(फोटो सौजन्य-सोशल मीडिया)
मॉलच्या B1 पार्किंग लॉटमध्ये असलेल्या या स्टेशनमुळे, Tesla यूजर्स आता शॉपिंग करताना सोयीस्कर आणि सहजपणे आपली वाहने चार्ज करु शकणार आहेत. ही सुविधा विशेषतः अशा लोकांसाठी फायदेशीर आहे, ज्यांना आपल्या वेळेचा प्रभावीपणे वापर करायचा आहे.
खरं तर, या नवीन चार्जिंग स्टेशनचे सर्वात मोठे वैशिष्ट्य म्हणजे त्याचा Fast चार्जिंग स्पीड. येथील सुपरचार्जर २५० किलोवॅटपर्यंत डीसी फास्ट चार्जिंगची सुविधा देतात, ज्यामुळे Tesla Model Y ही कार केवळ १५ मिनिटांत अंदाजे २७५ किलोमीटरचा प्रवास करण्याइतकी चार्ज होऊ शकते. याव्यतिरिक्त, 11kW एसी डेस्टिनेशन चार्जरसुद्धा उपलब्ध आहेत, जे आपले वाहन चार्ज करण्यासाठी थोडा जास्त वेळ देऊ शकतात.अशा प्रकारे, वापरकर्ते त्यांच्या गरजेनुसार चार्जिंगचा पर्याय निवडता येणार आहे.
Teslaने आपली चार्जिंग सिस्टमला स्मार्ट बनवली आहे. कंपनीच्या ॲपद्वारे वापरकर्ते जवळपासची चार्जिंग स्टेशन्स शोधू शकतात आणि चार्जिंगच्या स्थितीवर लक्ष ठेवू शकतात. इतकेच नाही, तर चार्जिंग पूर्ण झाल्यावर नोटीफिकेशन आणि थेट ॲपवरून पेमेंटही करता येतं.
नवी मुंबईतील या स्टेशनानंतर आता भारतात Tesla चार्जिंग नेटवर्कची एकूण चार चार्जिंग स्टेशन्स झाली आहेत. या स्टेशन्सवर मिळून २० सुपरचार्जर्स आणि १४ डेस्टिनेशन चार्जर्स उपलब्ध आहेत. ही स्टेशन्स गुरुग्राममधील डीएलएफ होरायझन सेंटर, एरोसिटीमधील वर्ल्डमार्क ३, मुंबईतील वन बीकेसी आणि आता नवी मुंबईतील नेक्सस सीवूड्स मॉल येथे आहेत. मॉल्स, महामार्ग आणि फूड कोर्ट्स यांसारख्या ठिकाणी शक्य तितकी चार्जिंग स्टेशन्स उभारण्याचं टेस्लाचे उद्दिष्ट आहे, जेणेकरून ग्राहकांना कुठेही चार्जिंगच्या समस्येचा सामना करावा लागणार नाही.
खर्चाच्या बाबतीत बोलायचे झाल्यास, टेस्लाचा सुपरचार्जर वापरण्यासाठी प्रति युनिट अंदाजे ₹24 खर्च येतो. स्टँडर्ड मॉडेल Y व्हेरिएंटच्या पूर्ण चार्जिंगसाठी अंदाजे ₹1,800 खर्च येतो, तर लाँग-रेंज व्हेरिएंटसाठी हा खर्च ₹2,000 पेक्षा जास्त असू शकतो. दुसरीकडे, डेस्टिनेशन चार्जरसाठी प्रति युनिट अंदाजे ₹14 खर्च येतो, जो एक थोडा स्वस्त पर्याय आहे. यामुळे वापरकर्त्यांना त्यांच्या गरजा आणि बजेटनुसार चार्जिंगची पद्धत निवडता येते.
.png "Videos"){kind=small}
