जर्मन लक्झरी कार निर्माता कंपनी ‘मर्सिडीज-बेंझ इंडिया‘ने उत्तर प्रदेशातील आपली पकड अधिक मजबूत करण्यासाठी लखनऊ येथे ‘टी अँड टी मोटर्स’च्या सहकार्याने नवीन भव्य लक्झरी शोरूमचे उद्घाटन केले आहे. कंपनीच्या ‘गो टू कस्टमर’ या रणनीतीचा हा एक भाग असून, यामुळे उदयोन्मुख बाजारपेठांमधील ग्राहकांना प्रीमियम खरेदीचा अनुभव आणि ईव्ही चार्जिंग सुविधा एकाच छताखाली उपलब्ध होणार आहे.
या नवीन शोरूममुळे आता उत्तर प्रदेशातील मर्सिडीज-बेंझच्या लक्झरी टचपॉइंट्सची संख्या १० वर पोहोचली आहे. हे टचपॉइंट्स लखनऊ, नोएडा, गाझियाबाद, आग्रा, कानपूर आणि वाराणसी येथे पसरलेले आहेत. संपूर्ण भारतात ६० हून अधिक शहरांमध्ये मर्सिडीज-बेंझची १५० हून अधिक लक्झरी शोरूम्स कार्यरत आहेत.
९,००० स्क्वेअर फूट पसरलेले अत्याधुनिक शोरूम आणि १८० kW फास्ट चार्जर
लखनऊमधील या नवीन शोरूमचे क्षेत्रफळ सुमारे ९,००० स्क्वेअर फूट. ग्राहकांना डिजिटल आणि वैयक्तिक खरेदीचा अनुभव देण्यासाठी हे डिझाइन करण्यात आले आहे. या शोरूममध्ये एकाच वेळी चार लक्झरी गाड्या प्रदर्शित केल्या जाऊ शकतात.
Mercedes Benz: मर्सिडीज-बेंझची भारतात नवी भरारी! एआय स्कॅनर आणि ‘सर्व्हिस सिलेक्ट’ योजनेचा शुभारंभ
या नवीन शोरूमची प्रमुख वैशिष्ट्ये:-
मर्सिडीज-बेंझ इंडियाचे सेल्स आणि मार्केटिंग व्हाईस प्रेसिडेंट ब्रेंडन सिसिंग यांनी सांगितले की, उत्तर प्रदेश ही कंपनीसाठी एक महत्त्वाची उदयोन्मुख बाजारपेठ आहे. लखनऊमधील ग्राहकांचा प्रीमियम गाड्यांकडे वाढणारा कल पाहता येथे मोठी संधी उपलब्ध आहे. अवघ्या पाच महिन्यांत हे शोरूम तयार करण्यात आले असून, यात ८८ प्रशिक्षित कर्मचाऱ्यांची टीम तैनात करण्यात आली आहे.
गुंतवणूकदारांसाठी उघडतील नवीन दरवाजे, उत्तर प्रदेशात लॉजिस्टिक्स क्लस्टर्सची तयारी सुरू
टी अँड टी मोटर्सचे व्यवस्थापकीय संचालक रोहन तलवार यांनी सांगितले की, गेल्या तीन दशकांपासून ते मर्सिडीज-बेंझचे रिटेल पार्टनर आहेत. या नवीन विस्तारामुळे उत्तर प्रदेशातील वाहनप्रेमींना लक्झरी कार मालकीचा एक नवीन अनुभव मिळेल.
मेट्रो शहरांच्या पलीकडे लक्झरी मार्केटचा विस्तार
पूर्वी लक्झरी कारची विक्री केवळ दिल्ली, मुंबई किंवा बंगळुरू यांसारख्या मेट्रो शहरांपुरती मर्यादित होती. मात्र, आता लखनऊ, कानपूर, जयपूर आणि कोची यांसारख्या शहरांमध्ये श्रीमंत वर्ग आणि प्रीमियम गाड्यांची मागणी वेगाने वाढत आहे. मर्सिडीज-बेंझने आपल्या ‘रिटेल ऑफ द फ्युचर’ मॉडेलअंतर्गत आतापर्यंत भारतात ८०,००० हून अधिक गाड्यांची विक्री केली आहे. लखनऊमधील १८० kW फास्ट चार्जरची उभारणी हे दर्शवते की, कंपनी या भागात केवळ पेट्रोल-डिझेल लक्झरी कारच नाही तर हाय-एंड इलेक्ट्रिक वाहनांचा वापर वाढवण्यासाठी कटिबद्ध आहे.
.png "Videos"){kind=small}
