भारत-अमेरिका द्विपक्षीय व्यापार करारावर पियुष गोयल यांचे वक्तव्य; म्हणाले…

प्रस्तावित द्विपक्षीय व्यापार करारावर (बीटीए) अमेरिकेसोबतच्या वाटाघाटींमध्ये सरकार देशाचे आणि लोकांच्या हिताचे रक्षण करेल आणि घाईघाईने कोणतेही पाऊल उचलणे योग्य ठरणार नाही, असे पियुष गोयल यांनी सांगितले.

नवी दिल्ली: अमेरिकेचे राष्ट्राध्यक्ष डोनाल्ड ट्रम्प यांनी परस्पर टॅरिफ लागू करुन संपूर्ण जगाला हादरवून टाकले. यामध्ये 60 हून अधिक देशांवर कर लागू केला. यामध्ये भारत, चीन, जपान, आणि युरोपियन युनियनसारख्या अनेक देशांचा समावेश आहे. सध्या ट्रम्प यांनी चीनशिवाय इतर देशांना 90 दिवसांची सूट दिली आहे. इतर देशांशी ट्रम्प यांनी वाटाघाटीची चर्चा सुरु केली आहे. परंतु भारताने व्यापार कराराच्या माध्यमातून टॅरिफवर पर्याय काढण्याचा निर्णय घेतला आहे.

दरम्यान प्रस्तावित द्विपक्षीय व्यापार करारावर (बीटीए) अमेरिकेसोबतच्या वाटाघाटींमध्ये सरकार देशाचे आणि लोकांच्या हिताचे रक्षण करेल आणि घाईघाईने कोणतेही पाऊल उचलणे योग्य ठरणार नाही, असे वाणिज्य आणि उद्योग मंत्री पियुष गोयल यांनी शुक्रवारी सांगितले. ‘इंडिया फर्स्ट’ या दृष्टिकोनासह आणि ‘विकसित भारत २०४७’ च्या दिशेने मार्ग निश्चित करून देशातील सर्व व्यापार वाटाघाटी चांगल्या प्रकारे प्रगती करत आहेत, असे त्यांनी सांगितले.

जागतिक घडामोडी संबंधित बातम्या- America-Iran Conflict: इराण-अमेरिकेत होणार शांततापूर्ण बैठक? ‘हा’ देश करणार मध्यस्थी

आणखी काय म्हणाले गोयल?

भारत-अमेरिका द्विपक्षीय व्यापार करारातील प्रगतीबद्दल विचारले असता गोयल पत्रकारांना म्हणाले, आम्ही यापूर्वी अनेकदा सांगितले आहे की आम्ही बंदुकीच्या धाकावर बोलत नाही. वेळेवर काम करणे चांगले आहे परंतु जेव्हा राष्ट्रीय हित आणि सार्वजनिक हिताचा प्रश्न येतो तेव्हा कोणत्याही प्रकारची घाई चांगली नाही. दोन्ही देशांनी या वर्षीच्या शरद ऋतूपर्यंत (सप्टेंबर-ऑक्टोबर) कराराचा पहिला टप्पा अंतिम करण्याचे लक्ष्य ठेवले आहे. या कराराचे उद्दिष्ट २०३० पर्यंत द्विपक्षीय व्यापार सध्याच्या १९१ अब्ज अमेरिकन डॉलर्सवरून ५०० अब्ज अमेरिकन डॉलर्सपर्यंत दुप्पट करण्याचे आहे.

ईयू व्यापार कराराबद्दल गोयल म्हणाले की जेव्हा दोन्ही बाजू एकमेकांच्या चिंता आणि गरजांबद्दल संवेदनशील असतात तेव्हा व्यापार चर्चा प्रगती करतात. मी एवढेच म्हणू शकतो की ‘इंडिया फर्स्ट’च्या दृष्टिकोनासह सर्व व्यापार वाटाघाटी चांगल्या प्रकारे प्रगती करत आहेत आणि ‘विकसित भारत २०४७’ साठी मार्ग मोकळा करत आहेत, असे ते म्हणाले. नॉन-टेरिफ अडथळ्यांमुळे युरोपियन युनियनमधील

व्यवसायांना अनेक आव्हानांचा सामना करावा लागत आहे. दरम्यान, इटली-इंडिया बिझनेस फोरममध्ये बोलताना गोयल म्हणाले की, मुक्त व्यापार जलदगतीने पूर्ण करण्यासाठी ठोस पावले उचलण्याची आवश्यकता आहे. भारत आणि युरोपियन युनियनमधील करारामुळे दोन्ही बाजूंचे आर्थिक संबंध अधिक दृढ होण्यास मदत होईल. ते म्हणाले की, भारत-पश्चिम आशिया-युरोप कॉरिडॉर (आयएमईसी) भारत आणि इटलीला एकमेकांच्या जवळ येण्याची संधी प्रदान करतो. भारत आणि इटली दरम्यान निर्बाध व्यापार आणि गुंतवणूकीला प्रोत्साहन देण्याचीही गरज असल्याचे मंत्री म्हणाले.

गुंतवणुकीला प्रोत्साहन देण्याची गरज- गोयल

गोयल म्हणाले, दोन्ही बाजूंनी गुंतवणुकीला प्रोत्साहन देण्याची गरज आहे उद्योगांना कोणत्याही अडथळ्यांशिवाय एकमेकांशी व्यवसाय करण्यास प्रोत्साहित करण्याची गरज आहे. मला वाटते की यामध्ये १५ अब्ज डॉलर्सच्या पातळीच्या पलीकडे वाढण्याची प्रचंड क्षमता आहे.

जागतिक घडामोडी संबंधित बातम्या- US-China Tarrif War: आर्थिक युद्ध आणखी चिघळले; अमेरिकन वस्तूंवर चीनकडून 125% कर लागू