इराण आणि पाकिस्तानमधील तणाव वाढला; 9 पाकिस्तानी नागरिकांची इराणमध्ये हत्या

आग्नेय इराणमध्ये अज्ञात बंदूकधाऱ्यांनी पाकिस्तानच्या नऊ जणांची हत्या केल्यानंतर पुन्हा एकदा इराण आणि पाकिस्तानमध्ये एकदा तणाव वाढल्याचे चित्र आहे. प्रत्यक्षदर्शीनी दिलेल्या माहितीनुसार, शनिवारी अज्ञात सशस्त्र लोकांनी सिस्तान-बलुचेस्तान प्रांतातील सरवान शहरातील सिरकान परिसरात एका घरात नऊ विदेशी नागरिकांची हत्या केली.

तेहरान : आग्नेय इराणमध्ये अज्ञात बंदूकधाऱ्यांनी पाकिस्तानच्या नऊ जणांची हत्या केल्यानंतर पुन्हा एकदा इराण आणि पाकिस्तानमध्ये एकदा तणाव वाढल्याचे चित्र आहे. प्रत्यक्षदर्शीनी दिलेल्या माहितीनुसार, शनिवारी अज्ञात सशस्त्र लोकांनी सिस्तान-बलुचेस्तान प्रांतातील सरवान शहरातील सिरकान परिसरात एका घरात नऊ विदेशी नागरिकांची हत्या केली. याप्रकरणात कोणत्याही संघटनेने या हत्यांची जबाबदारी स्वीकारलेली नाही.

तेहरानमधील पाकिस्तानचे राजदूत मुहम्मद मुदस्सीर टिपू यांनी सरवानमध्ये 9 पाकिस्तानींच्या भीषण हत्येमुळं मला खूप धक्का बसल्याचे सांगतानाच दुतावास शोकग्रस्त कुटुंबांना पूर्ण मदत करणार असल्याचे तसेच इराणला या प्रकरणी पूर्ण सहकार्य करण्याचे आवाहन केल्याचे त्यांनी सांगितले. पाकिस्तानी परराष्ट्र मंत्रालयाच्या प्रवक्त्या मुमताज झहरा बलोच यांनी हा हल्लाचा ‘भयानक आणि घृणास्पद’ म्हणून निषेध केला. तसेच इराण अधिकाऱ्यांना या घटनेची चौकशी करुन या गुन्ह्यात सहभागी असलेल्यांना जबाबदार धरण्याचं आवाहन केले आहे.

मृतदेह परत आणण्यासाठी प्रयत्न

इराणमधील पाकिस्तानी दूतावास लवकरात लवकर मृतदेह परत आणण्यासाठी सर्वतोपरी प्रयत्न करेल. इस्रायल-हमास युद्धामुळं आधीच प्रादेशिक तणाव वाढलेल्या बलुचिस्तानच्या खुल्या सीमा प्रदेशात दुर्मिळ लष्करी कारवाईनंतर हा प्राणघातक हल्ला झाला आहे. जैश अल-अदलच्या तळांवर केला होता हल्ला इराणने पाकिस्तानातील बलुचिस्तानमधील पंजगुर या सीमावर्ती शहरामध्ये 16 जानेवारी रोजी दहशतवादी गट जैश अल-अदलच्या लपलेल्या ठिकाणांना लक्ष्य करुन हल्ले केले होते.