भारतीय बाजारात इलेक्ट्रिक कारचा बोलबाला; मात्र ‘या’ कारकडे ग्राहकांनी ढुंकूनही पहिले नाही

भारतीय बाजारात इलेक्ट्रिक कार्सना चांगली मागणी मिळताना दिसत आहे. पण असे जरी असले तरी एका इलेक्ट्रिक कारची विक्री पूर्णपणे ढासळली आहे.

भारतीय मार्केटमध्ये आता इलेक्ट्रिक कार्सना मिळणारी मागणी वाढताना दिसत आहे. हीच वाढती मागणी पाहून आता अनेक ऑटो कंपन्या भारतात दमदार फीचर्स असणाऱ्या इलेक्ट्रिक कार्स लाँच करत आहे. ग्राहक देखील या कार्सना भरभरून प्रतिसाद देत आहे. मात्र अनेकदा या EV ची किंमत जास्त असल्यामुळे अनेक जण ही वाहनं खरेदी करणे टाळतात. आज आपण अशाच एका इलेक्ट्रिक कारबद्दल जाणून घेणार आहोत, ज्यात दमदार फीचर्स जरी असले तरी ग्राहकांनी या कारकडे पाठ फिरवली आहे.

किया इंडियाने गेल्या वर्षी ऑक्टोबर 2024 मध्ये त्यांची नवीन EV9 इलेक्ट्रिक SUV लाँच केली होती. या एसयूव्हीची एक्स-शोरूम किंमत 1.3 कोटी रुपये निश्चित करण्यात आली होती. ही कार फक्त पूर्णपणे लोड केलेल्या GT-Line व्हेरियंटमध्ये लाँच केले गेले आहे. EV9 ही कार CBU मार्गाने भारतात आणली जात आहे. या प्रीमियम इलेक्ट्रिक कारची विक्री गेल्या महिन्यापासून सुरू झाली. परंतु, मार्चमध्ये या कारला फक्त 18 ग्राहकांनी खरेदी केले होते. या कारच्या कमी विक्रीचे एक कारण म्हणजे ती कंपनीच्या पोर्टफोलिओमधील सर्वात प्रीमियम कार आहे. कंपनीने या कारला EV6 च्या वर देखील ठेवले आहे. पूर्ण चार्ज केल्यावर या कारची ARAI-प्रमाणित रेंज 561 किमी आहे.

कशी नशिबाने थट्टा मांडली ! भारतात ‘या’ SUV कडे ग्राहक ढुंकूनही पाहे ना, फेब्रुवारीत फक्त एका ग्राहकाकडून खरेदी

किया EV9 फीचर्स आणि स्पेसिफिकेशन्स

इंडिया-स्पेक EV9 मध्ये 99.8kWh बॅटरी पॅक आहे जो ऑल-व्हील ड्राइव्ह कॉन्फिगरेशनसाठी ड्युअल इलेक्ट्रिक मोटर्सना पॉवर देतो. दोन्ही इलेक्ट्रिक मोटर्स एकत्रितपणे 384 एचपी पॉवर आणि 700 एनएम पीक टॉर्क निर्माण करतात, ज्यामुळे एसयूव्ही 5.3 सेकंदात 0-100kph किमी प्रतितास वेगाने धावू शकते. ही कार एकदा पूर्ण चार्ज केल्यावर 561 किमीची रेंज देते. 350 किलोवॅट डीसी फास्ट चार्जरने बॅटरी 24 मिनिटांत 10 ते 80 टक्के चार्ज करता येते.

EV9 मध्ये स्टॅंडर्ड म्हणून 6-सीटर लेआउट आहे. दुसऱ्या रांगेत कॅप्टन सीट्स देण्यात आल्या आहेत, ज्यामध्ये इलेक्ट्रिक अ‍ॅडजस्टमेंट, मसाज फंक्शन आणि अ‍ॅडजस्टेबल लेग सपोर्ट सारखे फीचर्स आहेत. इतर फीचर्समध्ये 12.3-इंचाचा टचस्क्रीन, त्याचे आकाराचे इन्स्ट्रुमेंट क्लस्टर, तीन-झोन क्लायमेट कंट्रोल, ड्युअल इलेक्ट्रिक सनरूफ, हेड-अप डिस्प्ले, डिजिटल इनसाइड रियर-व्ह्यू मिरर, वाहन-टू-लोड कार्यक्षमता, 14-स्पीकर मेरिडियन ऑडिओ सिस्टम, डिजिटल की, ओटीए अपडेट्स, किया कनेक्ट कनेक्टेड-कार तंत्रज्ञानाचे लेटेस्ट व्हर्जन आणि बरेच काही समाविष्ट आहे.

Volkswagen Tiguan R Line भारतात लाँच, Fortuner, Gloster ला मिळणार जबरदस्त टक्कर

सेफ्टी फीचर्स

प्रवाशांच्या सेफ्टीच्या दृष्टीनेही ही एसयूव्ही उत्तम फीचर्सने सुसज्ज आहे. या ई-एसयूव्हीमध्ये 10 एअरबॅग्ज, ईएससी, डाउनहिल ब्रेक कंट्रोल, व्हेईकल स्टॅबिलिटी मॅनेजमेंट, फ्रंट, रिअर आणि बॅक बाजूस पार्किंग सेन्सर्स, ऑल-व्हील डिस्क ब्रेक, 360-डिग्री कॅमेरा आणि लेव्हल 2 एडीएएस फीचर्स जसे की फॉरवर्ड टक्कर वॉर्निंग आणि अव्हॉइडन्स असिस्ट, लेन डिपार्चर वॉर्निंग, अ‍ॅडॉप्टिव्ह क्रूझ कंट्रोल, हाय बीम असिस्ट, लेन कीप असिस्ट आहेत.