ड्रायव्हिंग लायसन्स ‘या’ तारखेपर्यंत स्मार्ट कार्डमध्ये रूपांतरीत करा, अन्यथा..

तुम्ही सुद्धा ड्रायव्हींग लायसन्ससाठी अर्ज केला असेल किंवा तुमच्याकडे लायसन्स आहे परंतु ते स्मार्ट कार्ड स्वरूपात नसेल तर हि बातमी तुमच्यासाठीच आहे. मुंबईतील ताडदेव प्रादेशिक परिवहन कार्यालयाकडून एक महत्वाची सूचना जारी करण्यात आली आहे.

जर तुमच्याकडे सुद्धा नुकतेच ड्रायव्हींग लायसन्स आले असेल तर लवकरात लवकर त्याचे स्मार्ट कार्डमध्ये रूपांतर करून घ्या. कारण मुंबईतील ताडदेव प्रादेशिक परिवहन कार्यालयाकडून हे आवाहन करण्यात आले आहे. ताडदेव प्रादेशिक परिवहन कार्यालयामार्फत ड्रायव्हींग लायसन्सचे स्मार्ट कार्डमध्ये रूपांतर करण्याची मोहीम हाती घेण्यात आली आहे.

ज्या वाहन चालकांनी मानवी स्वरूपात अनुज्ञप्ती प्राप्त केली आहे, अशा वाहन चालकांनी १५ सप्टेंबर २०२४ पर्यंत अनुज्ञप्तीचे (ड्रायव्हींग लायसन्स) संगणक प्रणालीद्वारे स्मार्ट कार्डमध्ये रूपांतर करण्याचे आवाहन प्रादेशिक परिवहन अधिकारी भरत कळसकर यांनी केले आहे.

१५ सप्टेंबर नंतर मानवी स्वरूपातील अभिलेखाचे स्मार्ट कार्डमध्ये रूपांतरण केले जाणार नाही याची अनुज्ञप्ती धारकांनी नोंद घ्यावी. मुंबई (मध्य) ताडदेव येथील प्रादेशिक परिवहन कार्यालयाच्या (आरटीओ) परिसरात कार्यालयीन इमारतीचे बांधकाम, आय ॲण्ड सी सेंटर, वाहन चालक प्रशिक्षण केंद्राचे बांधकाम होणार आहे.

या कार्यालयाकडून नोव्हेंबर २००६ पूर्वी जारी करण्यात आलेल्या सर्व अनुज्ञप्ती धारकांना अनुज्ञप्ती मानवी स्वरूपातच आहे. अशा अनुज्ञप्ती धारकांनी १५ सप्टेंबर २०२४ पर्यंत या कार्यालयामध्ये येऊन आपले अनुज्ञप्तीचे संगणक प्रणालीमध्ये बॅकलॉग करून घ्यावे. व मानवी स्वरूपातील अभिलेखाचे स्माट कार्डमध्ये रूपांतरण करण्याची प्रक्रिया पूर्ण करावी.