रेंज रोव्हर स्पोर्टचा इलेक्ट्रिक अवतार पाहिलात का? 609 km रेंज, 550 PS पॉवरसह जबरदस्त एन्ट्री

रेंज रोव्हर स्पोर्ट आता इलेक्ट्रिक अवतारात भारतात आली आहे. 550 PS पॉवर, 850 Nm टॉर्क आणि 118.5 kWh बॅटरीसह या SUV ची WLTP रेंज 609 km पर्यंत असल्याचा दावा करण्यात आला आहे.

• रेंज रोव्हर स्पोर्ट इलेक्ट्रिकमध्ये 550 PS पॉवर आणि 850 Nm टॉर्कसह 609 km पर्यंत रेंज मिळते.
• 350 kW DC फास्ट चार्जिंगमुळे 10 ते 80% चार्जिंगसाठी फक्त 22 मिनिटे लागतात.
• 900 mm वॉटर-वेडिंग आणि 45 डिग्री चढाच्या क्षमतेमुळे इलेक्ट्रिक SUV ची ऑफ-रोड क्षमता दमदार आहे.

जॅग्वार लँड रोव्हरने आपली मोस्ट अवेटेड रेंज रोव्हर स्पोर्ट इलेक्ट्रिक भारतात सादर केली असून तिचे बुकिंगही सुरू करण्यात आले आहे. ही रेंज रोव्हर स्पोर्टची पहिली पूर्णपणे इलेक्ट्रिक आवृत्ती आहे. SUV मध्ये 2 इलेक्ट्रिक मोटर्स, ऑल-व्हील ड्राइव्ह आणि 118.5 kWh बॅटरी देण्यात आली आहे. ही SUV जास्तीत जास्त 550 PS पॉवर आणि 850 Nm टॉर्क निर्माण करते. कंपनीने WLTP पद्धतीनुसार 609 km पर्यंत रेंजचा दावा केला आहे.

पॉवरच्या बाबतीत ही इलेक्ट्रिक SUV चांगलीच आक्रमक आहे. 0 ते 100 kmph वेग पकडण्यासाठी फक्त 4.5 सेकंद लागतात. 800V इलेक्ट्रिकल आर्किटेक्चरमुळे चार्जिंगची क्षमताही दमदार आहे. DC फास्ट चार्जरच्या मदतीने 350 kW पर्यंत चार्जिंग करता येते. 10 ते 80% चार्जिंगसाठी सुमारे 22 मिनिटे लागतात, तर 10 मिनिटांच्या चार्जिंगमध्ये 220 km पर्यंत रेंज मिळू शकते.

लक्झरी कार प्रेमींसाठी गुड न्यूज! ५ ऑक्टोबरला लाँच होणार नवीन मर्सिडीज-मेबॅक एस-क्लास

रेंजच्या बाबतीत कंपनीने 609 km ची WLTP रेंज सांगितली असली तरी अंदाजे रिअल-वर्ल्ड रेंज 535 km पर्यंत असू शकते. 22 kW AC चार्जिंगवर पूर्ण चार्ज होण्यासाठी सुमारे 7 तास लागतात. याशिवाय SUV मध्ये 900 mm वॉटर-वेडिंग कॅपसिटी आणि 45 डिग्रीपर्यंत चढ चढण्याची क्षमता देण्यात आली आहे.

इलेक्ट्रिक पॉवरट्रेनमुळे गाडीच्या चॅसिसमध्येही मोठे बदल करण्यात आले आहेत. बॉडीची कडकपणा 61% ने वाढवण्यात आली असून सेंटर ऑफ ग्रॅव्हिटी 73 mm ने खाली आणण्यात आले आहे. Dynamic Air Suspension, Adaptive Dynamics, Twin Valve Dampers, Active Roll Control आणि All-Wheel Steering यांसारखी फीचर्स देण्यात आली आहेत. ऑफ-रोड क्षमताही कायम ठेवण्यात आली आहे.

पैसा भरपूर, पॉवर त्याहून जास्त! मर्सिडीज-AMG G 63 Offroad Pro भारतात लाँच; किंमत ₹3.80 कोटी

बॅटरीच्या तापमान नियंत्रणासाठी ThermAssist टेक्नोलॉजी आणि लिक्विड कूलिंग सिस्टमचा वापर करण्यात आला आहे. कंपनीने बॅटरीची चाचणी -40°C ते 90°C तापमानात केली आहे. बॅटरीवर 8 वर्षे किंवा 1,60,000 km पर्यंत वॉरंटी मिळणार आहे. Digital Twin टेक्नोलॉजीच्या मदतीने बॅटरीच्या हेल्थचे रिमोट मॉनिटरिंगही करता येणार आहे.

रेंज रोव्हर स्पोर्ट इलेक्ट्रिक Dynamic SE, Dynamic HSE, Autobiography आणि First Edition अशा 4 ट्रिममध्ये येणार आहे. या SUV चे प्रोडक्शन यूकेमधील Solihull प्लांटमध्ये केले जाणार आहे. इलेक्ट्रिक मॉडेलला वेगळे अलॉय व्हील्स, एअरोडायनॅमिक ग्रिल आणि खास इलेक्ट्रिक साउंड सिग्नेचरही मिळणार आहे