इलेक्ट्रिक स्कूटर बिनधास्त घ्या, पण घेण्याअगोदर त्याच्या बॅटरीची किंमत जाणून घ्या

इलेक्ट्रिक स्कूटरला देशात अनेक मागणी मिळताना दिसत आहे. पण तुम्हाला त्याच्या बॅटरीबद्दल ठाऊक आहे का? चला याची किंमत किती असू शकते, त्याबद्दल जाणून घेऊया.

देशात इलेक्ट्रिक वाहनांची मागणी वेगाने वाढताना दिसत आहे. त्यातही अनेक ऑटो कंपनीज फुल्ल चार्जिंगमध्ये जास्तीत जास्त रेंज कशी देता येतील यावर लक्ष केंद्रित करत आहे. तर ग्राहक सुद्धा या इलेक्ट्रिक वाहनांना प्राधान्य देताना दिसत आहे. याचे मुख्य कारण म्हणजे इंधनात होणारी सततची वाढ.

गेल्या काही वर्षांत भारतीय बाजारपेठेत इलेक्ट्रिक स्कूटरची मागणी वाढली आहे. किंबहुना, ते पेट्रोलवर चालणाऱ्या स्कूटरपेक्षा खूपच किफायतशीर आहे आणि पेट्रोल भरण्याची कोणतीही अडचण नाही, ज्यामुळे लोकांच्या खर्चात खूप बचत होते.

इलेक्ट्रिक स्कूटरमध्ये सर्वात मोठा खर्च हा बॅटरीवर होत असतो. स्कूटरची बॅटरी खराब झाल्यास, ती बदलणे खूप महाग असल्याचे अनेकदा ग्राहकांनी अनुभवले आहे. हे लक्षात घेऊन इलेक्ट्रिक स्कूटरसाठी नवीन बॅटरी किती खर्च येऊ शकतो, याबाबत जाणून घेणार आहोत.

फक्त ‘या’ 5 टिप्स आणि तुमच्या कारची बॅटरी हिवाळ्यात सुद्धा राहील सुसाट

EVIndia ने शेअर केली बॅटरीजची किंमत

अलीकडेच, EVIndia ने बाजारात उपलब्ध असलेल्या काही लोकप्रिय इलेक्ट्रिक स्कूटरच्या बॅटरीच्या किंमतीबद्दल माहिती शेअर केली आहे. या इलेक्ट्रिक स्कूटरमध्ये Ather Rizta, Ather 450X, TVS iQube, Vida V1 आणि बजाज चेतक स्कूटरच्या बॅटरीच्या किंमती नमूद केल्या आहेत. त्यांच्या बॅटरीची किंमत किती आहे त्याबद्दल जाणून घेऊया.

Ather 450X आणि Rizta च्या बॅटरीची किंमत

Ather 450X च्या 2.9 kWh बॅटरी पॅक मॉडेलसाठी नवीन बॅटरीची किंमत तब्बल 65,000 ते 70,000 रुपये दरम्यान आहे. त्याच वेळी, Ather 450X च्या 3.7 kWh बॅटरी पॅक मॉडेलच्या बॅटरीची किंमत सुमारे 80,000 रुपये आहे. Ather च्या नवीन इलेक्ट्रिक स्कूटर Rizta बद्दल बोलायचे तर या स्कूटरची बॅटरी बदलण्याची किंमत 65,000 ते 80,000 रुपये आहे.

Vida च्या बॅटरीची किंमत

हिरोची इलेक्ट्रिक स्कूटर Vida दोन व्हेरियंटसह येते, जे V1 Pro आणि V1 Plus आहेत. Vida V1 Pro ची बॅटरी बदलण्याची किंमत सुमारे 85,000 रुपये आहे आणि V1 Plus बॅटरीची किंमत 75,000 रुपयांपर्यंत आहे.

New Bajaj Chetak इलेक्ट्रिक स्कूटर डिसेंबर 2024 मध्ये होणार लाँच, किंमतीत होणार घट

TVS iQube ची बॅटरी किंमत

TVS ची iQube इलेक्ट्रिक स्कूटर अनेक व्हेरियंटसह येते. TVS iQube च्या स्टँडर्ड मॉडेलच्या बॅटरीच्या किंमतीबद्दल बोलायचे झाले तर ते 60,000 ते 70,000 रुपयांच्या दरम्यान आहे. त्याच वेळी, TVS iQube ST च्या नवीन बॅटरीची किंमत सुमारे 90,000 रुपये आहे.

बजाज चेतक बॅटरीची किंमत

बजाजची इलेक्ट्रिक स्कूटर चेतक दोन बॅटरी पॅक व्हेरियंटसह येते, जे 2.8kWh (Chetak 2901) आणि 3.2kWh (Chetak 3201) आहेत. जर तुम्हाला या स्कूटरमध्ये बॅटरी बदलण्याची गरज असेल तर तुम्हाला 60,000 ते 80,000 रुपये खर्च करावे लागतील.