Skoda Octavia RS Relaunched: स्कोडा ऑक्टाव्हिया RS भारतात पुन्हा लाँच; ५६.६९ लाखांच्या किंमतीत ५० युनिट्स उपलब्ध

स्कोडा ऑक्टाव्हिया RS ची भारतात पुन्हा एंट्री झाली असून ₹५६.६९ लाख किंमतीत फक्त ५० युनिट्स उपलब्ध आहेत. पहिल्या बॅचपेक्षा तब्बल ₹६.७० लाख महागलेल्या या कारसाठी ग्राहकांची उत्सुकता वाढली आहे.

• स्कोडा ऑक्टाव्हिया RS ची ५० युनिट्सची दुसरी मर्यादित तुकडी ₹५६.६९ लाख  किंमतीत भारतात लाँच.
• २.०-लीटर टर्बो इंजिन आणि २६५ HP पॉवरसह ही कार अवघ्या ६.४ सेकंदात १०० चा वेग गाठते.
• स्पोर्टिअर एक्सटीरियर डिझाइन, १३-इंच इन्फोटेनमेंट स्क्रीन आणि ADAS सारख्या प्रीमियम फीचर्ससह डिलिव्हरी पुढील आठवड्यापासून सुरू.

स्कोडा ऑक्टाव्हिया RS ची दुसरी मर्यादित तुकडी भारताच्या ऑटोमोबाईल बाजारात ₹५६.६९ लाख (ex-showroom) या किंमतीत सादर करण्यात आली आहे. पहिल्या तुकडीच्या ₹४९.९९ लाख या किंमतीच्या तुलनेत यामध्ये ₹६.७० लाखांची थेट वाढ झाली आहे. ही नवीन बॅच अत्यंत मर्यादित म्हणजेच फक्त ५० युनिट्सपुरतीच उपलब्ध असून, ग्राहकांना पुढील आठवड्यापासून याची डिलिव्हरी मिळण्यास सुरुवात होणार आहे.

इंजिन आणि दमदार परफॉर्मन्स

या सेडानमध्ये २.०-लीटर टर्बो-पेट्रोल चार-सिलेंडर इंजिन देण्यात आले आहे, जे २६५ hp पॉवर आणि ३७० Nm टॉर्क जनरेट करते. हे इंजिन ७-स्पीड DSG ऑटोमॅटिक गियरबॉक्सद्वारे पुढील चाकांना पॉवर पाठवते. ही कार अवघ्या ६.४ सेकंदात ० ते १०० किमी/तास वेग पकडू शकते, तर तिचा टॉप स्पीड २५० किमी/तास इतका मर्यादित ठेवण्यात आला आहे. उत्कृष्ट ड्रायव्हिंग अनुभवासाठी यात स्पोर्ट्स सस्पेंशन, प्रोग्रेसिव्ह स्टीयरिंग आणि स्पोर्टी एक्झॉस्ट सिस्टम समाविष्ट आहे.

गाडी असावी तर सेडानसारखीच! स्कोडा इंडिया ब्रँड डायरेक्टर आशिष गुप्ता यांची भूमिका

आकर्षक एक्सटीरियर डिझाइन

रेग्युलर मॉडेलच्या तुलनेत या परफॉर्मन्स सेडानला अधिक आक्रमक आणि स्पोर्टी लुक देण्यात आला आहे. कारच्या पुढच्या भागात ग्लॉस-ब्लॅक ग्रिल, RS-स्पेसिफिक बंपर आणि LED मॅट्रिक्स हेडलाइट्स मिळतात. साइड प्रोफाईलमध्ये १९-इंचाचे अ‍ॅलॉय व्हील्स, लाल रंगाचे ब्रेक कॅलिपर्स, ब्लॅक एक्सटीरियर डिटेल्स, ड्युअल एक्झॉस्ट आउटलेट्स आणि विशिष्ट RS बॅजिंग देण्यात आले आहे.

Skoda Octavia: स्कोडा ऑक्टाव्हिया RS ची दुसरी बॅच भारतासाठी जाहीर! लवकरच होणार लाँच! पाहा काय असतील स्पेशल फीचर्स

प्रीमियम इन्टीरियर आणि आधुनिक फीचर्स

कारच्या केबिनमध्ये RS स्पोर्ट्स सीट्स, ३-स्पोक मल्टिफंक्शन स्टीयरिंग व्हील आणि १०.२५-इंच डिजिटल इन्स्ट्रुमेंट क्लस्टरसह १३-इंच इन्फोटेनमेंट टचस्क्रीन देण्यात आली आहे. याशिवाय यात ड्युअल-झोन क्लायमेट कंट्रोल, वायरलेस ॲपल कारप्ले आणि अँड्रॉइड ऑटो, वायरलेस चार्जिंग, कॅन्टन प्रीमियम साउंड सिस्टम, इलेक्ट्रिकली ॲडजस्टेबल व हीटेड फ्रंट सीट्स आणि पॅनोरॅमिक सनरूफ यांसारखे उच्च दर्जाचे फीचर्स मिळतात.