रोजच्या प्रवासासाठी Best Car शोधताय? 5 लाखांच्या बजेटमध्ये एकापेक्षा एक पर्याय उपलब्ध

जर तुम्ही तुमच्या दैनंदिन प्रवासासाठी स्वस्तात मस्त अशा कारच्या शोधात असाल तर ही बातमी तुमच्यासाठीच आहे. आज आपण अशा बजेट फ्रेंडली कार्सबद्दल जाणून घेऊयात, ज्या उत्तम मायलेज देतात.

• कार खरेदी करण्याचा विचार करताय?
• ही बातमी खास तुमच्यासाठी
• 5 लाखांच्या बजेटमधील बेस्ट कार्सबद्दल जाणून घ्या

आपली स्वतःची कार असावी हे प्रत्येक व्यक्तीचे स्वप्न असते. मात्र, अनेक जण नेहमीच बजेट फ्रेंडली कारच्या शोधात असतात, जी दमदार फीचर्ससह त्यांना उत्तम मायलेज देईल. मार्केटमध्ये अशा अनेक कार्स आहेत, ज्या या मागणींची पूर्तता करतात. मात्र, जर तुमचे बजेट 5 लाखांपर्यंतचे आहे आणि या बजेटमध्ये तुम्हाला 6 एअरबॅग्स, उत्तम फीचर्स आणि चांगला मायलेज देणारी कार हवी असेल तर मग खालील कार ऑप्शन्सचा नक्की विचार करू शकता.

मारुती सुझुकी एस प्रेसो (Maruti Suzuki S-Presso)

या लिस्टमध्ये पहिले स्थान मारुती सुझुकी एस-प्रेसोचे आहे, जी भारतातील सर्वात परवडणारी आणि लोकप्रिय मायक्रो एसयूव्ही आहे. GST कमी झाल्याने या कारची किंमत आता फक्त 3.49 लाख रुपये झाली आहे. त्याची एसयूव्हीसारखी रचना आणि 180 मिमी ग्राउंड क्लिअरन्समुळे ती लहान विभागातही वेगळी दिसते. यात 1.0-लिटर पेट्रोल इंजिन आहे जे 66 पीएस पॉवर आणि 89 एनएम टॉर्क निर्माण करते. याचे सीएनजी व्हर्जन प्रति किलोग्रॅम 33 किलोमीटर पर्यंत मायलेज देते.

अ‍ॅडव्हान्स सेफ्टी फीचर्समुळे ‘हे’ प्रीमियम हेल्मेट चर्चेत! अपेक्षित किंमत 17,000 ते 20,000 रुपये

मारुती सुझुकी अल्टो के10 (Maruti Suzuki Alto K10)

दुसरी कार, अल्टो k10, ही भारतातील सर्वात लोकप्रिय छोट्या कारपैकी एक आहे. 3.69 लाख किमतीत ही कार उत्कृष्ट डिझाइन आणि उत्तम मायलेज प्रदान करते. यात 1.0-लिटर K10B इंजिन आहे जी 67 पीएस पॉवर निर्माण करते. सीएनजी मॉडेल प्रति किलोग्रॅम 33.85 किलोमीटर पर्यंत मायलेज देते. फीचर्समध्ये पॉवर विंडो, डिजिटल इन्स्ट्रुमेंट क्लस्टर आणि टॉप व्हेरिएंटमध्ये 6 एअरबॅग्ज समाविष्ट आहेत.

रेनॉल्ट क्विड (Renault Kwid)

जर तुम्हाला SUV सारखा लूक असलेली कार हवी असेल, तर Renault Kwid हा एक चांगला पर्याय ठरू शकतो. या कारची किंमत 4.29 लाख रुपयांपासून पासून सुरू होते. SUV-प्रेरित डिझाइन आणि 184 mm ग्राउंड क्लीअरन्समुळे Kwid तरुणांमध्ये विशेष लोकप्रिय आहे. यामध्ये 1.0-लीटर इंजिन देण्यात आले असून ते 68 PS पॉवर आणि 91 Nm टॉर्क निर्माण करते. Kwid चे मायलेज साधारण 22 किलोमीटर प्रति लीटर आहे. फीचर्सच्या बाबतीत 8-इंच टचस्क्रीन, रियर कॅमेरा आणि क्रूज कंट्रोलसारख्या सुविधा मिळतात.

आला रे आला डिस्काउंट आला! ‘या’ SUVs वर 2.50 लाखांपय रुपये वाचण्याची संधी

मारुती सुझुकी सिलेरिओ (Maruti Suzuki Celerio )

Maruti Suzuki Celerio ही भारतातील सर्वाधिक फ्युएल-एफिशिएंट कार्सपैकी एक मानली जाते. या कारची सुरुवातीची किंमत 4.69 लाख रुपये आहे. यात 1.0-लीटर इंजिन देण्यात आले असून ते 67 PS पॉवर आणि 89 Nm टॉर्क जनरेट करते. CNG व्हेरिएंटमध्ये ही कार सुमारे 34 किलोमीटर प्रति किलोग्राम मायलेज देते, त्यामुळेच या कारला “मायलेज क्वीन” असेही म्हटले जाते. क्लायमेट कंट्रोल, 7-इंच टचस्क्रीन, मोठा बूट स्पेस आणि ड्युअल एअरबॅग्ससारख्या फीचर्समुळे Celerio अधिक प्रीमियम अनुभव देते.