शनिवार, 17 ऑक्टोबर 2026
फोटो सौजन्य सोशल मीडिया
मध्य पूर्वेतील युद्धामुळे जागतिक तेलाचे संकट वाढले आहे . तेल हा जगण्यातील बऱ्याच अविभाज्य गोष्टींशी जोडला गेला असल्याने त्याचे पडसाद वेगवेगळा क्षेत्रावर पडत आहेत . यामुळे जगभरात जीवनावश्यक गोष्टींची किंमत वाढली असून जगभरात अनेक देश यात भरडले जात आहेत . याच धर्तीवर फ्रान्समध्ये वाढती महागाई , इंधनाचे वाढते दर आणि शिक्षण व्यवस्थेतील समस्या या सगळ्याविरोधात सुरु असलेल्या आंदोलनाने शनिवारी १७ ऑक्टोबर ला हिंसक वळण घेतले आहे.
फ्रान्समध्ये हजारो लोक रस्त्यावर उतरले असताना दक्षिण फ्रान्समध्ये मार्सेल शहरात परिस्थिती आणखीच चिघळली आहे.शहरात तणावाचे वातावरण निर्माण झाले असून , पोलीस आणि आंदोलनकर्ते यांच्यात जुंपली आहे . अश्रू धुराच्या नळकांड्याची इकडून तिकडे फेकाफेकी होत आहे . आंदोलक रस्त्यात येईल ती सरकारी मालमत्ता पेटवून देत आहेत . आपला राग व्यक्त करत आहेत . पोलिसांनाही रेटून चोप दिला जात आहे .
युरोपातील लोकं त्यांच्या सुखसोयी महाग झाल्यावर प्रचंड अस्वस्था लगेच रस्त्यांवर येऊन दाखवतात . तिथली समाज आणि राजकीय व्यवस्था वेगळी आहे . नागरिकांसाठीच सरकार आणि लोकप्रतिनिधी आहेत . ते सेवक आहेत साहेब नाहीत . यामुळे राजकारण्यांच्या राजकारणामुळे सामान्य जनतेला बसणारे चटके, उगाच एका पक्षाची किंवा नेत्याची भक्ती करून युरोपातील लोकं त्रासात राहत बसत नाहीत .
यामुळे चाललेल्या युद्धत युरोपला तेल पुरवठा होणाऱ्या सौदीच्या अरामको कंपनीने युरोपला तेल पुरवठा काही काळासाठी खंडित करून फ्रान्समधल्या वाढत्या महागाईला एक प्रकारे हातभार लावला आहे . यामुळे फ्रान्समधील लोकांचे आर्थिक गणित गडबडले आहे . पेट्रोल डिझेलचे वाढते दर , जीवनावश्यक वस्तूंच्या वाढत्या किमती आणि कमी होत चाललेली त्यांची कमाई यामुळे नागरिकांमध्ये प्रचंड नाराजी आहे . याच मुद्यांवरून यलो व्हेस्ट चळवळीशी संबंधित आंदोलकांनी पुन्हा एकदा आंदोलन तीव्र केले आहे .
मार्सेल मधील आंदोलनादरम्यान काही आंदोलकांनी ला कानेबिएर परिसरातील महापालिका पोलीस ठाण्यावर हल्ला केला . आंदोलक इमारतीत घुसले आणि तेथे तोडफोड करण्यात आली . या घटनेमुळे शहरातील परिस्थिती तणावपूर्ण बनली असून आंदोलनादरम्यान पोलिसांनी अश्रुधुराचा वापर केल्याचे वृत्त आहे .
फ्रान्समधील या आंदोलनाला विद्यार्थी , कामगार संघटना अंडी विविध सामाजिक संघटनांचा सुद्धा पाठिंबा मिळाला असून देशभरात हे आंदोलन आता गाजत आहे . तसेच देशाबाहेर ही या आंदोलनाची चर्चा होताना दिसत आहे . मॅक्रोन च्या विरोधात लोकं रस्त्यावर उतरली आहेत . देशभरात ८० हून जास्त मोर्चे आणि शेकडो निदर्शने आयोजित करण्यात आली आहेत . विद्यार्थ्यांकडून भेडसावणाऱ्या सगळ्या समस्यांविरोधात दणदणीत आवाज उठवण्यात येत आहे .
