फोटो सौजन्य सोशल मिडिया
सप्टेंबर २०२५ मध्ये लाँच झालेली डेस्टिनी ११० आरामदायीपणा, सोईस्करता आणि इंधन कार्यक्षमतेवर भर देत भारतातील कुटुंबांच्या दैनंदिन प्रवासाच्या गरजा पूर्ण करते. क्लासिक एडिशन या प्रस्थापित वैशिष्ट्यांना पुढे नेत अद्वितीय निओ-रेट्रो डिझाइनसह सध्याच्या श्रेणीमध्ये नवीन आकर्षक पर्यायाची भर करते.
या लाँचबाबत मत व्यक्त करत हिरो मोटोकॉर्पच्या इंडिया बिझनेस युनिटचे चीफ बिझनेस ऑफिसर आशुतोष वर्मा म्हणाले, “डेस्टिनी ११० फॅमिली स्कूटर ग्राहकांच्या दैनंदिन गरजा लक्षात घेऊन डिझाइन करण्यात आली आहे, ज्यामध्ये आरामदायीपणा, सोईस्करता आणि इंधन कार्यक्षमता केंद्रस्थानी आहेत. ग्राहकांच्या पसंतीतील बदल लक्षात घेता क्लासिक एडिशनने आपल्या उपयुक्त वैशिष्ट्यांना कायम ठेवत नवीन ड्युअल-टोन रंग आणि वैशिष्ट्यपूर्ण डिझाइनच्या माध्यमातून डेस्टिनी ११० च्या पोर्टफोलिओमध्ये नवीन लूक आणला आहे. ही नवीन एडिशन आम्हाला या मॉडेलच्या प्रस्थापित ताकदीचा विस्तार करण्यास आणि डेस्टिनी ब्रँडला अधिक दृढ करण्यास मदत करेल.”
डेस्टिनी ११० क्लासिक एडिशन दोन नवीन ड्युअल-टोन रंगांच्या संयोजनात उपलब्ध आहे: ब्राऊन इनर पॅनेल्ससह मॅट गोल्डफिश सिल्व्हर/लाईट इंडस्ट्रियल ग्रे आणि ब्लॅक इनर पॅनेल्ससह मॅट एरिस ब्राऊन. फ्रंट हँडल कव्हर आणि बाजूच्या पॅनेल्सवरील नवीन स्ट्राइप्स, रंगीत आरसे (मिरर्स), रंगसंगती जुळणारी सीट व आतील पॅनेल्स, विशेष ३डी क्लासिक एडिशन बॅज आणि ब्रँडेड रिम टेप या स्पेशल एडिशनला अधिक आकर्षक बनवतात.
डेस्टिनी ११० च्या दैनंदिन उपयुक्ततेला प्राधान्य देण्याचे वैशिष्ट्य कायम राखत क्लासिक एडिशनमध्ये ७८५ मिमी लांबीची सीट देण्यात आली आहे, जी या विभागातील सर्वात लांब सीट असल्याचा उल्लेख वैशिष्ट्यांमध्ये करण्यात आला आहे. तसेच या स्कूटरमध्ये प्रशस्त लेगरूमही मिळते. पुढील आणि मागील १२-इंच व्हील्स आणि अधिक रुंद १००/८०-१२ रिअर टायर या स्कूटरच्या दैनंदिन रायडिंग क्षमतेला अधिक पूरक ठरतात. या स्कूटरमध्ये १९ लिटर अंडर-सीट स्टोरेज, मोबाईल चार्जिंग सुविधेसह फ्रंट स्टोरेज कम्पार्टमेंट आणि बूट लॅम्प यांसारख्या व्यावहारिक वैशिष्ट्यांचा समावेश आहे. डिजिटल-अॅनालॉग स्पीडोमीटर, अलॉय व्हील्स आणि क्रोम डिटेलिंग या स्कूटरचे एकूण पॅकेज अधिक आकर्षक बनवतात.
डेस्टिनी ११० क्लासिक एडिशनमध्ये ११० सीसी रिफाइन्ड इंजिन देण्यात आले आहे, तसेच हिरो मोटोकॉर्पच्या आय३एस (i3S) तंत्रज्ञानाच्या साहाय्याने स्कूटरची इंधन कार्यक्षमता कायम राखण्यात आली आहे. या स्कूटरमध्ये एलईडी प्रोजेक्टर हेडलॅम्प, एलईडी टेल लॅम्प आणि पोझिशन लॅम्प देखील देण्यात आले आहे, तसेच आधुनिक लाइटिंग वैशिष्ट्यांची निओ-रेट्रो डिझाइनशी उत्तम सांगड घातली आहे.
डेस्टिनी ११० क्लासिक एडिशन दोन नवीन ड्युअल-टोन रंग पर्यायांमध्ये उपलब्ध आहे: ब्राऊन इनर पॅनेल्ससह मॅट गोल्डफिश सिल्व्हर/लाईट इंडस्ट्रियल ग्रे, आणि ब्लॅक इनर पॅनेल्ससह मॅट एरिस ब्राऊन. या स्पेशल एडिशनची किंमत ७६,४०० रुपये (एक्स-शोरूम, दिल्ली) आहे आणि ही स्कूटर सर्व हिरो डिलरशिप्सवर उपलब्ध आहे.
.png "Videos"){kind=small}
