Trump-Mamdani एकाच टेबलावर; राजकीय मतभेद विसरुन करणार एकत्र काम?

Trump-Mamdani Meeting : अमेरिकेचे राष्ट्राध्यक्ष डोनाल्ड ट्रम्प आणि न्यूयॉर्कचे भारतीय वंशाचे मुस्लिम महापौर दोघांची भेट झाली आहे. दोघे एकमेकांचे कट्टर विरोधक असल्याने त्यांच्या भेटीने अमेरिकेत खळबळ उडाली आहे.

• ट्रम्प-ममदानी एकाच टेबलावर
• राजकीय मतभेद विसरुन करणार एकत्र काम
• अमेरिकेच्या राकरणार खळबळ

Trump-Mamdani Meeting News in Marathi : वॉशिंग्टन : नुकतेच अमेरिकेचे राष्ट्राध्यक्ष डोनाल्ड ट्रम्प (Donald Trump) आणि न्यूयॉर्कचे (Newyork) भारतीय वंशाचे मुस्लिम महापौर जोहरान ममदानी यांची भेट झाली आहे. शुक्रवारी (२१ नोव्हेंबर) व्हाइट हाउसमध्ये दोघांची भेट झाली. त्यांच्या भेटीने सध्या अमेरिकेच्या राजकारणात खळबळ उडाली आहे. दोन्ही नेते एकमेकांचे कट्टर विरोधक असून त्यांनी एकत्र येऊ काम करण्याचा निर्णय घेतला आहे. यामुळे अनेकजण आश्चर्यात पडले आहेत.

Explainer : ट्रम्पच्या धमक्यांना नाही बधले ममदानी! न्यूयॉर्कच्या ख्रिश्चन लोकसंख्येमध्ये खाऊन गेले भाव, कसे?

एकमेकांचे कट्टर शत्रू बनले मित्र..

पूर्वी एकमेकांचे कट्टर राजकीय शत्रू असणारे दोन्ही नेते एकाच व्यासपीठावर आले. या भेटीत दोन्ही नेत्यांनी वाढती महागाई, न्यूयॉर्क शहराची सुरक्षा आणि स्थलांतरितांच्या मुद्द्यांवर चर्चा केली. तसेच दोन्ही नेत्यांनी या मुद्यांवर एकत्र येऊन काम करणार असल्याचे म्हटले. आश्चर्यकारक बाब म्हणजे ममदानी निवडणूकीत विजयी होण्यापूर्वी ट्रम्प यांनी त्यांना तीव्र विरोध केला होते. त्यांना धमकीही देण्यात आली होती. परंतु आता ट्रम्प यांचे सूर बदलताना दिसत आहे. ममदानी यांनी देखील ट्रम्प प्रती आपल्या भूमिकेत बदल करत असल्याचे स्पष्ट होत आहे.

निवडणूकीवेळी एकमेकांवार टीका

निवडणूकीदरम्यान ममदानी यांना ट्रम्पने १०० कम्युनिस्ट लूनाटिक म्हणून संबोधले होते. तर ममदानी यांनी देखील ट्रम्पला हुकूमशाहीवादी नेता असे म्हटले होते. त्यांच्या या भेटीवेळी एका पत्रकाराने ममदानी यांना यावर एक प्रश्न देखील विचारला होता. यावर ट्रम्प यांनी अगदी हलक्या-फुलक्या मजेशीर अंदाजात उत्तर दिले होते.

ममदानी यांना विचारण्यात आले होते की, ते अजूनही ट्रम्प यांना फासिस्टवादी समजतात का? यावर ममदानी यांनी उत्तर देण्यापूर्वी ट्रम्प यांनी, तू हो म्हणू शकतोस, समाजवून सांगण्यापेक्षा हे सोपे आहे. याचा मला काही फरक पडत नाही असे म्हटले होते.

ममदानी यांचे ट्रम्प यांनी केले कौतुक 

याशिवाय ट्रम्प यांनी जोहरान ममदानी यांचे खूप मेहनती म्हणून संबोधत कौतुकही केले. तसेच त्यांनी विचारण्यात आलेल्या प्रश्नावर ते ममदानी यांना जिहादी मानत नाहीत, असेही म्हटले. ममदानी यांना शांत, समजुतदार आणि तार्कित व्यक्ती म्हटले.

See more

Q: Are you affirming that you think President Trump is a fascist? MAMDANI: I’ve spoken about– TRUMP: That’s okay. You can just say yes. I don’t mind. pic.twitter.com/uWZFRcmGxB — Aaron Rupar (@atrupar) November 21, 2025

या मुद्यांवर झाली ममदानी-ट्रम्प यांच्या चर्चा

• दोन्ही नेत्यांमध्ये न्यूयॉर्कमध्ये भाडे, महागाई विज-बील, किराणा खर्च, तसेच न्यूयॉर्कमधील लोकांचे राहणीमान अधिक स्वस्त आणि सोयीचे करणे यावर चर्चा झाली.
• याशिवाय या चर्चेत सर्वात महत्त्वाचा मुद्दा ठरला तो इमिग्रेशन. ममदानी यांनी न्यूयॉर्कमधील स्थलांतरितांना सुरक्षा देण्याचे महत्त्व अधोरेखित केले, तर ट्रम्प यांनी शहराच्या सुरक्षेचे महत्त्व अधोरेखित केले.

Trump-Mamdani : ममदानींच्या विजयाने ट्रम्प दबावात? न्यूयॉर्क मेयरशी भेटची इच्छा केली व्यक्त