गुरुवार, 13 ऑगस्ट 2026
(फोटो सौजन्य-AI एआय)
भारतातील आघाडीची लक्झरी कार उत्पादक कंपनी ‘मर्सिडीज-बेंझ इंडिया’ने आपल्या ग्राहकांसाठी लक्झरी कार मालकीचा अनुभव अधिक सुखद करण्यासाठी नव्या उपक्रमांची घोषणा केली आहे. कंपनीने मुंबईतील जोगेश्वरी येथील ‘लँडमार्क कार्स’ सर्व्हिस सेंटरमध्ये देशातील पहिला एआय-संचालित ऑटोमेटेड ‘वेहिकल स्कॅनर’ सादर केला आहे. यासोबतच ७ वर्षांपेक्षा जुन्या गाड्यांच्या देखभालीचा खर्च कमी करण्यासाठी ‘सर्व्हिस सिलेक्ट’ ही विशेष योजना देखील सुरू केली आहे.
भारतातील पहिला एआय-संचालित ऑटोमेटेड वेहिकल स्कॅनर
जोगेश्वरी येथील लँडमार्क कार्सच्या सेंटरमध्ये सुरू झालेला हा स्कॅनर कार सुरू असतानाच तिचा संपूर्ण ३६०-डिग्री डिजिटल रेकॉर्ड नोंदवतो.
BMW X1 LWB २१ ऑगस्टला भारतात होणार लाँच! जाणून घ्या सर्व महत्त्वाची माहिती
७ वर्षे जुन्या गाड्यांसाठी ‘सर्व्हिस सिलेक्ट‘ योजना
मर्सिडीज-बेंझने आपल्या जुन्या व विश्वासू ग्राहकांसाठी ‘सर्व्हिस सिलेक्ट’ हा कस्टमर लॉयल्टी प्रोग्राम आणला आहे:
१. २५% पर्यंत बचत: ७ वर्षांपेक्षा जुन्या वाहनांच्या निवडक पार्ट्सवर २५% पर्यंत बचत मिळेल.
२. जास्त वॉरंटी: बदललेल्या पार्ट्सवर २ वर्षांची वॉरंटी आणि ‘मोबिलिओ लाईट’चे फायदे मिळतील.
३. रिसेल व्हॅल्यू: तज्ञांच्या देखभालीमुळे गाडीची रीसेल किंमत टिकून राहण्यास मदत होईल.
2027 Mercedes-Maybach GLS 680: दमदार V8 इंजिन आणि नवीन इंटिरिअरसह सादर! एका क्लिकवर घ्या पाहून
मुंबईत सर्वात मोठे लक्झरी सर्व्हिस सेंटर
लँडमार्क कार्सचे हे नवीन ५८,००० चौरस फूट क्षेत्रात पसरलेले सेंटर मुंबईतील सर्वात मोठे लक्झरी सर्व्हिस सेंटर ठरले आहे. यामध्ये १६ सर्व्हिस बे, ९ बॉडी व पेंट बे आणि ९५ प्रशिक्षित तज्ञांची टीम कार्यरत आहे.
मर्सिडीज-बेंझ इंडियाचे व्यवस्थापकीय संचालक आणि सीईओ संतोष अय्यर यांनी सांगितले की, “आम्ही विक्रीनंतरच्या सेवांमध्ये ‘सर्व्होत्कृष्ट गुणवत्ता’ देण्यासाठी एआय आणि आधुनिक तंत्रज्ञानाचा वापर करत आहोत. एआय स्कॅनर आणि सर्व्हिस सिलेक्ट योजनेमुळे ग्राहकांचा विश्वास आणि सोय अधिक वाढेल.”
कंपनी २०२६ च्या अखेरपर्यंत देशभरात २० हून अधिक नवीन लक्झरी टचपॉइंट्स सुरू करणार असून, त्यासाठी फ्रेंचायझी भागीदारांमार्फत ४५० कोटी रुपयांपेक्षा जास्त गुंतवणूक केली जाणार आहे.
