‘या’ SUV चं काही खरं नाही! नोव्हेंबरमध्ये फक्त 6 ग्राहकांकडूनच खरेदी, विक्री तब्बल 93 टक्क्यांनी कोसळली

ह्युंदाईने देशात अनेक उत्तम कार ऑफर केल्या आहेत. मात्र, कंपनीच्या एका कारला ग्राहकांनी हवा तेवढा चांगला प्रतिसाद दिला नाही. चला याबद्दल जाणून घेऊयात.

• Hyundai Tucson च्या विक्रीत मोठी घट
• नोव्हेंबर 2025 मध्ये विक्री 93 टक्क्यांनी कोसळली
• फक्त 6 ग्राहकांनी खरेदी केली कार

भारतीय ऑटो बाजारात म्हणजे व्यापाराची सुवर्णसंधी. याच संधीचे सोने करण्यासाठी अनेक विदेशी ऑटो कंपन्या मार्केटमध्ये दमदार कार ऑफर करत असतात. भारतात दरमहा लाखो कार्सची विक्री होत असते. मात्र, प्रत्येक कारची विक्री चांगलीच राहील असे नाही. अशाच एका कारच्या विक्रीत तब्बल 93 टक्क्यांनी घट झाली आहे.

एकीकडे, Hyundai च्या लोकप्रिय एसयूव्ही Creta ची मागणी सतत वाढत आहे. गेल्या महिन्यात म्हणजेच नोव्हेंबर 2025 मध्ये, ह्युंदाई क्रेटाला 17000 हून अधिक ग्राहक मिळाले. मात्र, त्याच काळात, कंपनीची पॉवरफुल एसयूव्ही Tucson विक्रीत पूर्णपणे अपयशी ठरली. गेल्या महिन्यात म्हणजेच नोव्हेंबर 2025 मध्ये ह्युंदाई टक्सनला फक्त 6 ग्राहक मिळाले. या काळात, वार्षिक आधारावर, ह्युंदाई टक्सनच्या विक्रीत 93 टक्क्यांची घट झाली. तर अगदी एक वर्षापूर्वी, हा आकडा 84 युनिट्स होता. ह्युंदाई टक्सनची फीचर्स, पॉवरट्रेन आणि किंमत याबद्दल सविस्तर माहिती जाणून घेऊयात.

Maruti Brezza Vs Nissan Magnite: कोणत्या कारमध्ये किती दम? जाणून घ्या फीचर्स, इंजिन आणि किंमत?

बोल्ड आणि फ्यूचरिस्टिक डिझाइन

ह्युंदाई टक्सन ही एक प्रीमियम मिड साइझ एसयूव्ही आहे जी तिच्या बोल्ड आणि फ्युचरिस्टिक डिझाइनसाठी ओळखली जाते. तिच्या पुढच्या भागात पॅरामीट्रिक ज्वेल पॅटर्नसह मोठी ग्रिल आणि एकात्मिक एलईडी डीआरएल आहेत, ज्यामुळे एक आकर्षक लूक निर्माण होतो. शार्प एलईडी हेडलॅम्प, स्कल्प्टेड बॉडी लाईन्स आणि डायमंड-कट अलॉय व्हील्स तिला रस्त्यावर एक मजबूत प्रेझेन्स देतात. मागील बाजूस, कनेक्टेड एलईडी टेललाइट्स आणि स्वच्छ डिझाइन याच्या प्रीमियम लूकमध्ये आणखी भर घालतात.

फीचर्स

केबिनमध्ये ड्युअल 10.25-इंच स्क्रीन, पॅनोरॅमिक सनरूफ, व्हेंटिलेटेड सीट्स आणि प्रीमियम अपहोल्स्ट्री आहे, ज्यामुळे ती एक टेक-लोडेड एसयूव्ही बनते. ह्युंदाई टक्सनची भारतातील एक्स-शोरूम किंमत सुमारे 29 लाखांपासून सुरू होते आणि 36 लाखांपर्यंत जाते.

या सेगमेंटमध्ये ही कार एसयूव्ही जीप कंपास, सिट्रोएन सी5 एअरक्रॉस आणि स्कोडा कोडियाक सारख्या प्रीमियम मॉडेल्सशी स्पर्धा करते. ह्युंदाई टक्सनने भारत एनसीएपी (बीएनसीएपी) क्रॅश टेस्टमध्ये 5-स्टार सेफ्टी रेटिंग मिळवले आहे.

ग्राहकांनोsss ‘या’ कारवर थोडी तरी दया करा! 3 महिन्यात 1 देखील युनिट विकले नाही, आता मिळतंय 13 लाखांचे डिस्काउंट

पॉवरट्रेन

ह्युंदाई टक्सन पेट्रोल आणि डिझेल इंजिन दोन्ही पर्यायांमध्ये उपलब्ध आहे. ही कार 2.0-लिटर पेट्रोल इंजिनद्वारे 156 बीएचपी आणि 192 एनएम टॉर्क निर्माण करते. 2.0-लिटर डिझेल इंजिन 186 बीएचपी आणि 416 एनएम टॉर्क निर्माण करते. दोन्ही इंजिन ऑटोमॅटिक गिअरबॉक्ससह येतात.