Renault च्या ‘या’ 2 Cars ची जादू कायम! मार्च 2026 च्या विक्रीत 77 टक्क्यांची विक्रमी वाढ, विकल्या हजारो गाड्या

रेनॉल्टच्या वाहनांना नेहमीच भारतात चांगली मागणी मिळत आली आहे. नुकतेच ,मार्च 2026 मध्ये कंपनीच्या वाहनांना ग्राहकांनी भरभरून खरेदी केले आहे. ज्यामुळे मागील महिन्यात कंपनीच्या विक्रीत 77 टक्क्यांची विक्रमी वाढ निर्माण झाली

• रेनॉल्टच्या वाहनांना चांगली मागणी
• Kiger आणि Triber या दोन्ही कार्सच्या विक्रीत वाढ
• जाणून घ्या कंपनीचा सेल्स रिपोर्ट

Renault India ने भारतीय बाजारात उल्लेखनीय कामगिरी नोंदवत मार्च 2026 मध्ये वर्षभराच्या तुलनेत तब्बल 77 टक्क्यांची वाढ साध्य केली आहे. कंपनीने मार्च महिन्यात 5,046 युनिट्सची घाऊक विक्री केली असून, मागील वर्षी याच कालावधीत 2,846 युनिट्सची विक्री झाली होती.

कंपनीने आर्थिक वर्ष 2025-26 मध्येही सातत्यपूर्ण वाढ कायम राखली आहे. 31 मार्च 2026 रोजी संपलेल्या आर्थिक वर्षात रेनॉ इंडियाने एकूण 42,018 युनिट्सची विक्री केली असून, FY25 मधील 37,900 युनिट्सच्या तुलनेत 11 टक्क्यांची वाढ नोंदवली आहे. या वाढीमुळे कंपनीची भारतीय बाजारातील पकड अधिक मजबूत होत असल्याचे दिसून येते.

VinFast भारतात आपली मुळे घट्ट करण्यासाठी सज्ज! नवीन E Scooter लाँच करण्याच्या तयारीत

नवीन Renault Kiger आणि Renault Triber या मॉडेल्सनी विक्रीत मोठा वाटा उचलला आहे. मार्च महिन्यातील एकूण विक्रीपैकी तब्बल 63 टक्के हिस्सा या दोन्ही गाड्यांचा होता. ग्राहकांकडून मिळालेल्या सकारात्मक प्रतिसादामुळे या मॉडेल्सनी बाजारात आपली मजबूत उपस्थिती कायम ठेवली आहे.

कंपनीने Q2 मध्ये या दोन्ही मॉडेल्सचे अपडेटेड व्हर्जन सादर केल्यानंतर आर्थिक वर्षाच्या अखेरीपर्यंत एकूण 27 टक्क्यांची वाढ नोंदवली आहे. यावरून रेनॉच्या नव्या प्रॉडक्ट स्ट्रॅटेजीला आणि प्रीमियम व्हॅल्यू ऑफरिंगला ग्राहकांचा चांगला प्रतिसाद मिळत असल्याचे स्पष्ट होते.

मार्च महिन्याच्या उत्तरार्धात रेनॉच्या बहुप्रतीक्षित Renault Duster या आयकॉनिक SUV च्या डिलिव्हरीलाही सुरुवात झाली आहे. त्यामुळे आगामी काळात कंपनीच्या विक्रीत आणखी वाढ होण्याची अपेक्षा आहे.

टाटा मोटर्स पॅसेंजर वेहिकल्सची दमदार कामगिरी; सर्व सेगमेंटमध्ये नोंदवली उल्लेखनीय वाढ

रेनॉ ही युरोपमधील इलेक्ट्रिक वाहन क्षेत्रातील अग्रगण्य कंपनी असून, ‘Renaulution’ या धोरणात्मक योजनेअंतर्गत कंपनी अधिक स्पर्धात्मक, संतुलित आणि इलेक्ट्रिफाइड वाहनांची श्रेणी सादर करण्यावर भर देत आहे.

भारतामध्ये रेनॉची उत्पादन सुविधा चेन्नईतील ओरगडम येथे असून, येथे दरवर्षी 4.8 लाख युनिट्स उत्पादनाची क्षमता आहे. देशभरात कंपनीचे 350 हून अधिक विक्री केंद्रे आणि 450 पेक्षा अधिक सर्व्हिस टचपॉइंट्स आहेत. याशिवाय 250 हून अधिक ‘वर्कशॉप ऑन व्हील्स’ सुविधेद्वारे कंपनी ग्राहकांना उत्कृष्ट सेवा देत आहे.