युद्ध आता हिंद महासागरात! इराणचा अमेरिकेच्या डिएगो गार्सिया तळावर भीषण क्षेपणास्त्र हल्ला; ४,००० किमीवरून डागला 'गुप्त' मृत्यू! ( फोटो सौजन्य : सोशल मीडिया )
Iran Attack Diego Garcia 2026 : मध्य-पूर्वेतील (US-Israel Iran War) ठिणगी आता हिंद महासागरापर्यंत पसरली आहे. इराण आणि अमेरिका यांच्यातील संघर्ष एका अत्यंत धोकादायक वळणावर पोहोचला असून, इराणने थेट अमेरिकेच्या सर्वात सुरक्षित मानल्या जाणाऱ्या ‘डिएगो गार्सिया’ (Diego Garcia) या लष्करी तळाला लक्ष्य केले आहे. ‘वॉल स्ट्रीट जर्नल’ने (WSJ) दिलेल्या या वृत्ताने संपूर्ण जगाचे लष्करी तज्ज्ञ हादरले आहेत, कारण हा हल्ला इराणच्या ज्ञात क्षमतेपेक्षा कितीतरी पटीने मोठा आहे.
डिएगो गार्सिया हा भारत आणि मॉरिशसच्या दक्षिणेला असलेला एक छोटासा बेट-समूह आहे, जो अमेरिका आणि ब्रिटनचा संयुक्त लष्करी तळ आहे. हा तळ इतका सुरक्षित मानला जातो की, इथून अमेरिका संपूर्ण आशिया आणि आफ्रिकेवर नजर ठेवते. इथपर्यंत पोहोचणे कोणत्याही देशासाठी अशक्य मानले जात होते. मात्र, इराणने दोन मध्यम पल्ल्याची बॅलिस्टिक क्षेपणास्त्रे या दिशेने डागून अमेरिकेच्या या ‘अभेद्य’ समजाला तडा दिला आहे.
जागतिक घडामोडी संबंधित बातम्या वाचण्यासाठी येथे क्लिक करा : War Update: इराणी दादागिरीला चोख प्रत्युत्तर! नेतान्याहूंनी शोधला होर्मुझला ‘हा’ पर्यायी मार्ग, बनणार जगाचं ‘पेट्रोल स्टेशन’
लष्करी तज्ज्ञांच्या मते, इराणपासून डिएगो गार्सियाचे अंतर सुमारे ४,११८ किलोमीटर आहे. इराणकडे आतापर्यंत असलेल्या क्षेपणास्त्रांची मर्यादा जास्तीत जास्त २,००० ते २,५०० किमी असल्याचे मानले जात होते. मग प्रश्न पडतो की, इराणने इतक्या लांब पल्ल्याचे क्षेपणास्त्र कधी बनवले? या हल्ल्यामुळे हे स्पष्ट झाले आहे की, इराणने गेल्या काही वर्षांत गुप्तपणे आपल्या क्षेपणास्त्र तंत्रज्ञानात प्रचंड प्रगती केली आहे, ज्याची पुसटशी कल्पनाही पाश्चात्य देशांना नव्हती.
“Iran’s targeting of Diego Garcia, about 4,000 kilometers from Iran, implies its missiles have a greater range than Tehran has previously acknowledged.”https://t.co/I3KXuVA045 pic.twitter.com/q9nsShPZZj — Steve Lookner (@lookner) March 21, 2026
credit – social media and Twitter
जेव्हा इराणची क्षेपणास्त्रे डिएगो गार्सियाच्या दिशेने झेपावली, तेव्हा अमेरिकन नौदलाच्या युद्धनौकांनी तत्काळ ‘SM-3’ (Standard Missile-3) हा प्रगत इंटरसेप्टर डागला. ही यंत्रणा शत्रूचे क्षेपणास्त्र अवकाशातच नष्ट करण्यासाठी वापरली जाते. एका अहवालानुसार, इराणचे एक क्षेपणास्त्र तांत्रिक बिघाडामुळे हवेतच कोसळले, तर दुसऱ्याला रोखण्यासाठी अमेरिकेने आपली संपूर्ण शक्ती पणाला लावली. सुदैवाने, या हल्ल्यात तळाचे कोणतेही नुकसान झाले नाही, पण इराणने आपला हेतू स्पष्ट केला आहे.
आतापर्यंत इराणच्या कारवाया या अमेरिकेच्या ‘सेंट्रल कमांड’च्या अखत्यारीत येत होत्या. मात्र, डिएगो गार्सिया हा परिसर अमेरिकेच्या ‘इंडो-पॅसिफिक कमांड’च्या अंतर्गत येतो. याचा अर्थ असा की, हे युद्ध आता केवळ मध्य-पूर्वेपुरते मर्यादित राहिलेले नाही. इराणने हिंदी महासागरात शिरकाव केल्यामुळे भारत आणि इतर शेजारील देशांच्या सुरक्षेचा प्रश्नही ऐरणीवर आला आहे.
BREAKING: Another Iranian missile of an unknown type was just launched at Diego Garcia. This is well beyond the range of known Iranian ballistic missiles. Diego Garcia is not in the CENTCOM region, but USPACOM. The war has expanded in geography & Iran has shown amazing… pic.twitter.com/rtFvDqQ496 — Korobochka (コロボ) 🇦🇺✝️ (@cirnosad) March 20, 2026
credit – social media and Twitter
जागतिक घडामोडी संबंधित बातम्या वाचण्यासाठी येथे क्लिक करा : Strait Of Hormuz : होर्मुझवर इराणची ‘वसुली’! युद्धाच्या आडोशाने कमावणार 73 अब्ज डॉलर्स; भारतासह 20 देशांची धाकधूक वाढली
इराणचा हा हल्ला अयशस्वी ठरला असला तरी, तो एक मोठा इशारा आहे. ४,००० किमी अंतरापर्यंत मारा करण्याची क्षमता इराणने सिद्ध केल्यामुळे, आता युरोप आणि आफ्रिकेतील अनेक देश इराणच्या टप्प्यात आले आहेत. व्हाईट हाऊस आणि यूके संरक्षण मंत्रालयाने यावर अधिकृत प्रतिक्रिया दिलेली नसली, तरी पडद्यामागे मोठ्या लष्करी हालचाली सुरू झाल्या आहेत.
Ans: हा हिंद महासागरातील अमेरिका आणि ब्रिटनचा सर्वात मोठा धोरणात्मक लष्करी तळ आहे, जिथून जगातील अर्ध्याहून अधिक भागावर लक्ष ठेवले जाते.
Ans: या हल्ल्यापूर्वी इराणच्या क्षेपणास्त्रांचा पल्ला २,५०० किमी मानला जात होता, मात्र डिएगो गार्सियावर हल्ला केल्यामुळे त्यांची क्षमता ४,००० किमी पेक्षा जास्त असल्याचे सिद्ध झाले आहे.
Ans: नाही, अमेरिकेच्या इंटरसेप्टर यंत्रणेमुळे आणि तांत्रिक बिघाडामुळे दोन्ही क्षेपणास्त्रे तळावर आदळली नाहीत, त्यामुळे कोणतेही नुकसान झाले नाही.
