नवीन Tata Sierra च्या टॉप व्हेरिएंटची किंमत किती असू शकते ? लवकरच फुल प्राईझ लिस्ट होणार सादर

एसयूव्ही सेगमेंटमध्ये टाटा मोटर्सने त्यांची क्लासिक टाटा सिएरा पुन्हा एकदा नवीन रूपात लाँच केली आहे. आता कंपनी लवकरच याच्या सगळ्या व्हेरिएंटची किंमत जाहीर करू शकते.

• भारतात नवीन Tata Sierra लाँच
• कारची बुकिंग 16 डिसेंबर पासून सुरु होणार
• लवकरच फुल प्राईझ लिस्ट सादर होणार

भारतीय ऑटो बाजारात अनेक उत्तम ऑटो कंपन्या आहेत, ज्या वेगवेगळ्या सेगमेंटमध्ये दमदार कार ऑफर करत असतात. अशीच एक ऑटो कंपनी म्हणजे Tata Motors. नुकतेच टाटा मोटर्सने त्यांची नवीन एसयूव्ही भारतीय बाजारात सादर केली आहे. ही एसयूव्ही म्हणजे टाटा सिएरा (Tata Sierra).

अलीकडेच टाटा मोटर्सने भारतीय बाजारात नवीन टाटा सिएरा लाँच केली आहे. त्याची सुरुवातीची एक्स-शोरूम किंमत 11.49 लाख रुपये आहे. कंपनीने अद्याप सर्व व्हेरिएंटच्या किंमती जाहीर केलेल्या नाहीत. सर्व व्हेरिएंटच्या किंमती डिसेंबर 2025 च्या मध्यापर्यंत जाहीर केल्या जातील. 16 डिसेंबर 2025 रोजी ऑनलाइन बुकिंग सुरू होण्यापूर्वी आणि डीलरशिपवर बुकिंग सुरू होण्यापूर्वी किंमती जाहीर केल्या जातील अशी अपेक्षा आहे.

प्रीमियम लूक आणि किंमत 2 लाखांच्या आत! Bajaj Pulsar N160 चा नवीन व्हेरिएंट झाला लाँच

टॉप व्हेरिएंटची किंमत काय असू शकते?

टाटा सिएरा ही Smart+, Pure, Pure+, Adventure, Adventure+, Accomplished आणि Accomplished+ अशा सात व्हेरिएंटमध्ये ऑफर केली जाते, याच्या टॉप व्हेरिएंटची एक्स-शोरूम किंमत 20.5 लाखांपर्यंत असण्याची अपेक्षा आहे. डिलिव्हरी जानेवारी 2026 च्या मध्यात सुरू होईल.

नवीन सिएरा तीन वेगवेगळ्या इंजिन पर्यायांसह सादर करण्यात आली आहे. विविध ग्राहकांच्या गरजा लक्षात घेऊन योग्य पर्याय उपलब्ध करून देणे हा यामागील उद्देश आहे.

1.5L नैचरलि ॲस्पिरेटेड पेट्रोल इंजिन

• पॉवर: 106 PS
• टॉर्क: 145 Nm

1.5L टर्बो GDI पेट्रोल इंजिन

• पॉवर: 160 PS
• टॉर्क: 255 Nm

1.5L डिझेल इंजिन

• पॉवर: 120 PS
• टॉर्क: 280 Nm

नवीन Tata Sierra मध्ये 6-स्पीड मॅन्युअल, टॉर्क कन्व्हर्टर ऑटोमॅटिक आणि DCT ट्रान्समिशनचे पर्याय उपलब्ध आहेत.

हा हिशोब महत्वाचा! Tata Sierra ची टाकी फुल करण्यासाठी किती येईल खर्च? जाणून घ्या

नवीन प्लॅटफॉर्मवर आधारित

सिएरा ही टाटाच्या नवीन मॉड्यूलर ARGOS प्लॅटफॉर्मवर तयार केली गेली आहे, जी प्रगत सेफ्टी, परफॉर्मन्स आणि भविष्यातील इंधन प्रकार आणि सीटिंग लेआऊट्स लक्षात घेऊन विकसित केली गेली आहे.

या कारसोबत असेल स्पर्धा

नवीन Tata Sierra अनेक लोकप्रिय SUV मॉडेल्सशी जोरदार स्पर्धा करणार आहे. यामध्ये Hyundai Creta, Maruti Grand Vitara, Maruti Victoris, Toyota Hyryder, Kia Seltos आणि Honda Elevate यांचा समावेश आहे.