बीजिंग : जगातील दुसऱ्या क्रमांकाची अर्थव्यवस्था असलेल्या चीनसमोरील आर्थिक आव्हाने सध्या तीव्र झाली आहेत. शेअर बाजारापासून रिअल इस्टेटपर्यंत विविध आघाड्यांवर चीनच्या अर्थव्यवस्थेला एकाच वेळी समस्यांचा सामना करावा लागत आहे. ही आर्थिक आव्हाने आता चीनच्या सत्ताधारी कम्युनिस्ट पक्षानेही स्वीकारली आहेत.
एएफपीच्या वृत्तानुसार, चिनी पीपल्स पॉलिटिकल कन्सल्टेटिव्ह कॉन्फरन्सचे प्रवक्ते लिऊ जिले यांनी आर्थिक आव्हानांवर पत्रकार परिषदेत भाष्य केले. चीनमध्ये एक पक्षीय व्यवस्था आहे आणि चीनी कम्युनिस्ट पार्टी म्हणजेच सीसीपी अनेक दशकांपासून चीनवर राज्य करत आहे. चायनीज पीपल्स पॉलिटिकल कन्सल्टेटिव्ह कॉन्फरन्स ही चीनची राजकीय सल्लागार संस्था आहे.
दोन सत्रांचे कॉन्क्लेव्ह सुरू
सोमवारी चिनी कम्युनिस्ट पक्षाच्या वार्षिक संमेलनाला सुरुवात झाली, तेव्हा सीपीसीसी प्रवक्त्याने आर्थिक आव्हाने मान्य केली. हे वार्षिक संमेलन दोन सत्र म्हणून ओळखले जाते. सीसीपीच्या दोन सत्रांच्या कॉन्क्लेव्हमध्ये चीनची राजकीय आणि आर्थिक दिशा ठरवली जाते. राजधानी बीजिंगमध्ये दोन सत्रे आयोजित केली जात आहेत, ज्यामध्ये देशभरातील हजारो प्रतिनिधी सहभागी होतील.
.png "Videos"){kind=small}
