महिंद्राच्या गाड्यांवर सप्टेंबरमध्ये बंपर डिस्काउंट! स्कॉर्पिओ-N, थार, बोलेरोसह XUV वर मोठी बचत

महिंद्राने सप्टेंबर 2026 मध्ये SUV आणि इलेक्ट्रिक कारवर मोठ्या सवलती जाहीर केल्या आहेत. XUV400 EV वर तब्बल Rs 2.50 लाखांची रोख सूट मिळत असून स्कॉर्पिओ-N, थार रॉक्स, XUV 3XOसह अनेक मॉडेल्सवरही आकर्षक फायदे मिळत आहेत. मात्र ही ऑफर तुमच्या व्हेरिएंटला लागू आहे का?

• महिंद्रा XUV400 EV वर सप्टेंबरमध्ये तब्बल Rs 2.50 लाखांची थेट रोख सवलत मिळत आहे.
• स्कॉर्पिओ-N आणि थार रॉक्सवरही निवडक व्हेरिएंटनुसार Rs 1.50 लाखांपर्यंत फायदे मिळू शकतात.
• XUV 3XO, थार, बोलेरो निओ आणि स्कॉर्पिओ क्लासिकवरही ग्राहकांना आकर्षक डिस्काउंट मिळत आहेत.

सप्टेंबर महिन्याच्या सणासुदीच्या पार्श्वभूमीवर महिंद्राने आपल्या काही SUV आणि इलेक्ट्रिक मॉडेल्सवर आकर्षक डिस्काउंट आणि फायदे जाहीर केले आहेत. यामध्ये XUV400 EV सर्वात आघाडीवर असून, निवडक EC Pro आणि EL Pro व्हेरिएंटवर थेट Rs 2.50 लाखांची रोख सूट मिळत आहे. त्यामुळे इलेक्ट्रिक SUV खरेदी करण्याचा विचार करणाऱ्यांसाठी ही संधी खास ठरू शकते.

स्कॉर्पिओ-N आणि थार रॉक्सवरही मोठा फायदा

महिंद्रा स्कॉर्पिओ-N च्या निवडक Z8L आणि Z8T व्हेरिएंटवर Rs 1.25 लाखांपर्यंत रोख सवलत मिळत असून Rs 25,000 किमतीच्या अॅक्सेसरीजचा अतिरिक्त फायदा आहे. म्हणजेच ग्राहकांना एकूण Rs 1.50 लाखांपर्यंतचा लाभ मिळू शकतो. दुसरीकडे, थार रॉक्सच्या निवडक डिझेल व्हेरिएंटवर Rs 90,000 पर्यंत रोख सूट आणि Rs 30,000 किमतीच्या अॅक्सेसरीज मिळून एकूण Rs 1.20 लाखांचा फायदा दिला जात आहे.

MG Hector Tomahawk EV VS Mahindra XEV 9S: किंमत, रेंज आणि फिचर्सच्या बाबतीत कोणती फॅमिली ईव्ही आहे बेस्ट?

XUV 3XO आणि स्कॉर्पिओ क्लासिकवरही ऑफर

महिंद्रा XUV 3XO च्या निवडक व्हेरिएंटवर Rs 50,000 पर्यंत रोख सवलत आणि Rs 10,000 किमतीच्या अॅक्सेसरीजचा लाभ मिळतो. त्यामुळे कमाल फायदा Rs 60,000 पर्यंत पोहोचतो. स्कॉर्पिओ क्लासिकवर Rs 30,000 रोख सूट आणि Rs 20,000 अॅक्सेसरीज मिळून Rs 50,000 पर्यंतचा फायदा उपलब्ध आहे.

थार आणि बोलेरो निओवर किती बचत?

महिंद्रा थार 4WD वर Rs 20,000 रोख सूट आणि Rs 30,000 किमतीच्या अॅक्सेसरीज मिळत आहेत. त्यामुळे एकूण Rs 50,000 पर्यंत फायदा होऊ शकतो. बोलेरो निओवर Rs 10,000 रोख सवलतीसोबत एक्सचेंज बेनिफिट दिला जात आहे. बोलेरो निओ प्लसवर Rs 15,000 पर्यंत रोख सूट, Rs 10,000 अॅक्सेसरीज आणि एक्सचेंजचा अतिरिक्त लाभ मिळतो.

Mahindra XUV 7XO Sales: महिंद्रा XUV 7XO ने लाँच झाल्यानंतर अवघ्या ७ महिन्यांतच गाठला ७०,००० युनिट्स विक्रीचा टप्पा

डीलरकडील ऑफर तपासणे महत्त्वाचे

महिंद्रा BE 6 आणि XEV 9e वरही डीलर-स्तरावर काही ऑफर्स उपलब्ध आहेत; मात्र त्यांचा फायदा शहर आणि डीलरनुसार बदलू शकतो. सप्टेंबरमधील या ऑफर्स मर्यादित कालावधीसाठी असून, सर्व व्हेरिएंटला समान सवलत लागू असेलच असे नाही. त्यामुळे कार बुक करण्यापूर्वी जवळच्या महिंद्रा डीलरकडून अंतिम किंमत, रोख सवलत, एक्सचेंज फायदा आणि उपलब्ध अॅक्सेसरीज यांची खात्री करणे फायदेशीर ठरेल.