नवीन 7 सीरिजचे विशेष वैशिष्ट्य म्हणजे ग्राहकांना पेट्रोल तसेच पूर्णपणे इलेक्ट्रिक पर्याय मिळणार आहेत. त्यामुळे लक्झरी सेडान सेगमेंटमध्ये पारंपरिक इंजिनसोबत इलेक्ट्रिक मोबिलिटीवरही बीएमडब्ल्यूचा भर दिसतो. भारतात या कारसाठी बुकिंग सुरू असून ऑक्टोबर 2026 पासून डिलिव्हरी सुरू होणार आहे. BMW च्या अधिकृत माहितीनुसार, 7 सीरिजमध्ये प्रीमियम इंटीरियर, अत्याधुनिक डिजिटल टेक्नोलॉजी आणि आरामदायी प्रवासावर विशेष भर देण्यात आला आहे.
BMW इंडियाच्या कार पुन्हा महागणार; रुपयाच्या घसरणीचा ग्राहकांना मोठा फटका
अभिनेता रणवीर सिंहची ऑटोमोबाइल क्षेत्राशी असलेली ही पहिलीच मोठी पार्टनरशिप नाही. यापूर्वी त्याचा स्कोडा ऑटो इंडिया आणि मारुती सुझुकी नेक्सासोबतही ब्रँडशी संबंध राहिला आहे. त्यामुळे BMW च्या नव्या ब्रँड अॅम्बेसेडरच्या भूमिकेमुळे कंपनीला तरुण ग्राहकांमध्ये लक्झरी कारची आकर्षकता वाढवण्यास मदत होऊ शकते. शिवाय रणवीर सिंगच्या back to back हिट चित्रपटांमुळे त्याची प्रसिद्धी भारतात आणि जगभरातही वेगाने वाढत आहे. ज्याचा फायदा परिणामी BMW लाही नक्की होईल असे दिसून येते.
विशेष म्हणजे रणवीर स्वतःही महागड्या आणि परफॉर्मन्स कारसाठी ओळखला जातो. त्यामुळे त्याची इमेज BMW च्या लक्झरी, स्पोर्टी आणि टेक्नॉलॉजी-सेंटरड कारशी चांगली जुळते. कंपनीच्या भारतातील पोर्टफोलिओमध्ये इलेक्ट्रिक मॉडेल्सचा विस्तारही सुरू आहे आणि 7 सीरिजसोबत i7 सारख्या कारना ग्राहकांकडून लक्ष मिळत आहे.
ऑटोमोबाइल मार्केटिंगच्या दृष्टीने ही पार्टनरशिप BMW साठी महत्त्वाची ठरू शकते. रणवीरची मोठी सोशल मीडिया पोहोच, त्याची कारप्रेमी इमेज आणि सणासुदीच्या काळातील लक्झरी कार मार्केटमधील स्पर्धा लक्षात घेता, या सहकार्यामुळे BMW 7 सीरिज आणि कंपनीच्या येणाऱ्या मॉडेल्सना अधिक प्रसिद्धी मिळण्याची शक्यता आहे.
.png "Videos"){kind=small}
