Omega Seiki Mobility आणणार दिव्यांगांसाठी स्पेशल इलेक्ट्रिक गाडी; तंत्रज्ञानाने असणार सुसज्ज
ओमेगा सेकी मोबॅलिटी (Omega Seiki Mobility) यांनी दिव्यांगांसाठी विशेष रुपात डिझाइन करण्यात आलेल्या एका इनोव्हेटिव्ह इलेक्ट्रिक गाडीच्या उत्पादनाची घोषणा केली. प्रस्तावित ईव्ही (इलेक्ट्रॉनिक वेहिकल) पूर्णपणे मानव केंद्रीत दृष्टीकोनावर आधारित असेल, जी दिव्यांगांच्या विशिष्ट गरजा पूर्ण करण्याला प्राधान्य देणार आहे.
ही गाडी साकारतानाचे मुख्य लक्ष्य सुरक्षितता, आराम आणि वापरण्यास सहजसोप्पी यावर असेल. तसेच दैनंदिन प्रवासात वापरकर्त्यांना अधिक स्वातंत्र्य आणि सन्मान मिळावा याकडेही लक्ष्य दिले जाणार आहे. भारतीय बनावटीची ही गाडी साकारताना कंपनी वापरकर्त्यांसह तज्ज्ञांच्या विचारांनाही प्राधान्य देणार आहे.
प्रस्तावित इलेक्ट्रिक गाडी पूर्णपणे मानव केंद्रीत (ह्युमन सेंट्रिक) दृष्टीकोनावर आधारित असेल, ज्यात दिव्यांगांचा प्रवास कशाप्रकारे सुरक्षित होईल याचा प्रामुख्याने विचार करण्यात येणार आहे. ट्राफिक असो वा मोकळा रस्ता प्रवास करताना दिव्यांगांना कोणत्याही प्रकारचा त्रास जाणवू नये, यासाठी विविध तंत्रज्ञानाचा वापर गाडी साकारताना करण्यात येणार आहे.
Triumphच्या चाहत्यांसाठी गुड न्यूज! दोन लोकप्रिय बाईकच्या किमतीत मोठी कपात
ओमेगा सेकी मोबॅलिटीचे संस्थापक आणि व्यवस्थापक डॉ. उदय नारंग हे याबाबत म्हणाले की, आम्हाला असे वाटते की, गाडी एका ठिकाणापासून दुसऱ्या ठिकाणापर्यंत जाण्याचे साधन नाही, तर हे स्वतंत्रता, सन्मान आणि समाजात पूर्णपणे भाग घेण्याच्या स्वातंत्र्याशी निगडीत आहे. त्यामुळे गरजवंतांपर्यंत गाडी पोहचवण्याचा लक्ष्य कंपनीने ठेवला आहे.
ओमेगा सेकी मोबॅलिटीने शाश्वत विकास आणि सुलक्ष वाहतुकीला प्रोत्साहन देण्यासाठी हा उपक्रम पंतप्रधान नरेंद्र मोदी यांच्या ‘मेड इन इंडिया’ संकल्पनेला समर्पित केला आहे. इलेक्ट्रिक वाहन क्षेत्रातील अनुभवाच्या आधारे कंपनी भारतीय बनावटीची गाडी विकसित करत असून यातून वापरकर्त्याला तिचा वापर सुलक्षरित्या करता यावा हा दृष्टीकोन नजरेसमोर ठेवण्यात आला आहे.
.png "Videos"){kind=small}
