लंडन – ब्रिटनचे (Britain) किंग चार्ल्स (King Charles) यांच्यावर इंग्लंडमधील (England) यॉर्क (York City) शहरामध्ये एका व्यक्तीने अंडी फेकली. ब्रिटनचे महाराजा तिसरे चार्ल्स आणि राणी कॅमिला हे बुधवारी यॉर्क शहराच्या दौऱ्यावर होते. यावेळी एका व्यक्तीने किंग आणि क्वीन यांचा निषेध करत त्यांच्यावर अंडी फेकत घोषणाबाजीही केली. किंग चार्ल्स यांनी या घटनेकडे दुर्लक्ष करत लोकांना अभिवादन करणे सुरु ठेवले. यावेळी त्यांच्या अंडी दिशेने फेकली जात होती, त्यातील एक अंडे त्यांच्या पायाजवळ पडले.
‼️?? King Charles III of Great #Britain and his wife were pelted with eggs at the opening of the monument to Elizabeth II in York. pic.twitter.com/ldf6XLJ7Tc — Maimunka News (@MaimunkaNews) November 9, 2022
ब्रिटिश मीडिया रिपोर्टनुसार, किंग चार्ल्स यांचा विरोध करणारी आणि अंडी फेकणारी ही व्यक्ती ग्रीन पार्टीचा नेता (Green Party leader) पॅट्रिक थेलवेल (Patrick Thelwell) हा होता. त्याने किंग चार्ल्स यांच्यावर अंडी फेकत त्यांचा निषेध केला. हा देश गुलामांच्या रक्तातून तयार झाला आहे, असे थेलवेल यांने म्हटले. थेलवेल हा डाव्या विचारसरणीच्या राजकारणासाठी ओळखला जात असून त्याचे वय २३ वर्ष आहे. अनेक पर्यावरणवादी चळवळी आणि आंदोलनांसाठी त्याला पाच वेळा अटक करण्यात आली आहे.
The King and Queen Consort have left the city now. Earlier there was one arrest after eggs were thrown. A suspect was carried away by police. #york #KingCharlesIII visit – YorkMix Radio and Online News – #northyorkshire pic.twitter.com/3FAgAJq9OA — YorkMix (@theyorkmix) November 9, 2022
किंग्स चार्ल्स यांच्यावर अंडी फेकल्याचा व्हिडीओ सोशल मीडियावर व्हायरल होत आहे. या व्हिडीओमध्ये किंग चार्ल्स यांच्यावर एकूण चार अंडी फेकल्याचे दिसते. नॉर्थ यॉर्कशायर पोलिसांनी सांगितले आहे की, आंदोलक पॅट्रिक थेलवेल याला ‘सार्वजनिक सुव्यवस्थेचा भंग केल्याप्रकरणी अटक करण्यात आली आहे. किंग चार्ल्स आणि क्वीन कॅमिला यांच्या हस्ते यॉर्क मिन्स्टर कॅथेड्रल येथे दिवंगत महाराणी एलिझाबेथ II यांच्या पुतळ्याचे अनावरण करण्यात आले.
.png "Videos"){kind=small}
