Car-Bike Insurance (फोटो सौजन्य- सोशलमीडिया)
त्यातून वाचण्यासाठी विम्याची गरज भासते. पण बऱ्याच जणांना विमा काढताना काय काळजी घ्यायची हेच माहिती नसतं. घाईघाईत विमा काढतात आणि जेव्हा खरंच गरज लागते तेव्हा कंपनी क्लेम नाकारते. मग खिशातून पैसे द्यावे लागतात. म्हणून विमा काढताना या गोष्टी 5 चुका टाळाव्या.
बऱ्याच लोकांचं एकच असतं, सगळ्यात स्वस्त विमा कोणता आहे? कमीत कमी प्रीमियम भरणारा विमा ते घेतात. पण हीच सगळ्यात मोठी चूक आहे.कमी पैशात विमा देणाऱ्या कंपन्या बऱ्याच गोष्टींना कव्हरच करत नाहीत. वरवर स्वस्त वाटतं पण अपघात झाला की कळतं की यात तर काहीच मिळत नाही.
तसेच काही कंपन्या कमी प्रीमियम घेतात पण क्लेम देताना खूप त्रास देतात, महिने महिने फिरवतात असे होऊ नये म्हणून फक्त प्रीमियम बघू नका, कंपनी किती जुनी आहे. तिची विश्वासार्हता काय आहे, कॅशलेस गॅरेज किती आहेत, क्लेम लवकर पास करते का, हे सगळं बघूनच विमा घ्या.
आजकाल सगळं ऑनलाईन असताना पण लोक एकाच एजंटकडे जातात आणि त्याने सांगितलेला विमा घेतात. बाजारात काय दुसरे पर्याय आहेत हेच बघत नाही विमा घेण्याआधी किंवा जुना विमा रिन्यू करण्याआधी 4-5 कंपन्यांचे प्लॅन एकदा ऑनलाईन चेक करा. प्रत्येक कंपनी वेगवेगळे ऑफर देते, वेगवेगळे फायदे देते. तुलना केली तर कळेल की कमी पैशात जास्त चांगलं कव्हरेज कुठे मिळतंय. दोन मिनिटांचं काम आहे परंतू हजारो रुपये वाचू शकतात.
अनेकांना वाटतं की एजंटकडून ऑफलाईन विमा घेतला तर स्वस्त पडू शकेल मात्र, खरं तर उलटं आहे. ज्यावेळेस तुम्ही ऑनलाईन विमा घेता त्यावेळेस कंपनीला एजंटला कमिशन द्यावं लागत नाही. ऑफिसचा खर्च वाचतो. त्यामुळे तीच कंपनी तुम्हाला ऑनलाईन कमी किमतीत जास्त चांगला विमा देते. ऑनलाईनवर डिस्काउंट आणि एक्स्ट्रा ऑफर पण जास्त असतात. त्यामुळे ऑफलाईन घेण्याआधी एकदा ऑनलाईन किंमत नक्की बघा.
जुनी गाडी घेणारे लोक इथे सगळ्यात जास्त फसतात. गाडी घेतली की फक्त RTO मध्ये नावावर करतात आणि झाले असे समजतात. पण विम्याचं काय?RTO मध्ये गाडी नावावर केली म्हणजे काम संपलं नाही.
जुन्या मालकाच्या नावावर असलेला विमा तुम्हाला 14 दिवसाच्या आत तुमच्या नावावर करून घ्यावा लागतो. जर विमा जुन्याच मालकाच्या नावावर राहिला आणि तुमच्या हातून अपघात झाला तर कंपनी एक रुपयाही देणार नाही. ती म्हणेल विमा तुमच्या नावावरच नाही. मग सगळा खर्च तुम्हाला स्वतः करावा लागेल. म्हणून सेकंड हँड गाडी घेतली की आधी विमा ट्रान्सफर करा.
प्रीमियम कमी यावा म्हणून किंवा नकळतपणे लोक फॉर्ममध्ये चुकीची माहिती भरतात. पत्ता चुकीचा, गाडीचं मॉडेल चुकीचं, किंवा गाडीला CNG किट बसवलंय हे लपवतात.विमा हा विश्वासाचा करार आहे. तुम्ही दिलेली प्रत्येक माहिती खरी असली पाहिजे. तुमचं नाव, पत्ता, इंजिन नंबर, चेसिस नंबर, गाडीचा वापर तुम्ही खाजगी करता की कमर्शियल, हे सगळं खरं खरं लिहा. जर तुम्ही काही लपवलं आणि नंतर कंपनीला कळलं तर तुमचा क्लेम पूर्णपणे रद्द होऊ शकतो.
Ola Uber चालवून मोठी कमाई करायचीय? ‘या’ मायलेज किंग CNG Cars ठरतील सर्वोत्तम पर्याय
त्यासोबतच फक्त बेसिक विमा घेऊ नका. झिरो डेप, इंजिन प्रोटेक्शन, रोडसाईड असिस्टन्स सारखे ॲड-ऑन घ्या. थोडे जास्त पैसे लागतील पण गरजेच्या वेळी हेच वाचवतील.लक्षात ठेवा, योग्य माहिती घेऊन काढलेला विमाच खऱ्या अडचणीत तुमची ढाल बनतो.
.png "Videos"){kind=small}
