GST कमी झाल्यानंतर Force Motors चे ‘हे’ मॉडेल झाले स्वस्त, किती असेल किंमत?

केंद्र सरकारने जीएसटी कमी केल्याने ऑटो क्षेत्रात आणि वाहन खरेदीदारांमध्ये आनंदाचे वातावरण निर्माण झाले आहे. Force Motors चे अनेक मॉडेल देखील स्वस्त झाले आहेत.

वाहन खरेदी करताना अनेकांना टॅक्स म्हणून GST द्यावा लागतो. हाच जीएसटी कमी करावा अशी मागणी सर्वसामान्य नागरिकांकडून केली जात होती. अखेर 15 ऑगस्टला पंतप्रधान नरेंद्र मोदी यांनी आपल्या भाषणात जीएसटीत सुधारणा करणार अशी घोषणा केली आणि काहीच दिवसात नवीन जीएसटी दरांची घोषणा करण्यात आली. या जीएसटीतील नवीन दरांमुळे अनेक वाहनांच्या किमती कमी झाल्या आहेत.

Force Motors ने घोषणा केली आहे की ते जीएसटी दरांमध्ये कपातीचा संपूर्ण फायदा त्यांच्या ग्राहकांना देईल. सरकारने जीएसटी दर 28% वरून 18% पर्यंत कमी केले आहेत, ज्यामुळे फोर्स मोटर्सच्या अनेक वाहनांवर थेट परिणाम झाला आहे. Traveller, Trax, Monobus, Urbania आणि Gurkha सारख्या कंपनीच्या लोकप्रिय मॉडेल्स आता पूर्वीपेक्षा अधिक परवडणाऱ्या किमतीत येणार आहेत.

Hyundai Creta Electric चा ‘हा’ व्हेरिएंट क्षणार्धात होईल तुमचा, फक्त इतकाच असेल EMI?

फोर्स ट्रॅव्हलर (Force Traveller)

फोर्स ट्रॅव्हलर रेंजमध्ये स्कूल बस, रुग्णवाहिका, प्रवासी आणि मालवाहू डिलिव्हरी व्हॅनचा समावेश आहे. या विभागात कंपनीचा मार्केट शेअर 65% पेक्षा जास्त आहे. आता जीएसटी कपातीनंतर, त्याच्या किमती ₹1.18 लाखांवरून ₹4.52 लाखांवर आल्या आहेत.

फोर्स ट्रॅक्स (Force Trax)

ट्रॅक्स रेंजमध्ये Cruiser, Toofan आणि Cityline अशी मॉडेल्स समाविष्ट आहेत. ही वाहने त्यांच्या मजबूत बॉडीसाठी आणि खडतर रस्त्यावर सहज धावण्याच्या क्षमतेसाठी ओळखली जातात. आता Trax मॉडेल्स 2.54 लाख ते 3.21 लाखांनी स्वस्त उपलब्ध होणार आहेत.

फोर्स मोनोबस (Force Monobus)

मोनोबस ही भारतातील पहिली 33/41-seater Monocoque Bus आहे, जी पारंपारिक बस मॉडेल्सपेक्षा जवळपास 1,000 kg हलकी आहे. यात 2.6-litre Mercedes-based engine दिले आहे, जे 114 HP power आणि 350 Nm टॉर्क निर्माण करते. आता या मॉडेलची किंमत 2.25 लाख ते 2.66 लाखांनी कमी करण्यात आली आहे.

‘या’ नवीन सेफ्टी टेक्नॉलॉजीसह Nexon EV झाली लाँच, आता मिळणार सुरक्षिततेची जास्त हमी

फोर्स अर्बनिया (Force Urbania)

अर्बनिया 10, 13 आणि 16-सीटर पर्यायांमध्ये उपलब्ध आहे. यात Triple AC, Reclining Seats, Panoramic Windows, USB charging ports यांसारखी तब्बल 25 segment-first features देण्यात आले आहेत. जीएसटी दरकपातीनंतर आता या मॉडेलच्या किंमतीत मोठी घट झाली असून ती 2.47 लाख ते 6.81 लाखांनी कमी झाली आहे.

फोर्स गुरखा (Force Gurkha)

गुरखा ही ऑफ-रोडिंग करणाऱ्या लोकांची आवडती एसयूव्ही आहे, जी आता स्वस्त झाली आहे. यात 2.6-लिटर इंजिन आहे जे 140 पीएस आणि 320 एनएम टॉर्क निर्माण करते. एसयूव्हीमध्ये 4X4 इलेक्ट्रॉनिक शिफ्ट, 233 मिमी ग्राउंड क्लिअरन्स आणि 700 मिमी वॉटर वेडिंग क्षमता अशी फीचर्स आहेत. आता या एसयूव्हीची किंमत 92,900 रुपयांवरून 1.25 लाख रुपयांपर्यंत कमी झाली आहे.