हिरो डेस्टिनी 110 क्लासिक एडिशन लाँच; नवीन ड्युअल-टोन रंगांसह किंमत फक्त 76,400 रुपये!

हिरो डेस्टिनी 110 ला मिळाला नवा क्लासिक अवतार! 76,400 रुपयांच्या या स्कूटरमध्ये दोन नवीन ड्युअल-टोन रंग, रेट्रो लूक आणि खास कॉस्मेटिक अपडेट्स मिळतात. पण इंजिनमध्ये कोणताही बदल करण्यात आलेला नाही.

• हिरो डेस्टिनी 110 क्लासिक एडिशन भारतात 76,400 रुपये एक्स-शोरूम किंमतीत लाँच करण्यात आली आहे.
• नवीन एडिशनमध्ये दोन ड्युअल-टोन रंग, 3D बॅज आणि खास ग्राफिक्स देण्यात आले आहेत.
•  110cc इंजिनसह 8.5 PS पॉवर, 8.7 Nm टॉर्क आणि 19 लिटर स्टोरेज मिळते.

सणासुदीचा काळ लक्षात घेऊन हिरो मोटोकॉर्पने आपल्या लोकप्रिय फॅमिली स्कूटर डेस्टिनी 110 चे नवीन क्लासिक एडिशन भारतीय मार्केटमध्ये  लाँच केले आहे. या नवीन एडिशनमध्ये निओ-रेट्रो स्टाइलिंगचा टच देण्यात आला असून, दोन नवीन ड्युअल-टोन कलर ऑप्शन, फ्रेश ग्राफिक्स आणि खास कॉस्मेटिक अपडेट्स मिळतात. या स्कूटरची एक्स-शोरूम दिल्ली किंमत 76,400 रुपये ठेवण्यात आली आहे. कंपनीच्या डीलरशिपवर ही स्कूटर अव्हेलेबल आहे.

नवीन हिरो डेस्टिनी 110 क्लासिक एडिशनमध्ये मॅट गोल्डफिश सिल्व्हर विथ लाइट इंडस्ट्रियल ग्रे आणि मॅट एरिस ब्राउन असे दोन रंग मिळतात. पहिल्या रंगासोबत ब्राउन इनर पॅनल्स देण्यात आले आहेत, तर दुसऱ्या रंगात ब्लॅक इनर पॅनल्स मिळतात. याशिवाय फ्रंट हँडल कव्हर आणि साइड पॅनल्सवर नवीन स्ट्राइप्स, रंगाशी जुळणारे मिरर, सीट आणि इनर पॅनल्स देण्यात आले आहेत. क्लासिक एडिशनची वेगळी ओळख निर्माण करण्यासाठी 3D बॅज आणि ब्रँडेड रिम टेपचाही समावेश करण्यात आला आहे. हे सर्व बदल केवळ डिझाइनपुरते असून इंजिन किंवा मेकॅनिकल सेटअपमध्ये कोणताही बदल झालेला नाही.

 10 वर्षांची बॅटरी वॉरंटी आणि सिंगल चार्जमध्ये 159 किमी रेंज! डेली यूजसाठी Ather ची ही इलेक्ट्रिक स्कूटर आहे बेस्ट

इंजिनबद्दल बोलायचे झाल्यास, या स्कूटरमध्ये पूर्वीप्रमाणेच 110cc इंजिन मिळते. हे इंजिन 8.5 PS पॉवर आणि 8.7 Nm टॉर्क जनरेट करते. यासोबत हिरोचे i3S टेक्नोलॉजी देण्यात आले आहे. स्कूटर काही वेळ थांबलेली असताना हे सिस्टम इंजिन आपोआप बंद करते आणि थ्रॉटल दिल्यानंतर पुन्हा सुरू करते. त्यामुळे ट्रॅफिकमध्ये अनावश्यक इंधन वापर कमी करण्यास मदत होते. यामध्ये LED प्रोजेक्टर हेडलॅम्प, LED टेललॅम्प, पोझिशन लॅम्प, डिजिटल-अ‍ॅनालॉग स्पीडोमीटर आणि अलॉय व्हील्स मिळतात.

कुटुंबासाठी स्कूटर खरेदी करणाऱ्यांच्या सोयीसाठी यात 785mm लांबीची सीट देण्यात आली आहे. कंपनीच्या दाव्यानुसार, ही आपल्या सेगमेंटमधील सर्वात लांब सीट आहे. पुढील आणि मागील दोन्ही बाजूंना 12-इंच व्हील्स असून मागच्या बाजूला 100/80-12 टायर मिळतो. सामान ठेवण्यासाठी 19 लिटरची अंडर-सीट स्टोरेज स्पेस, फ्रंट स्टोरेज कंपार्टमेंट, मोबाईल चार्जिंग सुविधा आणि बूट लॅम्प देण्यात आला आहे.

भारतीय मार्केटमध्ये या स्कूटरची स्पर्धा होंडा अ‍ॅक्टिव्हा 110 आणि टीव्हीएस ज्युपिटर 110 यांच्याशी होईल. तसेच सुजुकी अ‍ॅक्सेस 125 हा देखील खरेदीदारांसाठी ऑप्शन आहे. नवीन रंगसंगती आणि क्लासिक लूकमुळे डेस्टिनी 110 आता फॅमिली स्कूटर सेगमेंटमध्ये स्वतःची वेगळी ओळख निर्माण करण्याचा प्रयत्न करत आहे.

फुल चार्जमध्ये 320 किमी रेंज! 34 लिटर बूट स्पेससह ओला S1 X Plus ठरतो डेली यूजसाठी खास

💡 Frequently Asked Questions

प्रश्न 1: हिरो डेस्टिनी 110 क्लासिक एडिशनची किंमत किती आहे?

उत्तर: हिरो डेस्टिनी 110 क्लासिक एडिशनची एक्स-शोरूम दिल्ली किंमत 76,400 रुपये आहे.

प्रश्न 2: नवीन डेस्टिनी 110 क्लासिक एडिशनमध्ये कोणते बदल करण्यात आले आहेत?

उत्तर: या एडिशनमध्ये दोन नवीन ड्युअल-टोन रंग, नवीन ग्राफिक्स, 3D क्लासिक बॅज, ब्रँडेड रिम टेप आणि रंगाशी जुळणारे मिरर व सीट देण्यात आली आहे.

प्रश्न 3: हिरो डेस्टिनी 110 क्लासिक एडिशनमध्ये कोणते इंजिन मिळते?

उत्तर: यात 110cc इंजिन असून ते 8.5 PS पॉवर आणि 8.7 Nm टॉर्क जनरेट करते. यासोबत i3S टेक्नोलॉजी देण्यात आली आहे.