Hyundai कारवर सप्टेंबरमध्ये बंपर ऑफर! तब्बल १ लाख रुपयांपर्यंत मिळणार डिस्काउंट

ह्युंदाईने सप्टेंबर 2026 मध्ये आपल्या कार्सवर कॅश डिस्काउंट, एक्सचेंज, स्क्रॅपेज आणि अपग्रेड बोनसच्या स्वरूपात आकर्षक फायदे जाहीर केले आहेत. मात्र, ऑफरचा लाभ व्हेरिएंट, इंधन प्रकार आणि ग्राहकाच्या पात्रतेनुसार बदलू शकतो.

• ह्युंदाई क्रेटावर सप्टेंबरमध्ये विविध ऑफर्स मिळून ग्राहकांना 1 लाख रुपयांपर्यंत बचतीची संधी आहे.
• अल्काझार, ग्रँड i10 निओस आणि इतर मॉडेल्सवरही कॅश डिस्काउंटसह एक्सचेंज आणि स्क्रॅपेज फायदे उपलब्ध आहेत.
• ऑफरची अंतिम रक्कम व्हेरिएंट, इंधन प्रकार, एक्सचेंज नुसार बदलू शकते.

सणासुदीच्या काळात नवीन कार घेण्याचा विचार करणाऱ्या ग्राहकांसाठी ह्युंदाई मोटर इंडियाने सप्टेंबरच्या महिन्यात भारी आकर्षक ऑफर्स जाहीर केल्या आहेत. कंपनीच्या विविध मॉडेल्सवर रोख सवलती, एक्सचेंज किंवा स्क्रॅपेज बेनिफिट, अपग्रेड बोनस आणि काही ग्राहकांसाठी अतिरिक्त फायदे दिले जात आहेत. यामध्ये सर्वाधिक फायदा ह्युंदाई क्रेटा आणि क्रेटा N Line वर मिळू शकतो.

कोणत्या कारवर मिळणारकिती फायदा?

ह्युंदाई क्रेटा – प्रसिद्ध ह्युंदाई क्रेटावर पेट्रोल व्हेरिएंटनुसार 30,000 रुपयांपर्यंत रोख सवलत उपलब्ध केली आहे. यासोबत 50,000 रुपयांपर्यंत स्क्रॅपेज किंवा 30,000 रुपयांपर्यंत एक्सचेंज बेनिफिट, 15,000 रुपयांपर्यंत अपग्रेड बोनस आणि 5,000 रुपयांचा ग्रामीण ग्राहकांसाठी अतिरिक्त फायदा मिळू शकतो. त्यामुळे क्रेटावर एकूण लाभ 1 लाख रुपयांपर्यंत पोहोचतो.

Hyundai August Sales: ह्युंदाईच्या विक्रीत मोठी वाढ; ऑगस्ट महिन्यात विकले ५४,००० हून अधिक युनिट्स

ह्युंदाई अल्काझार – ह्युंदाई अल्काझारवरही ग्राहकांना चांगली बचत करता येणार आहे. पेट्रोल मॉडेलवर 40,000 रुपयांपर्यंत रोख सवलत, तर डिझेलवर 10,000 रुपयांपर्यंत कॅश बेनिफिट मिळत आहे. याशिवाय निवडीनुसार एक्सचेंज किंवा स्क्रॅपेज आणि 15,000 रुपयांपर्यंत अपग्रेड बोनस उपलब्ध आहे.

ह्युंदाई ग्रँड – ह्युंदाई ग्रँड i10 Nios वर 30,000 रुपयांपर्यंत, ऑरा वर 20,000 रुपयांपर्यंत आणि i20 व i20 N Line वर 20,000 रुपयांपर्यंत रोख सवलत मिळू शकते. एक्स्टरवरही निवडक व्हेरिएंट्समध्ये 20,000 रुपयांची कॅश ऑफर आहे.

सहा आठवड्यांत ६० हजार गाड्यांची बुकिंग! ‘न्यू मारुती ब्रेझा’ची मार्केटमध्ये धमाकेदार एन्ट्री!

ह्युंदाई व्हर्ना – मिडल साईझच्या सेडान सेगमेंटमधील ह्युंदाई व्हर्नावर 30,000 रुपयांपर्यंत रोख सवलत असून, अतिरिक्त स्क्रॅपेज किंवा एक्सचेंज बेनिफिट आणि 10,000 रुपयांचा कॉर्पोरेट डिस्काउंट मिळू शकतो. क्रेटा इलेक्ट्रिकवर 15,000 रुपयांची रोख सवलत आणि इतर फायदे मिळून एकूण बचत 50,000 रुपयांपर्यंत जाऊ शकते.

व्हेन्यू – व्हेन्यू N Line वर 5,000 रुपयांचा स्क्रॅपेज बोनस उपलब्ध आहे. पण, या ऑफर्स प्रत्येक कस्टमर्सला किंवा प्रत्येक व्हेरिएंटला समान असतीलच असे नाही. एक्सचेंज, स्क्रॅपेज, फ्युल प्रकार आणि कस्टमरच्या पात्रतेनुसार अंतिम फायदा बदलू शकतो. त्यामुळे बुकिंग करण्यापूर्वी जवळच्या ह्युंदाई डीलरकडे ऑफरची योग्य माहिती तपासणे महत्त्वाचे आहे.