Renault September Cars Offers: रेनोल्टच्या कारवर पैशांची मोठी बचत! सप्टेंबर ऑफरमध्ये मिळणार ₹1.8 लाखांपर्यंत फायदा

रेनोल्टने सप्टेंबर 2026 साठी आपल्या कारवर आकर्षक ऑफर्स जाहीर केल्या आहेत. डस्टरवर सर्वाधिक ₹1.80 लाखांपर्यंत फायदा मिळतो, तर किगर, ट्रायबर आणि क्विडवरही ग्राहकांना हजारो रुपयांची बचत करता येणार आहे.

या सप्टेंबरच्य महिन्यात रेनोल्ट इंडियाने आपल्या कार खरेदीदारांसाठी आकर्षक डिस्काउंट आणि ऑफर्स जाहीर केले आहेत. कंपनीच्या डस्टर, किगर, ट्रायबर आणि क्विड या मॉडेल्सवर ग्राहकांना वेगवेगळ्या स्वरूपात सवलत मिळत आहे. यामध्ये कॅश डिस्काउंट, एक्सचेंज किंवा स्क्रॅपेज बेनिफिट, लॉयल्टी बोनस तसेच कॉर्पोरेट आणि ग्रामीण ग्राहकांसाठी अतिरिक्त फायदे यांचा समावेश आहे. मात्र, ऑफर शहर, व्हेरिएंट, डीलरकडील स्टॉक आणि कस्टमर्स यानुसार बदलू शकते.

सर्वात जास्त फायदा नव्या रेनोल्ट डस्टरवर मिळत असून निवडक व्हेरिएंटवर एकूण ₹1.80 लाखांपर्यंत फायदे उपलब्ध आहेत. यात ₹30,000 पर्यंत कॅश डिस्काउंट आणि ₹50,000 पर्यंत एक्सचेंज किंवा स्क्रॅपेज बेनिफिट मिळू शकतो. जुन्या डस्टरमधून नवीन डस्टरमध्ये अपग्रेड करणाऱ्या ग्राहकांना तब्बल ₹1 लाखांपर्यंत लॉयल्टी बोनस मिळण्याची शक्यता आहे. त्यामुळे जुन्या डस्टर मालकांसाठी ही ऑफर खास फायदेशीर ठरू शकते.

Hyundai कारवर सप्टेंबरमध्ये बंपर ऑफर! तब्बल १ लाख रुपयांपर्यंत मिळणार डिस्काउंट

किगरवर ₹85,000 पर्यंत फायदा

रेनोल्ट किगरवर एकूण ₹85,000 पर्यंत फायदे दिले जात आहेत. यात ₹30,000 पर्यंत कॅश डिस्काउंट, ₹25,000 लॉयल्टी बोनस, ₹25,000 एक्सचेंज किंवा स्क्रॅपेज बेनिफिट आणि पात्र ग्राहकांसाठी ₹5,000 पर्यंत कॉर्पोरेट किंवा ग्रामीण ऑफरचा समावेश आहे. किगर हा कॉम्पॅक्ट एसयूव्ही सेगमेंटमध्ये असल्याने कमी बजेटमध्ये एसयूव्ही घेऊ इच्छिणाऱ्या ग्राहकांसाठी ही ऑफर आकर्षक ठरू शकते.

ट्रायबर आणि क्विडवरही ऑफर

रेनोल्ट ट्रायबरवर ₹50,000 पर्यंत आणि रेनोल्ट क्विडवर ₹40,000 पर्यंत एकूण फायदे मिळत आहेत. ट्रायबरला ₹20,000 पर्यंत कॅश डिस्काउंट आणि ₹25,000 पर्यंत एक्सचेंज किंवा स्क्रॅपेज फायदा आहे. तर क्विडवर ₹15,000 पर्यंत कॅश डिस्काउंट आणि ₹25,000 पर्यंत स्क्रॅपेज बेनिफिट मिळतो.

कियाच्या कारवर या सप्टेंबरमध्ये तब्बल ₹1.70 लाखांपर्यंत सूट; जाणून घ्या ऑफर्स

नवीन डस्टरच्या मार्केटमधील कामगिरीला चालना देण्यासाठी सणासुदीच्या काळापूर्वी अशा फायदेशीर योजना महत्त्वाच्या ठरू शकतात. ग्राहकांनी केवळ जाहिरातीत दिसणाऱ्या कमाल रकमेवर निर्णय न घेता आपल्या शहरातील प्रत्यक्ष किंमत, उपलब्ध व्हेरिएंट आणि ऑफरची अट समजून घेणे गरजेचे आहे. एक्सचेंज किंवा स्क्रॅपेजचा फायदा जुन्या वाहनाच्या मूल्यमापनावर आणि लागू नियमांवर अवलंबून असू शकतो. त्यामुळे बुकिंगपूर्वी रेनोल्टच्या अधिकृत डीलरकडून ऑफरचे डिटेल्स घेणे योग्य ठरेल.