फसू नका! Second Hand EV खरेदी करताना ‘या’ 5 गोष्टींकडे लक्ष द्या

एअर हीट पंप आणि PTC हीटर तपासा

अनेक EVs मध्ये केबिन तापमान नियंत्रित ठेवण्यासाठी PTC हीटर किंवा एअर हीट पंप टेक्नॉलॉजी दिलेले असते. हे महागडे घटक आहेत आणि खराब झाल्यास दुरुस्ती खर्चही मोठा असतो. कार खरेदी करताना हीटिंग आणि कूलिंग सिस्टिम व्यवस्थित चालते का हे पाहणे महत्वाचे. जर वेगळा आवाज किंवा जळण्याचा वास येत असेल, तर कार लगेच EV सर्व्हिस सेंटरमध्ये दाखवा.

बॅटरीची स्थिती तपासा

इलेक्ट्रिक कारमधील सर्वात महत्वाचा भाग म्हणजे बॅटरी. जुनी EV घेताना याची State of Health (SoH) रिपोर्ट जरूर पाहा. काळानुसार बॅटरी सेल्स कमजोर होतात, ज्यामुळे रेंज कमी होते. बॅटरी बदलणे महाग असू शकते. याचा खर्च लाखोंमध्ये जाऊ शकतो. त्यामुळे खरेदीपूर्वी बॅटरीची वॉरंटी आणि रिपोर्ट तपासल्याशिवाय व्यवहार करू नका.

गंज दुर्लक्षित करू नका

गंज लागणे फक्त पेट्रोल कारपुरते मर्यादित नाही; तर EV मध्येही ही समस्या वाढत आहे. जरी आधुनिक EV मध्ये अँटी-रस्ट कोटिंग असले तरी खालील भागात वेळोवेळी जंग लागू शकतो. म्हणूनच खरेदी करताना चेसिस आणि बॅटरी केस खालीपासून तपासा.

10 वर्षांपासून मार्केट आमचंच! Maruti च्या ‘या’ Car ने एक दशकापासून ग्राहकांना ठेवलंय बांधून

टायरची स्थिती तपासा

साध्या कारच्या तुलनेत थोड्या इलेक्ट्रिक कार जड असतात, कारण त्यात बॅटरी पॅक असतो. त्यामुळे टायरवर जास्त दबाव येतो आणि ते लवकर झिजतात. टायरची ग्रिप, ट्रेड डेप्थ आणि साइडवॉल क्रॅक्स तपासा. जर टायर खराब असतील, तर कारच्या किमतीत डिस्काउंट मागा. तसेच हे EV-रेटेड “Low Rolling Resistance” टायर आहेत का, हे खात्रीने पाहा.

संबंधित बातम्या