निसानच्या गाड्यांवर घसघशीत सूट! ‘टेक्टन’, ‘मॅग्नाइट’ आणि ‘ग्रॅविटे’वर ७० हजार रुपयांपर्यंतची फेस्टिव्ह ऑफर

निसानच्या फेस्टिव्ह ऑफर्समध्ये असा कोणता डील आहे ज्यामुळे नवीन SUV घेण्याचा प्लॅन करणाऱ्यांचे बजेट बदलू शकते? टेकटनवर ₹70,000, मॅग्नाइटवर ₹65,000 आणि ग्रॅव्हाइटवर ₹35,000 पर्यंत फायदे मिळत आहेत.

• निसान टेकटनवर फेस्टिव्ह सीझनमध्ये ₹70,000 पर्यंतचे फायदे मिळत असून सुरुवातीची किंमत ₹10.49 लाख आहे.
• मॅग्नाइटवर ₹65,000 आणि ग्रॅव्हाइटवर ₹35,000 पर्यंत फायदे मिळत असून CNG ऑप्शनही अव्हेलेबल आहे.
• निसानच्या Service Promise मध्ये रोडसाइड असिस्टन्स, एक्स्टेंडेड वॉरंटी आणि प्रीपेड मेंटेनन्सचा समावेश केला आहे.

निसानने फेस्टिव्ह सीझन लक्षात घेऊन आपल्या लोकप्रिय मॉडेल्सवर खास ऑफर्स जाहीर केल्या आहेत. या ऑफरमध्ये नुकतीच लाँच झालेल्या निसान टेकटनवर कस्टमर्सना तब्बल ₹70,000 पर्यंतचे फायदे मिळत आहेत. यासोबतच निसान मॅग्नाइटवर ₹65,000 आणि निसान ग्रॅव्हाइटवर ₹35,000 पर्यंतचे फायदे दिले जात आहेत. ही फेस्टिव्ह ऑफर स्टॉक उपलब्ध असेपर्यंत लागू असून, मॉडेल आणि कस्टमरच्या पात्रतेनुसार फायदे बदलू शकतात.

टेकटनची दमदार कामगिरी

निसान टेकटनची सुरुवातीची एक्स-शोरूम किंमत ₹10.49 लाख आहे. या SUV मध्ये 2 टर्बो-पेट्रोल इंजिन ऑप्शन मिळतात. T160 इंजिन 100 PS पॉवर आणि 166 Nm टॉर्क देते, तर T280 इंजिन 163 PS आणि 280 Nm टॉर्क जनरेट करते. T280 सोबत 6-स्पीड मॅन्युअल आणि 6-स्पीड वेट-क्लच DCT गिअरबॉक्सचा ऑप्शन आहे. DCT व्हेरिएंट 18.5 kmpl मायलेज देण्याचा दावा करते आणि 0 ते 100 kmph वेग 9.89 सेकंदात गाठते.

निसान मॅग्नाइट vs महिंद्रा  XUV300; पेट्रोलमध्ये कोण देते जास्त मायलेज? प्रत्यक्ष टेस्टमध्ये समोर आलं सत्य!

मॅग्नाइटमध्ये पेट्रोलसोबत CNG ऑप्शन

निसान मॅग्नाइटची सुरुवातीची किंमत ₹5.69 लाख आहे. यात 1.0L नॅचरली एस्पिरेटेड पेट्रोल इंजिन 72 PS आणि 96 Nm पॉवर देते. टर्बो-पेट्रोल इंजिन 100 PS पॉवर जनरेट करते. टर्बो-मॅन्युअलमध्ये 160 Nm, तर CVT व्हेरिएंटमध्ये 152 Nm टॉर्क मिळतो. SUV मध्ये 205 mm ग्राउंड क्लीअरन्स आणि 336 लिटर बूट स्पेस असून CNG ऑप्शनही अव्हेलेबल आहे.

ग्रॅव्हाइट देणार 7-सीटरचा ऑप्शन

निसान ग्रॅव्हाइटची सुरुवातीची एक्स-शोरूम किंमत ₹5.73 लाख आहे. या 7-सीटर MPV मध्ये 1.0L 3-सिलिंडर नॅचरली एस्पिरेटेड पेट्रोल इंजिन असून ते 72 PS आणि 96 Nm पॉवर देते. 5-स्पीड मॅन्युअल आणि 5-स्पीड AMT गिअरबॉक्सचे ऑप्शन मिळतात. मॅन्युअलचे मायलेज 19.3 kmpl, तर AMTचे 19.6 kmpl असल्याचा दावा आहे. CNG व्हेरिएंटचाही ऑप्शन आहे.

Nissan Pixo Electric City Car: निसान पिक्सो इलेक्ट्रिक कारची एन्ट्री; 259 किमी रेंजसह मिळणार स्मार्ट फीचर्स

मेंटेनन्सचीही काळजी

निसानच्या Service Promise अंतर्गत 3 वर्षांची रोडसाइड असिस्टन्स आणि स्टँडर्ड वॉरंटी दिली जाते. याशिवाय 10 वर्षांपर्यंत एक्स्टेंडेड वॉरंटी, 3 वर्षांचा प्रीपेड मेंटेनन्स प्लॅन आणि 1.5 तासांत एक्स्प्रेस सर्व्हिसचा पर्याय आहे. मेंटेनन्स खर्च 40 पैसे प्रति km असल्याचे कंपनी सांगते. त्यामुळे फेस्टिव्ह सीझनमध्ये निसानच्या या तिन्ही मॉडेल्सवरील ऑफर्स कस्टमर्ससाठी आकर्षक ठरू शकतात.