सोपा साधा हिशोब! Maruti Suzuki ची नवखी SUV फक्त 16 हजारांच्या EMI वर होईल तुमची; जाणून घ्या संपूर्ण कॅल्क्युलेशन

मारुती सुझुकीची नवीन SUV Maruti Victoris ला ग्राहकांकडून चांगली मागणी मिळतेय. मात्र, या कारच्या CNG व्हेरिएंटसाठी तुम्हाला किती EMI द्यावा लागेल? चला याबद्दल जाणून घेऊयात.

• Maruti Suzuki Victoris ठरतेय ग्राहकांची आवडती SUV
• योग्य प्लॅनिंगसह या कारचा CNG व्हेरिएंट होईल तुमची
• जाणून घ्या डाउन पेमेंट आणि ईएमआय

भारतीय ऑटो बाजरात SUV वाहनांना चांगली मागणी मिळताना दिसते. एसयूव्ही कार्स या परफॉर्मन्स आणि लूकमध्ये इतर वाहनांच्या तुलनेत जास्त भाव खातात. त्यामुळेच एसयूव्हींच्या विक्रीत वाढ होताना दिसत आहे. Maruti Suzuki च्या नवीन एसयूव्हीला देखील ग्राहक चांगली मागणी मिळतेय. ही एसयूव्ही म्हणजे Maruti Suzuki Victoris.

वाहन उत्पादक कंपनी मारुती सुझुकी विविध सेगमेंट्समध्ये कार ऑफर करून देते. कंपनीने Maruti Victoris ही मध्यम-आकाराची SUV म्हणून सादर केली आहे. जर तुम्ही या SUV ची CNG व्हेरिएंट खरेदी करण्याचा विचार करत असाल तर चला जाणून घेऊयात 3 लाख रुपयांचे डाऊन पेमेंट केल्यानंतर दरमहा तुम्हाला EMI किती द्यावा लागेल?

Skoda Kushaq Facelift लाँच! जाणून घ्या किंमत आणि अन्य व्हेरिएंट्सची किंमत

मारुती व्हिक्टोरिसची किंमत किती?

मारुती सुझुकी, व्हिक्टोरिस ही कार अनेक व्हेरिएंट्समध्ये उपलब्ध आहे. यातील ‘LXI’ हे व्हर्जन CNG पर्यायासह उपलब्ध आहे. या कारच्या CNG व्हर्जनची ‘एक्स-शोरूम’ किंमत 11.50 लाख रुपये इतकी आहे. जर ही कार खरेदी केली गेली, तर त्यासाठी RTO शुल्कापोटी अंदाजे 1.15 लाख रुपये आणि विम्यासाठी सुमारे 55000 रुपये मोजावे लागतील. याव्यतिरिक्त, TCS साठी 11499 रुपये इतका खर्च येईल. परिणामी, मारुती व्हिक्टोरिसची ऑन-रोड किंमत अंदाजे 13.31 लाख रुपयांपर्यंत पोहोचते.

3 लाखांच्या डाउन पेमेंटनंतर किती असेल EMI?

तीन लाख रुपयांचे डाउन पेमेंट केल्यानंतर या कारच्या CNG व्हेरिएंटसाठी उर्वरित रक्कम बँकेकडून फायनान्स केली जाईल. अशा परिस्थितीत सुमारे 10.31 लाख रुपयांचे कर्ज घ्यावे लागेल. जर बँकेकडून 9% व्याजदराने 7 वर्षांसाठी हे कर्ज मंजूर झाले, तर तुम्हाला दरमहा सुमारे 16,595 रुपयांचा EMI भरावा लागेल.

बाईकवरून पडण्याच्या भीतीला टाटा बाय बाय करा! ‘या’ देशात लाँच झाली जगातील पहिली सेल्फ बॅलन्सिंग बाईक

किती महाग पडेल कार?

जर तुम्ही 9% व्याजदराने 7 वर्षांसाठी 10.31 लाख रुपयांचे कार लोन घेतले, तर पुढील 7 वर्षे दरमहा 16,595 रुपयांचा EMI भरावा लागेल. या कालावधीत तुम्ही एकूण सुमारे 3.62 लाख रुपये व्याज म्हणून भराल. त्यामुळे एक्स-शोरूम किंमत, ऑन-रोड खर्च आणि व्याज मिळून या कारची एकूण किंमत अंदाजे 16.94 लाख रुपये होईल.