Mercedes कडून भन्नाट कार लाँच, फक्त 30 ग्राहकच बानू शकतील याचे मालक

मर्सिडीज-बेंझने भारतात Mercedes-AMG G 63 Collectors Edition एडिशन लाँच केले आहे. इंटरेस्टिंग गोष्ट म्हणजे ही कार फक्त 30 जणांनाच खरेदी करता येणार आहे.

भारतीय मार्केटमध्ये लक्झरी कार्सची एक वेगळीच क्रेझ पाहायला मिळते. देशातील अनेक राजकारणी आणि सेलिब्रेटी मंडळींकडे विविध कंपन्यांच्या आलिशान कार्स असतात. मात्र, आजही लक्झरी कार्स म्हंटलं की अनेकांच्या नजरेसमोर मर्सिडीजचे नाव येत असते.

मर्सिडीजने देशात अनेक उत्तम कार्स ऑफर केल्या आहेत. मात्र, आता कंपनीने भारतीय मार्केटमध्ये अजून एक धमाकेदार कार लाँच केली आहे. महत्वाची बाब म्हणजे ही कार फक्त तीस जणांना खरेदी करता येणार आहे.

मर्सिडीज-बेंझने भारतात Mercedes-AMG G 63 Collector’s Edition लाँच केली आहे. ही कार भारतात 4.30 कोटी रुपयांच्या एक्स-शोरूम किमतीत लाँच केले गेले आहे. ही कार नियमित AMG G मॉडेलपेक्षा वेगळी आहे आणि त्यात पेंट स्कीम आणि कॉस्मेटिक बदल करण्यात आले आहेत. भारतात विक्रीसाठी या कारचे फक्त 30 युनिट्स आणले गेले आहेत. चला जाणून घेऊयात की मर्सिडीज-एएमजी जी 63 कलेक्टर एडिशनमध्ये काय खास असणार आहे.

लवकरच लाँच होणार नवीन Royal Enfield Himalayan 750, मिळणार दमदार फीचर्स

काय असेल खास ?

कलेक्टर एडिशनमध्ये रेग्युलर AMG G 63 च्या तुलनेत काही खास बदल आहेत. यात मल्टी-स्पोक गोल्डन अलॉय व्हील्स आहेत. कारच्या प्रोफाइलवर ‘कलेक्टर एडिशन’ लोगो असलेले बीडिंग आहे आणि टेलगेट माउंट केलेल्या स्पेअर व्हीलवर ‘कलेक्टर एडिशन’ बॅज असलेली काळी प्लेट आहे. हे मिड ग्रीन मॅग्नो आणि रेड मॅग्नो या दोन रंगांच्या ऑप्शन्समध्ये आणले गेले आहे. त्याच्या इंटिरिअरला बेज आणि ब्लॅक थीम देण्यात आली आहे. त्याच्या डॅशबोर्डमध्ये कस्टमाइझ करण्यायोग्य ग्रॅब हँडल आहे, ज्यावर तुम्ही तुमचे नाव लिहू शकता.

कोणते बदल करण्यात आले आहे?

Mercedes-AMG G 63 Collector’s Edition मध्ये कॉस्मेटिक बदल वगळता सर्व काही नियमित मॉडेलसारखेच आहे. त्यात समान बॉक्सी सिल्हूट आणि पॉवरफुल लूक आहे. त्यात सर्क्युलर एलईडी हेडलाइट्स, एएमजी-विशिष्ट ग्रिल आणि डॅशबोर्डवर ड्युअल 12.3-इंच स्क्रीन आहेत.

इतर फीचर्समध्ये 3-झोन ऑटो एसी, 18-स्पीकर बर्मेस्टर 3डी सराउंड साउंड सिस्टम आणि सनरूफ यांचा समावेश आहे आणि सेफ्टीसाठीसाठी, मल्टीपल एअरबॅग्ज, ISOFIX चाइल्ड सीट अँकरेज, ब्लाइंड स्पॉट असिस्टसह 360-डिग्री कॅमेरा आणि अ‍ॅडव्हान्स्ड ड्रायव्हर असिस्टन्स सिस्टम (ADAS) सारखे फीचर्स उपलब्ध आहेत.

कार डीलर्स मोठ्या संकटात ! तब्बल 52,000 कोटी किमतीच्या Cars शोरूम्समध्ये पडीक, Hyundai Maruti चे अधिकारी म्हणतात…

इंजिन

यामध्ये नियमित AMG G 63 सारखेच इंजिन आहे. यात 4-लिटर V8 ट्विन-टर्बो पेट्रोल इंजिन आहे, जे 585 PS पॉवर आणि 850 Nm टॉर्क निर्माण करते. या कारचे इंजिन 9-स्पीड ड्युअल-क्लच ऑटोमॅटिक (DCT) सह जोडलेले आहे. ही कार 4.5 सेकंदात 0-100 किमी/ताशी वेग पकडते. तिचा टॉप स्पीड 220 किमी/ताशी आहे.