पुतीन यांची Aurus Senat कार भारी की Toyota Fortuner? जाणून घ्या किंमत

Aurus Senat जवळजवळ कोणत्याही प्रकारच्या आघातांना तोंड देण्यासाठी डिझाइन केलेले आहे. दुसरीकडे, फॉर्च्यूनर तिच्या कामगिरीसाठी प्रसिद्ध आहे.चला या दोन्ही कारबद्दल जाणून घेऊयात.

• रशियाचे राष्ट्राध्यक्ष पुतीन दोन दिवसीय भारत दौऱ्यावर
• पंतप्रधान नरेंद्र मोदी यांनी केले स्वागत
• पुतीन आणि मोदींचा Toyota Fortuner मध्ये प्रवास

रशियाचे राष्ट्राध्यक्ष व्लादिमीर पुतीन हे त्यांच्या दमदार व्यक्तिमत्वासाठी ओळखले जातात. सध्या ते दोन दिवसीय भारत दौऱ्यावर आहेत. यानिमित्ताने पंतप्रधान मोदी आणि राष्ट्राध्यक्ष पुतीन यांनी Range Rover नाही तर Toyota Fortuner मधून प्रवास केला.

रशियाचे राष्ट्राध्यक्ष व्लादिमीर पुतिन हे जगातील सर्वात पॉवरफुल नेत्यांपैकी एक मानले जातात. तसेच ते प्रत्येक भेटीत बुलेटप्रूफ आणि हायटेक सुरक्षा कार वापरतात. भारतात आल्यावर त्यांची खास ऑरस सेनाट कार विमानतळावर आधीच होती, परंतु सर्वांना आश्चर्य वाटले की त्यांनी पंतप्रधान मोदींसोबत पांढऱ्या सुरक्षित फॉर्च्युनरमध्ये प्रवास केला. यामुळे Aurus Senat आणि फॉर्च्युनरमधील फरक आणि कोणती कार अधिक पॉवरफुल आहे याबद्दल प्रश्न निर्माण झाले आहेत.

Range Rover नाही तर ‘या’ SUV मधून PM Modi आणि Putin यांचा प्रवास, कारला VIP नंबर प्लेट देखील नाही

ऑरस सेनाट (Aurus Senat)

ऑरस सेनाट ही एक लक्झरी सेडान लिमोझिन आहे जी विशेषतः रशियन राष्ट्राध्यक्षांसाठी डिझाइन केलेली आहे. तिला चार चाकी किल्ला म्हणूनही ओळखले जाते, कारण त्यात लष्करी वाहनाइतकीच सुरक्षा क्षमता आहे. बॉम्ब, क्षेपणास्त्रे किंवा गोळीबारामुळे ही कार न थांबता हालचाल करू शकते. जरी त्याचे टायर फुटले तरी ही कार सहा सेकंदात ताशी 100 किलोमीटर वेगाने जाऊ शकते. रासायनिक हल्ल्यांपासून संरक्षण करण्यासाठी ही कार विशेष तंत्रज्ञानाचा वापर करते. ऑरस सेनाटची किंमत सुमारे 2.5 कोटी रुपयांपासून सुरू होते.

टोयोटा फॉर्च्युनर (Toyota Fortuner)

Toyota Fortuner आपल्या दमदार बांधणी, मोठा आकार आणि प्रभावी पॉवरमुळे भारतीय रस्त्यांवर लोकांची पहिली पसंती बनली आहे. अनेक देशांतील नेत्यांच्या आणि अधिकाऱ्यांच्या ताफ्यातही फॉर्च्युनरचा वापर केला जातो. मात्र, लक्झरी आणि सेफ्टी फीचर्सच्या बाबतीत ती Aurus Senat च्या तुलनेत काहीशी मागे आहे. भारतात Fortuner ची किंमत अंदाजे 33 लाख रुपयांपासून सुमारे 58 लाख रुपयांपर्यंत आहे.

नवीन Tata Sierra च्या टॉप व्हेरिएंटची किंमत किती असू शकते ? लवकरच फुल प्राईझ लिस्ट होणार सादर

ही SUV 2.7-लीटर पेट्रोल आणि 2.8-लीटर टर्बो-डीझेल इंजिन पर्यायांसह उपलब्ध असून, डिझेल इंजिन 204PS पॉवर आणि 500Nm टॉर्क निर्माण करते. सेफ्टीच्या दृष्टीनेही ही कार अत्यंत विश्वासार्ह मानली जाते आणि तिला NCAP क्रॅश टेस्टमध्ये 5-स्टार रेटिंग प्राप्त झाली आहे.