2 डिसेंबर लक्षात ठेवा! Maruti Suzuki ची पहिलीवहिली इलेक्ट्रिक कार होणार लाँच

येत्या 2 डिसेंबर 2025 ला Maruti e Vitara म्हणजेच मारुती सुझुकीची पहिली वाहिली इलेक्ट्रिक कार लाँच होणार आहे. चला याबद्दल अधिक माहिती जाणून घेऊयात.

• मारुतीची पहिली इलेक्ट्रिक कार होणार लाँच
• Maruti e Vitara दोन बॅटरी ऑप्शनसह होईल लाँच
• येत्या 2 डिसेंबरला होणार लाँच

भारतीय ऑटो बाजारात इलेक्ट्रिक वाहनांना जोरदार मागणी मिळते आहे. हीच मागणी लक्षात घेत अनेक ऑटो कंपन्यांनी मार्केटमध्ये इलेक्ट्रिक कार लाँच केली आहे. आता देशातील आघाडीची कार उत्पादक कंपनी Maruti Suzuki सुद्धा त्यांची इलेक्ट्रिक कार लाँच करण्याच्या तयारीत दिसत आहे.

मारुती सुझुकी येत्या 2 डिसेंबर 2025 रोजी भारतात त्यांची पहिली पूर्णपणे इलेक्ट्रिक एसयूव्ही, Maruti e Vitara लाँच करणार आहे. भारतातील ऑटो एक्स्पो 2025 मध्ये पहिल्यांदा याचे अनावरण करण्यात आले. ही कार फक्त भारतीय बाजारपेठेसाठी विकसित केली जात नाही तर 100 हून अधिक देशांमध्ये निर्यात केली जात आहे. लाँच होण्यापूर्वीच, ही कार जागतिक उत्पादन बनली आहे. चला मारुती ई-विटारा लाँच होण्यापूर्वी तिच्या फीचर्सबद्दल जाणून घेऊयात.

थोडी डेअरिंग आणि हातात Kia Carens Clavis EV ची चावी! जाणून घ्या Down Payment आणि EMI चा संपूर्ण हिशोब

मार्केट गाजवणार

मेक-इन-इंडिया इलेक्ट्रिक कार म्हणून मारुती ई विटारा भारतात एक नवीन ओळख निर्माण करत आहे. 26 ऑगस्ट रोजी पंतप्रधान नरेंद्र मोदी यांनी गुजरातमधील हंसलपूर प्लांटमध्ये स्थानिक हायब्रिड बॅटरी इलेक्ट्रोड उत्पादनाचे उद्घाटन केले. त्याच दिवशी ई विटाराची पहिली निर्यात बॅच देखील सुरू करण्यात आली.

1 सप्टेंबर रोजी पिपावाव बंदरातून अधिकृतपणे निर्यात सुरू झाली. केवळ ऑगस्टमध्ये, यूके, जर्मनी, फ्रान्स, नॉर्वे आणि स्वीडनसह 12 युरोपीय देशांमध्ये 2900 हून अधिक युनिट्स पाठवण्यात आल्या. 100 हून अधिक देशांमध्ये ई विटारा पुरवण्याच्या योजनेमुळे ही मारुती सुझुकीची पहिली खऱ्या अर्थाने जागतिक इलेक्ट्रिक एसयूव्ही बनेल.

ती आली आणि 5 स्टार सेफ्टी रेटिंग मिळवून गेली! Honda च्या ‘या’ कारची सगळीकडेच चर्चा

बॅटरी ऑप्शन आणि परफॉर्मन्स

49kWh आणि 61kWh अशा दोन बॅटरी पॅकसह मारुती ई विटारा उपलब्ध असेल. 49 किलोवॅट क्षमतेची FWD आवृत्ती 144 एचपी पॉवर आणि 189 एनएम टॉर्क जनरेट करेल, तर 61 किलोवॅट क्षमतेची FWD आवृत्ती 174 एचपी पॉवर आणि 189 एनएम टॉर्क जनरेट करेल. 61 किलोवॅट क्षमतेची ही टॉप-ऑफ-द-लाइन व्हेरिएंट 500 किमी पेक्षा जास्त रेंज देण्याची अपेक्षा आहे, ज्यामुळे ती तिच्या सेगमेंटमधील सर्वात लांब-रेंजच्या ईव्हींपैकी एक असेल.

किती असू शकते अपेक्षित किंमत?

मारुती ई विटाराची किंमत भारतात 20 लाख ते 25 लाखांच्या दरम्यान असण्याची अपेक्षा आहे. ही कार Tata Curvv EV, MG ZS EV, Mahindra BE 6, Vinfast VF6, आणि Hyundai Creta Electric शी स्पर्धा करेल.