मारुती सुझुकीचा मोठा टप्पा! इन-प्लांट रेल्वे सायडिंगमधून 10 लाख वाहनांची केली डिलिव्हरी

मारुती सुझुकीने हंसलपूर आणि मानेसर प्लांटमधून रेल्वेने 10 लाखांहून जास्त वाहने रवाना करत मोठा टप्पा गाठला आहे. विशेष म्हणजे, कंपनीच्या एकूण रेल्वे डिस्पॅचमध्ये या दोन सुविधांचा वाटा तब्बल 70% आहे.

• मारुती सुझुकीने हंसलपूर आणि मानेसर प्लांटमधून रेल्वेने 10 लाखांहून जास्त वाहने रवाना केली.
• आर्थिक वर्ष 2026-27 मध्ये 31 ऑगस्टपर्यंत या दोन साइडिंगमधून 3 लाखांहून जास्त वाहने डिस्पॅच झाली.
• आर्थिक वर्ष 2030-31 पर्यंत रेल्वे डिस्पॅचचा वाटा 35% करण्याचे मारुती सुझुकीचे लक्ष्य आहे.

Maruti Suzuki ने आपल्या वाहन वाहतुकीत रेल्वे वाहतुकीचा वापर वाढवत आणखी एक महत्त्वाचा टप्पा गाठला आहे. गुजरातमधील हंसलपूर आणि हरियाणातील मानेसर येथील प्लांटमध्ये उभारलेल्या इन-प्लांट रेल्वे साइडिंगमधून कंपनीने एकत्रितपणे 10 लाखांहून जास्त वाहनांची वाहतूक केली आहे. यापैकी हंसलपूर प्लांटमधून सुमारे 7.9 लाख, तर मानेसरमधून सुमारे 2.1 लाख वाहनांची थेट डिस्पॅच करण्यात आली आहे.

हंसलपूर येथील रेल्वे साइडिंग मार्च 2023 मध्ये सुरू झाली, तर मानेसरमधील सुविधा जून 2025 मध्ये कार्यान्वित झाली. या दोन्ही ठिकाणांहून 10 लाख वाहनांचा टप्पा 3 वर्षे आणि 5 महिन्यांत गाठण्यात आला आहे. विशेष म्हणजे, चालू आर्थिक वर्ष 2026-27 मध्ये 31 ऑगस्टपर्यंत या दोन साइडिंगमधून 3 लाखांहून जास्त वाहनांची वाहतूक झाली आहे. कंपनीच्या एकूण रेल्वे डिस्पॅचपैकी सुमारे 70% हिस्सा या दोन्ही सुविधांचा आहे.

फ्रॉन्क्स ते ग्रँड विटारा! लवकरच येणार मारुतीच्या 5 Facelift Cars; पाहा कोणती बनेल तुमची फेवरेट!

मारुती सुझुकीच्या लॉजिस्टिक्समध्ये रेल्वेचे महत्त्व गेल्या दशकात मोठ्या प्रमाणात वाढले आहे. आर्थिक वर्ष 2014-15 मध्ये कंपनीच्या वाहन वाहतुकीपैकी फक्त 5% वाहतूक रेल्वेने होत होती. हीच टक्केवारी आर्थिक वर्ष 2025-26 मध्ये 26.5% पर्यंत पोहोचली. आता कंपनीने आर्थिक वर्ष 2030-31 पर्यंत रेल्वेच्या माध्यमातून 35% वाहन डिस्पॅच करण्याचे लक्ष्य ठेवले आहे.

रेल्वेचा वापर वाढवल्यामुळे कारखान्यात तयार झालेली वाहने बाहेरील लोडिंग टर्मिनलपर्यंत ट्रकने नेण्याची गरज कमी होते. त्यामुळे ट्रकची वाहतूक, इंधनाचा वापर आणि ग्रीनहाऊस गॅस उत्सर्जन कमी करण्यास मदत होते. आर्थिक वर्ष 2014-15 पासून मारुती सुझुकीने रेल्वेमार्गे एकूण 33 लाखांहून जास्त वाहनांची वाहतूक केली आहे. यातील 10 लाख वाहने थेट इन-प्लांट साइडिंगमधून रवाना झाली आहेत.

New Maruti Baleno vs Hyundai i20 vs TATA Altroz; तुमच्यासाठी कोणती हॅचबॅक कार ठरेल बेस्ट? जाणून घ्या

ही रेल्वे साइडिंग पीएम गतिशक्ती नॅशनल मास्टर प्लॅनअंतर्गत विकसित करण्यात आली आहे. मारुती सुझुकीने आता हरियाणातील खारखोडा प्लांटसाठीही स्वतंत्र इन-प्लांट रेल्वे साइडिंगची योजना आखली आहे. त्यामुळे भविष्यात कंपनीच्या वाहन डिस्पॅचमध्ये रेल्वेचा वाटा आणखी वाढण्याची शक्यता आहे.