र्यो तात्सुकीने स्वप्नात जगाचा नाश पाहिला! 2011 च्या त्सुनामीपेक्षाही धोकादायक आपत्तीची भविष्यवाणी, ऐकून थरथर उडेल

रियोच्या भाकितानुसार, जुलै २०२५ मध्ये, जपान आणि आसपासच्या देशांना २०११ मधील सुनामीच्या तुलनेत अधिक धोकादायक मेगा-त्सुनामीचा सामना करावा लागू शकतो, ज्याची चिन्हे त्याने 'उकळते पाणी' आणि समुद्रातील बुडबुडे या स्वरूपात पाहि

टोकियो : जगभरातील नैसर्गिक आपत्तींबाबतच्या भाकितांसाठी प्रसिद्ध असलेल्या जपानी मंगा कलाकार र्यो तात्सुकी यांनी २०२५ मध्ये अतिभयंकर मेगा-त्सुनामी येण्याचा इशारा दिला आहे. त्यांच्या मते, ही त्सुनामी २०११ च्या तोहोकू त्सुनामीपेक्षाही तिप्पट विनाशकारी असू शकते. त्यांच्या या भाकिताने संपूर्ण जपान आणि शेजारील देशांमध्ये चिंतेचे वातावरण निर्माण केले आहे.

तात्सुकी यांच्या दाव्यानुसार, त्यांनी स्वप्नात जपानच्या दक्षिणेकडील समुद्रात पाणी उकळताना आणि मोठमोठे बुडबुडे उसळताना पाहिले. त्यांच्या मते, हे दृश्य समुद्राखालील ज्वालामुखीच्या उद्रेकाचे लक्षण असू शकते, ज्यामुळे समुद्राच्या पृष्ठभागावर प्रचंड हालचाल निर्माण होईल आणि परिणामी एक विध्वंसक त्सुनामी निर्माण होण्याची शक्यता आहे.

तात्सुकी यांच्या अचूक भाकितांचा इतिहास

तात्सुकी हे मागील अनेक दशकांपासून केलेल्या अचूक भविष्यवाण्यांमुळे प्रसिद्ध आहेत. त्यांनी १९९१ मध्ये प्रसिद्ध गायक फ्रेडी मर्क्युरी यांच्या मृत्यूची आणि १९९५ मध्ये जपानमधील कोबे भूकंपाची यशस्वी भविष्यवाणी केली होती. त्यांचे सर्वात प्रसिद्ध भाकित २०११ मध्ये आलेल्या तोहोकू भूकंप आणि त्सुनामीबाबत होते, जे अत्यंत अचूक ठरले. तात्सुकी यांच्या भविष्यवाण्यांमुळे अनेक जपानी नागरिक त्यांच्या इशाऱ्यांना गांभीर्याने घेतात आणि त्यावर विश्वास ठेवतात. त्यामुळे त्यांच्या २०२५ मध्ये येणाऱ्या त्सुनामीच्या भाकितामुळे नागरिकांमध्ये भीतीचे वातावरण निर्माण झाले आहे.

जागतिक घडामोडी संबंधित बातम्या वाचण्यासाठी येथे क्लिक करा : ‘जिहादची घोषणा करून तुम्ही सर्वांना धोक्यात घालत आहात…’ इस्रायलविरुद्धच्या फतव्यावर ‘या’ मुस्लिम देशाचा संताप

जपान आणि शेजारील देशांना मोठा धोका?

तात्सुकी यांच्या म्हणण्यानुसार, या संभाव्य मेगा-त्सुनामीचा सर्वाधिक धोका जपान, तैवान, फिलीपिन्स आणि इंडोनेशिया या देशांना असेल. ही त्सुनामी किनाऱ्यालगतच्या भागांना पूर्णतः उद्ध्वस्त करू शकते. नानकाई ट्रफ प्रदेश हा भूकंप आणि त्सुनामीसाठी अत्यंत संवेदनशील भाग मानला जातो, आणि जपानी वैज्ञानिकांनी याआधीच या भागात ३० मीटर उंचीच्या लाटांसह त्सुनामी येऊ शकते, असे भाकित केले आहे. तात्सुकी यांच्या भविष्यवाण्यांमुळे या धोक्यांबद्दल अधिक सजगता वाढली आहे.

वैज्ञानिक दृष्टिकोन, अद्याप ठोस पुरावे नाहीत!

तात्सुकी यांच्या भाकिताबाबत सध्या कोणतेही वैज्ञानिक पुरावे उपलब्ध नाहीत. नैसर्गिक आपत्तींचा अंदाज लावण्यासाठी भूकंपशास्त्रज्ञ अत्याधुनिक उपकरणे आणि गणिती मॉडेल्स वापरतात. सध्या कोणत्याही मोठ्या त्सुनामीचा धोका असल्याचे ठोस संकेत शास्त्रज्ञांनी दिलेले नाहीत. तथापि, जपान हा ‘पॅसिफिक रिंग ऑफ फायर’ या ज्वालामुखी आणि भूकंपप्रवण क्षेत्रात असल्याने भविष्यात मोठ्या नैसर्गिक आपत्तींचा धोका कायम राहतो. त्यामुळे, शास्त्रज्ञ आणि आपत्ती व्यवस्थापन यंत्रणा सतत परिस्थितीवर नजर ठेवून आहेत.

तात्सुकींच्या भाकितांवर लोकांचा विश्वास का?

अनेक लोक तात्सुकी यांच्या भाकितांना गांभीर्याने घेतात, कारण त्यांच्या अनेक भविष्यवाण्या पूर्वी खऱ्या ठरल्या आहेत. त्यामुळे त्यांच्या नवीन इशाऱ्यामुळे लोकांमध्ये भीती आणि सतर्कता दोन्ही वाढल्या आहेत. जपानमध्ये नैसर्गिक आपत्तींचा धोका कायम असल्याने नागरिकांना येत्या काळात आपत्ती व्यवस्थापनासाठी तयार राहण्याचे आवाहन करण्यात आले आहे. स्थानिक प्रशासन आणि सरकार त्सुनामीपासून बचाव करण्यासाठी नवीन तंत्रज्ञानाचा वापर करून प्रतिबंधात्मक उपाययोजना आखत आहेत.

जागतिक घडामोडी संबंधित बातम्या वाचण्यासाठी येथे क्लिक करा : आधी ट्रेड वॉर, नंतर वर्ल्ड वॉर! 95 वर्षांपूर्वी हेच घडले, सिंगापूरचे पंतप्रधान लॉरेन्स वोंग यांचा इशारा

सज्ज राहण्याची गरज!

भविष्यातील त्सुनामीची शक्यता असली तरी सध्या कोणताही ठोस पुरावा उपलब्ध नाही. तथापि, तात्सुकी यांच्या पूर्वीच्या अचूक भाकितांमुळे लोकांमध्ये सतर्कता वाढली आहे. जपान आणि त्याच्या शेजारील देशांनी संभाव्य संकटाचा सामना करण्यासाठी आपत्ती व्यवस्थापन आणि सुरक्षाव्यवस्थांवर अधिक भर द्यायला हवा. भविष्यात काय होईल हे निश्चित सांगता येत नाही, परंतु सतर्क राहणे आणि योग्य ती तयारी ठेवणे हेच सुरक्षिततेचे सर्वोत्तम उपाय आहेत.

credit : social media and Youtube.com