Jawa All Stars 42 Bobber Launched: जावा ऑल स्टार्स ४२ बॉबर मार्केटमध्ये लाँच!  किंमत २.०८ लाख रुपयांपासून सुरु

जावाची खास ‘ऑल स्टार्स ४२ बॉबर’ भारतीय बाजारात दाखल झाली आहे. २.०८ लाख रुपयांपासून सुरू होणाऱ्या या बाईकला चेस-थीमवर आधारित डिझाइन, खास रंग आणि दमदार ३३४ सीसी इंजिन मिळते. मात्र, या स्पेशल एडिशनच्या वाढलेल्या किमतीमागे नेमके काय खास आहे?

• आनंद महिंद्रा यांच्या हस्ते नवीन जावा ‘ऑल स्टार्स ४२ बॉबर’ बाईक भारतात २,०८,९४२ रुपयांत लाँच करण्यात आली.
• यात बुद्धीबळ संकल्पनेवर आधारित स्पोर्टी डिझाइन, नवीन सिल्व्हर नाइट रंग आणि विशेष ‘ऑल स्टार्स’ लोगो मिळतो.
• या बाईकमध्ये ३३४ सीसी लिक्विड-कूल्ड इंजिन, ६-स्पीड गिअरबॉक्स आणि ड्युअल-चॅनेल ABS सुरक्षा सिस्टीम देण्यात आली आहे.

जावा मोटरसायकलने बंगळुरू येथे आयोजित ‘ग्लोबल चेस लीग २०२६’ दरम्यान आपली नवीन स्पेशल एडिशन ‘ऑल स्टार्स ४२ बॉबर’ ऑफीशली लाँच केली आहे. महिंद्रा ग्रुपचे अध्यक्ष आनंद महिंद्रा यांच्या हस्ते या बाईकचे अनावरण करण्यात आले. ही बाईक ब्रँडच्या ‘ऑल स्टार्स’ चॅप्टरअंतर्गत येणारी दुसरी मोटरसायकल ठरली आहे. दिल्लीमध्ये या बाईकची सुरुवातीची एक्स-शोरूम किंमत २,०८,९४२ रुपये ठेवण्यात आली असून, ती भारतातील सर्व जावा येझदी डीलरशिपवर विक्रीसाठी उपलब्ध असेल.

स्ट्रक्चर आणि डिझाइनमधील बदल

नवीन ऑल स्टार्स ४२ बॉबरचा मूळ ‘फॅक्टरी-कस्टम’ लुक कायम ठेवण्यात आला आहे, परंतु बुद्धीबळाच्या थीमवर आधारित काही खास स्टायलिंग फीचर्स जोडण्यात आले आहेत. यामध्ये फ्लोटिंग सिंगल-सीट लेआउट, कॅन्टिलीव्हर रिअर सेक्शन आणि लो-स्लंग फिनिश पाहायला मिळते. या स्पेशल एडिशनमध्ये ‘चेकर्ड’ (चेस-बोर्ड सारखी) ग्राफिक्स, विशेष ‘ऑल स्टार्स’ लोगो आणि बुद्धीबळ व बायकिंगच्या थीमवर आधारित नवीन ‘सिल्व्हर नाइट’ रंग सादर करण्यात आला आहे.

याशिवाय ही कार ब्लॅक मिरर, शॅडो ब्लॅक, जॅस्पर रेड आणि मिस्टिक कॉपर अशा इतर आकर्षक रंगांमध्ये उपलब्ध असेल, ज्यापैकी शॅडो ब्लॅक व्हेरियंटला मॅट-ब्लॅक फिनिश देण्यात आले आहे. ४२ बॉबरने तिच्या उत्कृष्ट डिझाइन आणि रोड प्रेझेंससाठी २०२६ मध्ये ‘स्टाईल आयकॉन ऑफ द इयर’चा पुरस्कारही पटकावला आहे.

Maruti Suzuki New Baleno Launched: सुझुकीची नवी बलेनो ६.०९ लाखांमध्ये लाँच; पाहा फीचर्स आणि बरंच काही

व्हेरियंटनुसार एक्स-शोरूम किमती (नवी दिल्ली):

• All Stars Mystic Copper: ₹ २,०८,९४२
• All Stars Jasper Red: ₹ २,१५,९४२
• All Stars Shadow Black: ₹ २,१७,९४२
• All Stars Black Mirror: ₹ २,१९,९४२
• All Stars Silver Knight: (किंमत लवकरच जाहीर होईल)

इंजिन आणि परफॉर्मन्स

या बाईकच्या मेकॅनिकल भागात कोणताही बदल करण्यात आलेला नाही. यात तोच ३३४ सीसी चा सिंगल-सिलेंडर, फोर-स्ट्रोक, लिक्विड-कूल्ड DOHC पेट्रोल इंजिन देण्यात आला आहे. हे इंजिन ७,५०० आरपीएमवर २९.९ पीएस ची कमाल पॉवर आणि ५,५०० आरपीएमवर ३०.०१ एनएम चा पीक टॉर्क जनरेट करते. यात इलेक्ट्रॉनिक फ्युएल इंजेक्शन सिस्टीम आणि ६-स्पीड गिअरबॉक्स देण्यात आला आहे. या बाईकचे वजन १७७ किलो असून, यात १२.५ लिटरची इंधन टाकी आणि ड्युअल एक्झॉस्ट (दोन सायलेंसर) मिळतात.

सस्पेंशन आणि ब्रेकिंग सिस्टीम

• फ्रेम व सस्पेंशन: डबल-क्रॅडल फ्रेमवर आधारित या बाईकमध्ये पुढे ३५ मिमी टेलिस्कोपिक फॉर्क्स आणि मागे ७-स्टेप प्रीलोड अॅडजस्टमेंटसह गॅस-फिल्ड मोनोशॉक सस्पेंशन दिले आहे.
• ब्रेक्स: सुरक्षिततेसाठी पुढे २८० मिमी डिस्क आणि मागे २४० मिमी डिस्क ब्रेकसह ड्युअल-चॅनेल ABS देण्यात आला आहे.
• टायर्स व परिमाणे: यात १८-इंच फ्रंट आणि १७-इंच रिअर टायर्स आहेत. बाईकचा व्हीलबेस १,४८५ मिमी, सीटची उंची ७४० मिमी आणि ग्राउंड क्लिअरन्स १४५ मिमी आहे.

भारतात येणार KTMच्या ३ दमदार ट्विन-सिलेंडर बाईक्स! पाहा कोणत्या आहेत आगामी मोटरसायकल्स

विशेष ऑनरशिप प्रोग्राम

कंपनी या ऑल स्टार्स ४२ बॉबरसोबत ‘ओनरशिप अॅश्युरन्स प्रोग्राम’ देत आहे. याअंतर्गत ४ वर्षे किंवा ५०,००० किमीची स्टँडर्ड वॉरंटी, ६ वर्षांपर्यंत एक्सटेंडेड वॉरंटीचा पर्याय, ८ वर्षांपर्यंत रोडसाइड असिस्टन्स आणि ५ वर्षांपर्यंत AMC कव्हरेज दिले जात आहे. सध्या भारतात जावा येझदीचे ४५० हून अधिक सेल्स आणि सर्व्हिस नेटवर्क उपलब्ध आहेत.