US Iran Conflict : मोजतबा खामेनेई कुठे आहेत? अमेरिका इराणमधील वाढत्या तणावादरम्यान खामेनेईंसंबंधी मोठी अपडेट समोर (फोटो सौजन्य: सोशल मीडिया)
मिळालेल्या माहितीनुसार, २८ फेब्रुवारी २०२६ रोजी इस्रायल अमेरिकेच्या संयुक्त लष्करी कारवाईत मोजतबा खामेनेई गंभीर जखमी झाले होते. तेव्हापासून आतापर्यंत खामेनेई सार्वजनिकरित्या समोर आलेले नाहीत यामुळे त्यांचा मृत्यूची किंवा कोमात असल्याच्या अफवांना बळ मिळाले होते. रॉयटर्सच्या रिपोर्टनुसार, खामेनेईच्या काही निकटवर्तींयांनी मोजतबा खामेनेई जिवंत असल्याचे म्हटले आहे.
सुत्रांनी सांगितले की, सध्या खामेनेई यांची प्रकृती वेगाने सुधारत आहे. त्यांच्या चेहऱ्याला आणि पायाला गंभीर दुखापत झाली आहे. परंतु ते मानसिकदृष्ट्या चांगल्या स्थितीत आहेत. एका सुत्राने असाही दावा केला होता की, खामेनेई यांनी अमेरिका (America) इराणच्या इस्लामाबाद चर्चेत ऑडिओ कॉन्फरन्सिंगच्या माध्यमातून सहभाग घेतला होता. त्यांनी अनेक महत्त्वाच्या निर्णयांमध्ये आपले मत मांडले होती. तर तिसऱ्या एका सुत्राने दावा केला आहे की हल्ल्यात मोजतबा खामेनेईंनी त्यांचा एक पाय गमावला आहे. परंतु याला अधिकृतपणे इराणी अधिकाऱ्यांकडून दुजोरा मिळालेला नाही.
अमेरिका-इस्रायच्या हल्ल्यात इराणचे माजी सर्वोच्च नेते अयातुल्ला अली खामेनेई (Ayatollah Ali Khamenei) यांचा मृत्यू झाला होता. यानंतर त्यांचा मुलगा मोजतबा खामेनेई यांची सर्वोच्च पदी निवड झाली. परंतु तेव्हापासून ना त्यांचा फोटो, व्हिडिओ आणि नाही ते स्वत: जगासमोर आल्याने त्यांच्या मृत्यूची शंका अधिक गढद होत आहे. इराणी माध्यमांनी केवळ त्यांचा संदेश वाचून दाखवला आहे.
दुसरीकडे अमेरिका-इराण शांतता चर्चा (US Iran Peace Talks) अपयशी ठरली आहे. इराणने अमेरिकेच्या अटी नाकारत झुकण्यास नकार दिला आहे. यामुळे अमेरिकेकडून लष्करी कारवाईचे संकेत मिळाले आहेत. या वाढत्या तणावपूर्ण परिस्थिती मध्यपूर्वेतील आखाती देशांवर हल्ल्याची भीती वाढली आहे. तसेच जगावर पुन्हा महागाईचे संकट निर्माण होण्याची भीती व्यक्त केली जात आहे.
Ans: रिपोर्टनुसार, २८ फेब्रुवारी २०२६ रोजी झालेल्या अमेरिका-इस्रायलच्या लष्करी हल्ल्यात मोजतबा खामेनेई गंभीर जखमी झाले होते. सध्या त्यांच्यावर गुप्त ठिकाणी उपचार सुरु असून त्यांची प्रकृती सुधारत असल्याचे सुत्रांनी म्हटले आहे. तर एका सुत्राने त्यांनी हल्ल्यात पाय गमवला असल्याचा दावा केला आहे.
Ans: अमेरिकेच्या गुप्तचर संस्थेच्या अहवालानुसार, मोजतबा खामेनेई यांचा मृत्यू झाल्याची किंवा ते कोमात असल्याची शक्यता आहे. परंतु या दाव्याला इराणने फेटाळले असून मोजतबा खामेनेई जिंवत असून त्यांच्यावर सुरक्षित ठिकाणी उपचार सुरु असल्याचे म्हटले आहे.
Ans: आंतरराष्ट्रीय माध्यमांच्या रिपोर्टनुसार, मोजतबा खामेनेई ऑडिओ कॉन्फरन्सिंगच्या माध्यमातून वरिष्ठ लष्करी अधिकारी, सरकारी अधिकाऱ्यांशी बैठक घेत आहेत. अमेरिका इराण शांतता चर्चेतही त्यांनी सहभाग घेतला होता.
