south korea daejeon factory fire 10 deaths sodium explosion full report video
South Korea Factory Fire Daejeon : दक्षिण कोरियाच्या (South Korea) डेजॉन शहरात मंगळवारचा दिवस एका भीषण शोकांतिकेने उजाडला. येथील एका कार पार्ट्स तयार करणाऱ्या कारखान्यात दुपारी १ च्या सुमारास अचानक आग लागली आणि पाहता पाहता संपूर्ण इमारत आगीच्या भक्ष्यस्थानी पडली. ही आग इतकी भयानक होती की, आतील १७० कामगारांपैकी अनेकांना बाहेर पडण्याची साधी संधीही मिळाली नाही. या दुर्घटनेत आतापर्यंत १० कामगारांचा मृत्यू झाला असून, ५९ जण जखमी झाले आहेत. मृतांचा आकडा वाढण्याची भीती व्यक्त केली जात आहे.
या आगीत सर्वात मोठा अडथळा ठरला तो म्हणजे कारखान्यात साठवलेला २०० किलो ‘सोडियम’चा साठा. रसायनशास्त्राच्या भाषेत सोडियम हा अत्यंत क्रियाशील पदार्थ आहे. तो हवा किंवा पाण्याच्या संपर्कात आला की त्याचा भीषण स्फोट होतो. आगीमुळे जेव्हा तापमान वाढले, तेव्हा या सोडियमचा धोका अधिकच वाढला. अग्निशमन दलाच्या जवानांना भीती होती की, जर त्यांनी पाणी मारले तर सोडियमचा स्फोट होऊन संपूर्ण इमारत पत्त्यासारखी कोसळू शकते. याच कारणामुळे जवानांना तातडीने इमारतीत शिरता आले नाही आणि आगीने रौद्र रूप धारण केले.
जागतिक घडामोडी संबंधित बातम्या वाचण्यासाठी येथे क्लिक करा : Diego Garcia : महासागरातील अमेरिकेच्या सर्वात ‘सुपर बेस’वर इराणच्या ‘SM-3’चा हल्ला; संरक्षण यंत्रणेचे काढले धिंडवडे
अग्निशमन दलाने दिलेल्या माहितीनुसार, आगीची तीव्रता इतकी जास्त होती की कामगार जिवाच्या आकांताने वरच्या मजल्याकडे धावले. बचाव पथकाला एक मृतदेह दुसऱ्या मजल्यावर तर उर्वरित मृतदेह तिसऱ्या मजल्यावर सापडले. प्रचंड उष्णता, रसायनांचा गुदमरवून टाकणारा धूर आणि अंधार यामुळे दृश्यमानता शून्य झाली होती. अनेक कामगार खिडक्यांजवळ येऊन मदतीसाठी ओरडत होते, पण आगीच्या ज्वाळांनी त्यांना कवेत घेतले होते.
🇰🇷 At least 50 people were injured in a massive fire at an auto parts plant in Daejeon, South Korea, which partially collapsed. pic.twitter.com/AKMbD8pIqd pic.twitter.com/BgLRV0SGVa — Argonaut (@FapeFop90614) March 20, 2026
credit – social media and Twitter
या दुर्घटनेत जखमी झालेल्या ५९ जणांपैकी २५ जणांची प्रकृती अत्यंत गंभीर आहे. त्यांना स्थानिक रुग्णालयातील ‘बर्न युनिट’मध्ये दाखल करण्यात आले आहे. अनेक कामगारांचे शरीर ७० ते ८० टक्क्यांहून अधिक भाजले असून डॉक्टर त्यांना वाचवण्यासाठी शर्थीचे प्रयत्न करत आहेत. अद्याप ४ कामगार बेपत्ता असून ढिगारा उपसण्याचे काम युद्धपातळीवर सुरू आहे.
जागतिक घडामोडी संबंधित बातम्या वाचण्यासाठी येथे क्लिक करा : War Update: इराणी दादागिरीला चोख प्रत्युत्तर! नेतान्याहूंनी शोधला होर्मुझला ‘हा’ पर्यायी मार्ग, बनणार जगाचं ‘पेट्रोल स्टेशन’
दक्षिण कोरियाचे राष्ट्राध्यक्ष ली जे-म्युंग यांनी या घटनेवर शोक व्यक्त केला असून “ही एक राष्ट्रीय आपत्ती आहे” असे म्हटले आहे. त्यांनी तातडीने सर्व संसाधने तैनात करण्याचे आदेश दिले आहेत. आगीचे नेमके कारण अद्याप स्पष्ट झालेले नाही, पण शॉर्ट सर्किट किंवा रसायनांच्या प्रक्रियेतील त्रुटीमुळे ही आग लागली असावी, असा प्राथमिक अंदाज वर्तवण्यात येत आहे. कारखान्यात अग्निशमन यंत्रणा कार्यान्वित होती की नाही, याचीही चौकशी केली जाणार आहे.
Ans: ही आग दक्षिण कोरियातील डेजॉन (Daejeon) शहरातील एका कार पार्ट्स बनवणाऱ्या कारखान्यात लागली.
Ans: सोडियम हवा किंवा पाण्याच्या संपर्कात आल्यास स्फोट होतो, त्यामुळे अग्निशमन दलाला पाणी वापरताना मर्यादा आल्या आणि आग विझवण्यास उशीर झाला.
Ans: आतापर्यंत १० कामगारांचा मृत्यू झाला असून ५९ जण जखमी आहेत, तर ४ जण अद्याप बेपत्ता आहेत.
.png "Videos"){kind=small}
