भारतात लाँच होणार कियाच्या ५ नवीन गाड्या! हायब्रिड SUV आणि इलेक्ट्रिक कारची होणार एन्ट्री

पेट्रोल-डिझेल कारसोबत आता हायब्रिड आणि इलेक्ट्रिक कारवर कियाचा भर वाढणार आहे. सोनेट हायब्रिडपासून भारतासाठी खास EV पर्यंत, कंपनीच्या नव्या कारची एन्ट्री कस्टमर्सना कोणते नवे ऑप्शन देणार, याकडे ऑटोप्रेमींचे लक्ष आहे.

• किआ सोनेटच्या नवीन जनरेशनमध्ये K1 प्लॅटफॉर्म आणि 12.3-इंच स्क्रीन मिळण्याची शक्यता आहे.
• सेल्टोस हायब्रिडमध्ये पेट्रोल इंजिन आणि इलेक्ट्रिक मोटरच्या मदतीने 178 hp पॉवर मिळू शकते.
• भारतासाठी विकसित होणारी किआ इलेक्ट्रिक SUV 2028 मध्ये सिरॉस आणि सेल्टोसच्या दरम्यान येण्याची शक्यता आहे.

किया इंडिया आपल्या भारतीय कार मार्केटमध्ये मोठे बदल करण्याच्या तयारीत आहे. Kia Sonet, Kia Seltos Hybrid, Kia Carnival Hybrid, Kia Carens Clavis Hybrid आणि नव्या इलेक्ट्रिक B-SUV अशा 5 कारच्या माध्यमातून कंपनी SUV, MPV आणि EV सेगमेंटमध्ये आपली पकड वाढवणार आहे. या नव्या कार 2027 ते 2029 या काळात टप्प्याटप्प्याने येण्याची शक्यता आहे.

नवीन जनरेशन Kia Sonet

नवीन जनरेशन किया सोनेट 2027 मध्ये येण्याची शक्यता आहे. QY2E या कोडनेमने विकसित होत असलेल्या या कारमध्ये K2 ऐवजी K1 प्लॅटफॉर्मचा वापर होऊ शकतो. यामुळे मागच्या सीटवरील जागेत सुधारणा होण्याची अपेक्षा आहे. 1.2-लिटर पेट्रोल, 1.0-लिटर टर्बो-पेट्रोल आणि 1.5-लिटर डिझेल इंजिन कायम राहू शकतात. 12.3-इंच स्क्रीन आणि Level 2 ADAS सारखी फीचर्स मिळण्याची शक्यता आहे. सोनेट हायब्रिड 2028 किंवा 2029 मध्ये येऊ शकते.

पेट्रोलचा खर्च कमी, फीचर्सचा जलवा भारी! किया सेल्टोस हायब्रिडची युरोपमध्ये एन्ट्री! भारतात पुढच्या वर्षी लाँच होण्याची शक्यता

Kia Seltos Hybrid

किया सेल्टोस हायब्रिडला 2026 पॅरिस मोटर शोमध्ये दाखवण्यात आले. यात 1.6-लिटर पेट्रोल इंजिन आणि इलेक्ट्रिक मोटरचे कॉम्बिनेशन आहे. आंतरराष्ट्रीय मॉडेलची एकत्रित पॉवर 178 hp आहे. 6-स्पीड DCT गिअरबॉक्स मिळतो. भारतातील मॉडेल फ्रंट-व्हील ड्राइव्हसह येण्याची शक्यता आहे. ही कार सध्याच्या पेट्रोल, टर्बो-पेट्रोल आणि डिझेल मॉडेलसोबत विकली जाऊ शकते.

Kia Carnival Hybrid

प्रीमियम किआ कार्निव्हलला हायब्रिड पॉवरट्रेन मिळणार आहे. जागतिक मॉडेलमध्ये 1.6-लिटर टर्बो-पेट्रोल इंजिन, इलेक्ट्रिक मोटर आणि 6-स्पीड ऑटोमॅटिक गिअरबॉक्स आहे. याची एकत्रित पॉवर 242 hp आणि टॉर्क 367 Nm आहे. भारतात ही कार 2026 च्या अखेरपर्यंत येण्याची अपेक्षा आहे. लिमोझिन+ व्हेरिएंटसाठी प्री-बुकिंग सुरू झाले आहे.

Kia Carnival Hybrid भारतात दाखल; दमदार इंजिन, प्रीमियम लिमोझिन लूक आणि हाय-टेक फीचर्ससह लवकरच लाँच होणार

Kia Carens Clavis Hybrid

किआ कॅरेन्स क्लॅव्हिसला पुढच्या जनरेशनमध्ये हायब्रिड पॉवरट्रेन मिळू शकते. ही कार 2029 पर्यंत येण्याची शक्यता आहे. सध्या पेट्रोल, टर्बो-पेट्रोल, डिझेल आणि इलेक्ट्रिक Clavis EV असे ऑप्शन आहेत. सेल्टोससारखी स्ट्राँग हायब्रिड टेक्नोलॉजी यात वापरली जाऊ शकते.

भारतासाठी नवीन इलेक्ट्रिक B-SUV

किया भारतासाठी खास नवीन इलेक्ट्रिक SUV विकसित करत आहे. 2028 च्या आसपास येणारी ही कार सिरॉस आणि सेल्टोस यांच्या दरम्यान स्थान मिळवू शकते. अंदाजे 4.2 मीटर लांबी असलेल्या या EV चे प्रोडक्शन भारतात होणार आहे. नाव आणि टेक्निकल माहिती अजून जाहीर झालेली नाही. हायब्रिड आणि इलेक्ट्रिक कारच्या या नव्या लिस्टमुळे कियाच्या भारतीय पोर्टफोलिओमध्ये मोठी वाढ होऊ शकते.