईओ, एक्सएआय)

या तिघांनी आपापल्या क्षेत्रात एआयच्या विकासासाठी मोलाचे कार्य केले आहे, परंतु जेन्सेन हुआंग यांची कंपनी एआय हार्डवेअर (चिप्स) च्या विकासात अग्रस्थानी असल्यामुळे, त्यांचे महत्त्व अनमोल ठरते.

जागतिक घडामोडी संबंधित बातम्या वाचण्यासाठी येथे क्लिक करा : ‘Core-5 युती’ सत्तासमीकरणात नवा कलाटणीबिंदू; Donald Trumpचा ‘मास्टर प्लॅन’, ‘या’ महाबली राष्ट्रांचा गठबंधन युरोपला रडू आणणार

 जेन्सेन हुआंग: तैवान ते ५ ट्रिलियन डॉलर मार्केट कॅपपर्यंतचा प्रवास

जेन्सेन हुआंग यांचा जन्म तैवानमध्ये झाला असला तरी, ते लहानपणीच अमेरिकेत गेले. त्यांनी ओएसयू (OSU) मधून इलेक्ट्रिकल इंजिनिअरिंगमध्ये बॅचलर पदवी मिळवली आणि नंतर स्टॅनफोर्ड विद्यापीठातून पदव्युत्तर पदवी (Masters) पूर्ण केली. हुआंग यांनी १९९३ मध्ये ग्राफिक्स-चिप निर्माता एनव्हीडियाची (NVIDIA) सह-स्थापना केली आणि तेव्हापासून ते तिचे सीईओ आणि अध्यक्ष म्हणून कार्यरत आहेत. त्यांच्या नेतृत्वाखाली, एनव्हीडियाने ग्राफिक्स प्रोसेसिंग युनिट्स (GPUs) च्या माध्यमातून प्रथम कॉम्प्युटर गेमिंगमध्ये आणि नंतर एआयमध्ये क्रांती (Revolution) घडवून आणली.

• बाजार मूल्य: एनव्हीडिया सध्या एआय चिप डेव्हलपमेंटमध्ये जगात आघाडीवर आहे. २०२५ मध्ये कंपनीचे बाजार मूल्य ५ ट्रिलियन डॉलर्सपेक्षा जास्त होण्याचा अंदाज आहे.
• वैयक्तिक संपत्ती: ब्लूमबर्गच्या मते, हुआंग यांची एकूण संपत्ती सध्या १६० अब्ज डॉलर्सपेक्षा जास्त आहे.

त्यांच्या या योगदानामुळे त्यांना २०१७ मध्ये ‘फॉर्च्यून’ मासिकाने बिझनेसपर्सन ऑफ द इयर आणि २०२१ मध्ये टाईम मासिकाने जगातील १०० सर्वात प्रभावशाली व्यक्तींमध्ये स्थान दिले होते.

See more

“There’s a belief that the world’s GDP is somehow limited at $100 trillion,” Jensen Huang, the head of Nvidia, tells TIME. “AI is going to cause that $100 trillion to become $500 trillion.” The Architects of AI are TIME’s 2025 Person of the Year. Read more:… pic.twitter.com/zceneUedVJ — TIME (@TIME) December 11, 2025

credit : social media and Twitter

जागतिक घडामोडी संबंधित बातम्या वाचण्यासाठी येथे क्लिक करा : EU Future : अमेरिकेच्या ‘नॅशनल सिक्युरिटी प्लॅन’ची कागदपत्रे लीक! जगाला मोठा धक्का; भारत, चीन, रशियाचा ‘Core-5’ सुपरगट बनवणार?

 चीनला एआय चिप विक्रीवरून वाद आणि ट्रम्पचा हस्तक्षेप

एनव्हीडिया आणि हुआंग यांना चीनच्या बाजारपेठेबाबत अलीकडे मोठ्या वादाला तोंड द्यावे लागले. अमेरिकेने राष्ट्रीय सुरक्षेच्या कारणास्तव हुआंग यांना चीनला प्रगत एआय चिप्स विकण्यास बंदी घातली होती. या बंदीमुळे एनव्हीडिया ला चीनमधील आपला ९५% बाजारपेठेतील हिस्सा गमावून ०% पर्यंत घसरावे लागले होते. हुआंग यांनी या निर्बंधांना धोरणात्मक चूक म्हटले होते. तथापि, ट्रम्प प्रशासनाने अलीकडेच महत्त्वपूर्ण निर्णय घेत एनव्हीडियाला त्यांची शक्तिशाली एआय चिप एच२०० (H200) चीनला विकण्याची परवानगी दिली आहे. एनव्हीडिया आणि जेन्सेन हुआंग यांच्यासाठी हा एक मोठा विजय मानला जातो, कारण ते अनेक महिन्यांपासून यासाठी व्हाईट हाऊसवर दबाव आणत होते. हा निर्णय जागतिक तंत्रज्ञान बाजार आणि चीन-अमेरिका संबंधांवर दूरगामी परिणाम करणारा ठरू शकतो.