एकदाच फ्युएल टॅंक फुल्ल केल्यास किती किलोमीटर धावेल Hyundai Creta?

जर तुम्ही अशा एसयूव्हीच्या शोधात असाल जी तुम्हाला पॉवर, परफॉर्मन्स आणि मायलेज देईल तर ह्युंदाई क्रेटा तुमच्यासाठी सर्वोत्तम पर्याय ठरू शकते.

भारतीय मार्केटमध्ये वेगवेगळ्या सेगमेंटमध्ये कार्स ऑफर होत असतात. पण यातही एसयूव्ही सेगमेंटमधील कार्सना जास्त मागणी पाहायला मिळते. त्यामुळेच अनेक ऑटो कंपन्या देशात बेस्ट फीचर्ससह दमदार परफॉर्मन्स देणाऱ्या एसयूव्ही लाँच करत असतात.

साऊथ कोरियन वाहन उत्पादक कंपनी ह्युंदाईने भारतात दमदार कार्स सादर केल्या आहेत. यातीलच एक पॉवरफुल आणि लोकप्रिय कार म्हणजे ह्युंदाई क्रेटा.

Mahindra च्या 2 इलेक्ट्रिक एसयूव्हीवर तुटून पडले लोकं, 6 महिन्यांवर पोहोचला वेटिंग पिरियड

ह्युंदाई क्रेटा ही सध्या भारतात सर्वाधिक विक्री होणारी कॉम्पॅक्ट SUV ठरली आहे. मार्च 2025 मध्येच क्रेटाच्या 18,000 हून अधिक युनिट्सची विक्री झाली, ज्यातून तिच्या जबरदस्त लोकप्रियतेची प्रचिती येते. विशेषतः या कारचे डिझेल व्हर्जन एकदा फुल टँक भरल्यानंतर तब्बल 1,000 किमीहून अधिक अंतर पार करू शकते, त्यामुळे लाँग ड्राईव्हसाठी ही SUV आदर्श ठरते. मात्र, खरेदीपूर्वी या कारचे मायलेज जाणून घेणे महत्वाचे आहे.

इंजिनचे विविध पर्याय

ह्युंदाई क्रेटा तीन वेगवेगळ्या इंजिन पर्यायांमध्ये उपलब्ध आहे:

• 1.5-लिटर टर्बो पेट्रोल: 160PS पॉवर आणि 253Nm टॉर्क निर्माण करणारे इंजिन.
• 1.5-लिटर नैसर्गिक एस्पिरेटेड पेट्रोल: 115PS पॉवर आणि 144Nm टॉर्कसह.
• 1.5-लिटर टर्बो डिझेल: 114BHP पॉवर आणि 250Nm टॉर्क देणारे इंजिन.

या सर्व इंजिन पर्यायांसोबत 6-स्पीड मॅन्युअल, CVT (कंटिन्युअली व्हेरिएबल ट्रान्समिशन) आणि 7-स्पीड DCT (ड्युअल क्लच ट्रान्समिशन) अशा विविध गिअरबॉक्स ऑप्शन्स दिले गेले आहेत.

अरे बापरे ! Kia ला समजण्याच्या आतच ‘या’ प्लांटमधून 900 इंजिनची चोरी, आता पोलिसांकडून चोरट्यांचा शोध

मायलेज आणि टँक रेंज

ह्युंदाई क्रेटामध्ये 50 लिटरची फ्युएल टॅंक आहे. या कारचा मायलेज खालीलप्रमाणे आहे:

• डिझेल मॅन्युअल – 21.8 km/l (पूर्ण टँकमध्ये 1090 किमी अंतर पार करेल )
• डिझेल ऑटोमॅटिक – 19.1 km/l (रेंज 955 किमी)
• पेट्रोल मॅन्युअल – 18.4 km/l (रेंज 920 किमी)
• पेट्रोल ऑटोमॅटिक (CVT/DCT) – 17.4 km/l (रेंज 870 किमी)

लक्षात घ्या, खरे मायलेज मात्र चालकाच्या ड्रायव्हिंग स्टाइल, ट्रॅफिक आणि रस्त्यांच्या स्थितीवर अवलंबून असते.

किंमत आणि फीचर्स

ह्युंदाई क्रेटाची एक्स-शोरूम किंमत ₹11.11 लाखांपासून सुरू होऊन ₹20.50 लाखांपर्यंत जाते. ही किंमत तुमच्या जवळील शोरुमनुसार बदलू देखील शकते. कंपनीने ही SUV एकूण 54 वेगवेगळ्या ट्रिम्स आणि व्हेरियंट्समध्ये उपलब्ध करून दिली आहे.

फीचर्स

• 10.25-इंच डिजिटल ड्रायव्हर डिस्प्ले
• ड्युअल-झोन क्लायमेट कंट्रोल एसी
• वायरलेस फोन चार्जिंग
• व्हेंटिलेटेड फ्रंट सीट्स
• सनरूफ
• 8-स्पीकर प्रीमियम साउंड सिस्टम

प्रवाशांच्या सुरक्षिततेसाठी 6 एअरबॅग्ज, TPMS, ISOFIX चाइल्ड सीट अँकरेज, ESC अशा प्रगत सेफ्टी फीचर्स दिले आहेत.