‘या’ आहेत भारतातील सर्वात स्वस्त स्पोर्ट्स बाईक, किंमत 2 लाखांपेक्षा कमी

जर तुम्ही सुद्धा उत्तम आणि बजेटमधील स्पोर्ट्स बाईक्सच्या शोधात असाल तर ही बातमी तुमच्यासाठीच आहे. आज आपण स्वस्तात मस्त अशा बेस्ट स्पोर्ट्स बाईक्सबद्दल जाणून घेणार आहोत.

पूर्वी बाईक खरेदी करताना ग्राहक त्याची किंमत आणि मायलेजवर जास्त लक्ष देत असत. पण आज ही स्थिती बदलली आहे. आजचा बाईक खरेदीदार, त्याची नवीन बाईक घेताना फक्त किंमत आणि मायलेजवरच फोकस करत नाही तर त्याच्या लूकवर सुद्धा फोकस करतो. ग्राहकांची हीच मागणी लक्षात घेता अनेक दुचाकी उत्पादक कंपन्या, स्वस्तात मस्त अशा बाईक्स आकर्षक डिझाइनमध्ये लाँच करत असतात. त्यातही कित्येक तरुणांना स्पोर्ट्स बाईक खरेदी करण्याची इच्छा असते.

जर तुम्ही स्पोर्ट्स बाईक घेण्याचा विचार करत असाल आणि तुमचे बजेट जास्त नसेल तर ही बातमी तुमच्यासाठी आहे. वास्तविक, भारतीय मार्केटमध्ये अशा अनेक स्पोर्ट्स बाईक्स आहेत ज्यांची किंमत 2 लाख रुपयांपेक्षा कमी आहे. ही बाईक अनेक उत्कृष्ट फीचर्स आणि स्टाईलिश डिझाइनसह येते. एवढेच नाही तर ही बाईक उत्कृष्ट परफॉर्मन्सही देते. चला बेस्ट बजेट फ्रेंडली बाईक्सबद्दल जाणून घेऊया.

Year Ender 2024: यंदाचं वर्ष गाजवलं ते ‘या’ दमदार बाईक्सनी, लाँच होताच मिळाले ग्राहकांचे प्रेम

Yamaha MT-15 (यामाहा एमटी- 15)

Yamaha MT15 155cc लिक्विड-कूल्ड सिंगल-सिलेंडर इंजिन वापरते. हे इंजिन 18.4 PS पॉवर आणि 14.1 Nm टॉर्क जनरेट करते. ही बाईक 6-स्पीड गिअरबॉक्ससह जोडलेली आहे. ही बाईक शहरात 56.87 किमी प्रति लिटर आणि महामार्गावर 47.94 किमी प्रति लिटर मायलेज देते. या बाईकची किंमत 1.73 लाख रुपये आहे.

यामाहा आर15 V4 (Yamaha R15 V4)

Yamaha R15 V4 मध्ये 155cc लिक्विड कूल्ड इंजिन वापरण्यात आले आहे, जे 18.4 PS पॉवर आणि 14.2 Nm पीक टॉर्क जनरेट करते. त्याचे इंजिन 6-स्पीड गिअरबॉक्ससह जोडलेले आहे. ही बाईक शहरात 55.20 किमी प्रति लिटर आणि महामार्गावर 60.65 किमी प्रति लीटर मायलेज देते. या बाईकची किंमत 1.87 लाख रुपये आहे.

हिरो करिझ्मा एक्सएमआर (Hero Karizma XMR)

Hero Karizma XMR सिंगल-सिलेंडर, लिक्विड-कूल्ड, 210cc इंजिनसह येतो. त्यात बसवलेले इंजिन 25.5 पीएस पॉवर आणि 20.4 एनएम पीक टॉर्क जनरेट करते. त्याचे इंजिन 6-स्पीड गिअरबॉक्ससह जोडलेले आहे. ही बाईक एका लिटर पेट्रोलमध्ये शहरात 41.38 किलोमीटर आणि हायवेवर 36.7 किलोमीटर मायलेज देते. या बाईकची किंमत 1.79 लाख रुपये आहे.

Year Ender 2024: या कार्सनी 2024 मध्ये भारताला ठोकला राम राम, जाणून घ्या नावं

बजाज पल्सर आरएस 200 (बजाज पल्सर आरएस 200)

बजाज पल्सर RS200 99.5cc, लिक्विड-कूल्ड, सिंगल-सिलेंडर इंजिन वापरते. हे इंजिन 24.5 पीएस पॉवर आणि 18.7 एनएम टॉर्क जनरेट करते. त्याचे इंजिन सहा-स्पीड गिअरबॉक्सशी जोडलेले आहे. ही बाईक एक लिटर पेट्रोलमध्ये 35 किलोमीटरपर्यंत मायलेज देते.

टीव्हीएस अपाचे आरटीआर 160 (TVS Apache RTR 160)

TVS Apache RTR 160 मध्ये 160cc सिंगल-सिलेंडर टू-वॉल्व्ह एअर-कूल्ड इंजिन आहे, जे 15.31 bhp पॉवर आणि 13.9 Nm टॉर्क जनरेट करते. ही बाईक शहरात 45.06 किमी प्रति लिटर आणि हायवेवर 46.99 किमी प्रति लिटर मायलेज देते.